[᭒᭔ 24B]
᭒᭔
ᬲᬶᬢᭀᬂᬩᬓᬢ᭄ᬳᬸᬲᬸᬤᬶᬦ᭄᭞ᬓᬾᬫᭂᬂᬢᬶᬢ᭄ᬬᬂ᭞ᬗᭂᬭᬲᬬᬂᬳᬲᬶᬳᬶᬂᬳ᭄ᬬᬂ᭚ᬓᬾᬢᭀᬳᬢᬸᬃᬜᬗᬓ᭄ᬱᬫ᭞ᬤᬤ᭄ᬬᬳᬦᬳᬸᬚᬦ᭄ᬲᬭᬶ᭞ᬫᬶᬬᬶᬓ᭄ᬜᬗ᭄ᬮᬸᬄᬫᬳᬶᬫ᭄ᬧᬗᬦ᭄᭞ᬲᬕᬾᬢ᭄ᬲᬂᬲᬶᬦᬸᬳᬸᬦ᭄ᬧᭂᬭᬧ᭄ᬢᬶ᭞ᬳᬶᬓᭂᬢᬸᬢ᭄ᬭᬭᬶᬲ᭄
ᬗᬲ᭄ᬢᬸᬢᬶ᭞ᬫᭂᬧᭂᬲ᭄ᬦᭂᬫ᭄ᬩᬄᬫᬢᬮᬗ᭄ᬓᬸᬧ᭄᭞ᬲᬂᬲᬶᬦᭂᬫ᭄ᬩᬄᬗᬸᬘᬧ᭄ᬳᬮᭀᬦ᭄᭞ᬦᬦᬓ᭄ᬲᬫ᭄ᬧᬸᬦ᭄ᬲᬶᬤᬾᬂᬓ᭠ᬧ᭄ᬢᬶ᭞ᬢ᭄ᬬᬕᬓ᭄ᬦ᭞ᬗᬲ᭄ᬢᬸᬢᬶᬳ᭄ᬬᬂᬭᭀᬘᬡ᭚ᬫᬗ᭄ᬓᬾᬩᬧᬳᬯᬾᬄᬦᬫ᭞ᬦᬫᬦ᭄ᬦᬦᬓ᭄ᬫ᭄ᬧᬸᬲᭂᬭᬸᬢᬶ᭞ᬩᬧ᭠
ᬫᬗ᭄ᬓᬾᬯᬾᬄᬮᬩᬳᬦ᭄᭞ᬳᬬ᭄ᬯᬫᬶᬮᬶᬳᬶᬦ᭄ᬩᭀᬚᬦᬶ᭞ᬲᬮ᭄ᬯᬶᬭᬶᬂᬓᬦᬳᬸᬮᬢᬶ᭞ᬯᭂᬦᬂᬦᬦᬓ᭄ᬫᬗᬦ᭄ᬳᬶᬓᬸ᭞ᬬ᭄ᬯᬤᬶᬦ᭄ᬳᬬᬸᬬ᭄ᬯᬤᬶᬦ᭄ᬭᬸᬲᬓ᭄᭞ᬳᬬ᭄ᬯᬯᬕᬶᬮᬳᬶᬓᬂᬩᬸᬤᬶ᭞ᬲᬂᬮᬶᬦᬶᬗᬦ᭄ᬫᭂᬧᭂᬲ᭄ᬦᭂ᭠
[᭒᭕ 25A]
ᬫ᭄ᬩᬄᬢᭂᬮᬲ᭄ᬗᬶᬭᬶᬗᬂ᭚ᬳᭂᬫ᭄ᬧᬸᬲᭂᬭᬸᬢᬶᬫᬦᬃᬧᬡ᭞ᬧᬳᬶᬘᬦ᭄ᬲᬂᬳᬤᬶᬕᬸᬭ᭄ᬯᬶ᭞ᬢᬦ᭄ᬕᬶᬮᬤᬾ᭠ᬭᬫ᭄ᬩᭀᬚᬡ᭞ᬳᭀᬮᬄᬳᭀᬮᬳᬦᬶᬂᬚᬤ᭄ᬫ᭞ᬳᬫ᭄ᬩᬸᬦ᭄ᬜᬦᬾᬳᬮᬶᬩ᭄ᬳᬗᬶᬢ᭄᭞ᬤᬲᬃᬜᬦᬾᬢᬸᬮᬂ᭠
ᬳᬸᬮᬸ᭞ᬢᭂᬮᬲ᭄ᬲᬫ᭄ᬧᬸᬦ᭄ᬤᬾᬭᬫᬗᬦ᭄᭞ᬦᬶᬃᬫᬮᬳ᭄ᬬᬸᬦᬾᬳᭂᬦᬶᬂ᭞ᬢᬸᬯᬶᬧᬸᬢᬸᬲ᭄᭞ᬳᬸᬢᬫᬦᬾᬂᬩᬹᬥᬗᬭᬦ᭄᭚ᬲᬯᬸᬲᬦᬾᬳᬫᬸᬚᬦ᭞ᬲᬂᬕᬸᬭᬸᬗᬦᬶᬓᬳᬭᬶᬲ᭄᭞ᬢᬸᬳᬸᬳᬦᬦᬓ᭄ᬮ᭄ᬯᬶᬄᬢ᭄ᬬᬕ᭞ᬳᬸᬢ᭠
ᬫᬦᬶᬂᬢᬢ᭄ᬯᬩᬸᬥᬶ᭞ᬧᬋᬂᬫᬦ᭄ᬢᬸᬓ᭄ᬓᬧᬲᭂᬭᬫᬶ᭞ᬕᬯᬾᬦ᭄ᬦᬦᬓ᭄ᬲᬶᬤᬮᬓᬸ᭞ᬳᭂᬫ᭄ᬧᬸᬲᭂᬭᬸᬢᬶᬫᭂᬦ᭄ᬤᭂᬓ᭄ᬦᭂᬫ᭄ᬩᬄ᭞ᬗᬲ᭄ᬢᬸᬗ᭄ᬓᬭᬢᭂᬮᬲ᭄ᬲᬳᬶᬭᬶᬂ᭞ᬳᬓᬭᭀᬦᬦ᭄᭞ᬗᭂᬭᬭᬶᬲ᭄ᬫᬦ᭄ᬢᬸᬓ᭄ᬓᬧᬲᭂᬭᬫᬦ᭄᭚ᬲᬭ᭠
Page:Bali-lontar-gaguritan-ketut-bangun-300ppi.pdf/25
This page has been proofread.
