[᭗ 7B]
᭞᭖᭞ᬫᬗ᭄ᬕᬶᬄᬫᬃᬕ᭄ᬕᬵᬲᬢ᭄ᬬᬵ᭞ᬦᬾᬭᬵᬳᬾᬮᬶᬂ᭞ᬫᬫᬃᬦᬾᬍᬫᬄᬳᬶᬂᬮᬭᬲ᭄᭟᭓᭗᭞ᬭᬭᬶᬲ᭄ᬫᭂᬫᬃᬕ᭄ᬕᬶᬗᬸᬗ᭄ᬕᬳᬂ᭞ᬤᬶᬧᬸᬘᬓ᭄ᬕᬸᬦᬸᬂᬫᭂᬦᬗᬶᬲ᭄᭞ᬮᬭᬵᬢᬸᬃᬳᬶᬤᬵᬓᭂᬍᬲᭀᬦ᭄᭞ᬳᬦᬸᬮᬶ
ᬳᬶᬤᬵᬳᬢᬸᬭᬸ᭞ᬲᬸᬲ᭄ᬬᬄᬳᬢᬶᬮᬭᬵᬢᬶᬓᬵ᭞ᬫᭂᬦᬗᬶᬦᬶᬦ᭄᭞ᬦᬸᬮᬶᬩᬗᬸᬦ᭄ᬫᬗᬺᬧᬢ᭄ᬭᬵ᭟᭓᭘᭞ᬳᬤᬸᬄᬫᬲ᭄ᬳᬭᬶᬦ᭄ᬢᬶᬢ᭄ᬬᬂ᭞ᬫᬓᬵᬓᬧᬶᬢ᭄ᬯᬦᬶᬂᬳᬢ᭄ᬯᬶ᭞ᬢᬦ᭄ᬱᬄᬲᬸᬫ᭄ᬮᬧᬶᬂᬧᬦᭀᬦ᭄᭞
ᬫᭂᬫᬗᬸᬦᬂᬢᬺᬱ᭄ᬡᬵᬓᬬᬸᬦ᭄᭞ᬫᭂᬜᬧᬵᬗᬮᬧᬶᬂᬚᬶᬯ᭄ᬯᬵ᭞ᬬᬦ᭄ᬳᬸᬧᬫᬶ᭞ᬲ᭄ᬚᬄᬫᬭᬶᬂᬲᭂᬫᬭᬵᬮᬬᬵ᭟᭓᭙᭞ᬳᬶᬮᬭᬵᬳᬶᬤᬵᬫᭂᬫᬃᬡ᭄ᬦᬵ᭞ᬓᬸᬤᬵᬩᬳᬦ᭄ᬗᭂᬮᬯᬦᬶᬦ᭄᭞ᬲ
ᬫ᭄ᬩᬶᬮᬂᬗᬸᬲᬧ᭄ᬬᬾᬄᬧᬦᭀᬦ᭄᭞ᬲᬲᭀᬮᬳᬾᬲᭂᬫᬸᬲᭂᬗ᭄ᬕᬸ᭞ᬢᭀᬮᬫ᭄ᬧᬶᬬᬲ᭄ᬩᬳᬦ᭄ᬫᬢᬦ᭄ᬤᬓᬦ᭄᭞ᬦᬾᬦᬾᬚᬦᬶ᭞ᬮᬲ᭄ᬗᭂᬮᬫ᭄ᬧᬸᬲᬂᬭᬕᬵ᭟᭔᭐᭞
[᭘ 8A]
᭞᭗᭞
᭞ᬳᬶᬮᬭᬵᬢᬸᬃᬳᬶᬤᬵᬫᭂᬫᬃᬡ᭄ᬦᬵ᭞ᬳᬜ᭄ᬘᭀᬦ᭄᭞ᬢᭀᬗᭀᬲᬾᬮ᭄ᬯᬶᬄ᭞ᬳᬸᬗ᭄ᬕᬸᬯᬦᬶᬂᬲᬂᬬᭀᬕᬶᬋᬓᭀ᭞ᬗ᭄ᬯᬗᬸᬦ᭄ᬬᬱᬵᬧᬸᬦᬶᬓᬸ᭞ᬓᬢᭀᬦ᭄ᬤᬦᬸᬦᬾᬤᬸᬫᬶᬮᬄ᭞ᬢᬳᬸᬗ᭄ᬭᬯᬶᬢ᭄᭞ᬭᬶᬂᬧᬶ
ᬗ᭄ᬕᬶᬃᬭᬭᬶᬲ᭄ᬫᭂᬰᬶᬮᬵ᭟᭔᭑᭞ᬫᬫᬸᬲ᭄ᬢᬶᬫᭂᬗ᭄ᬭᬡ᭄ᬦᬵᬰᬶᬓᬵ᭞ᬢᬦ᭄ᬧ᭄ᬕᬢ᭄ᬧᭂᬕᬢ᭄ᬳᬦᬗᬶᬲ᭄᭞ᬚᬶᬯᬢ᭄ᬳᬢ᭄ᬫᬦ᭄ᬳᬶᬤᬾᬯ᭄ᬯᬵ᭞ᬫᬭᬶᬓᬶᬳᬶᬤᬾᬯ᭄ᬯᬢᬸᬫᬸᬦ᭄᭞ᬘᬶᬗᬓ᭄ᬢᬶᬢ᭄ᬬᬂ
ᬦᬦ᭄ᬤᬂᬮᬭᬵ᭞ᬮᭂᬂᬮᭂᬂᬧᬮᬶᬂ᭞ᬓᭂᬳᬲᬸᬓᬦ᭄ᬩᬳᬦ᭄ᬇᬡ᭄ᬥ᭄ᬭᬶᬬᬵ᭟ᬳᬧᬦ᭄ᬲᬫ᭄ᬧᬸᬦ᭄ᬢᬶᬢᬳᬶᬂᬳ᭄ᬬᬂ᭞ᬢᬶᬢ᭄ᬬᬂᬦᬫ᭄ᬧᬶᬩᬸᬓᬵᬚᬦᬶ᭞ᬦᭀᬭᬵᬳᬗᭂᬦ᭄ᬢᬶᬢ᭄ᬬᬂᬤᬾᬯ᭄ᬯᬵ᭞ᬭᬶᬂ
ᬢᬶᬢᬄᬳᬶᬤᬵᬦᬾᬫᬸᬦ᭄ᬥᬸᬃ᭞ᬫᬗ᭄ᬤᬵᬩᬕ᭄ᬬᬵᬦᬾᬫᭂᬮᬭᬵ᭞ᬢᬦ᭄ᬱᬶᬦᬶᬧᬶ᭞ᬢᬶᬗ᭄ᬓᬄᬫᬦᬸᬫᬤᬶᬚᬤ᭄ᬫᬵ᭟ᬧᬸᬧᬸᬢ᭄᭟
Page:Bali-lontar-gaguritan-lara-smara-300ppi.pdf/8
This page has been proofread.
