[᭑᭓ 13B]
᭑᭓
᭛ᬅᬯᬶᬖ᭄ᬦᬫᬵᬲ᭄ᬢᬸ᭛ᬧᬸᬧᬸᬄᬲᬶᬦᭀᬫ᭄᭛᭜᭛ᬳᬶᬲᭂᬦᬸᬮᬶᬲ᭄ᬧᬳᬶᬗᭂᬢᬦ᭄᭞ᬦᬸᬗ᭄ᬓᬸᬮᬂᬳᬶᬥᭂᬧᬾᬧᬮᬶᬂ᭞ᬓᬩᬤᬸᬂᬗᬸᬩᬤᬂᬳᬯᬓ᭄᭞ᬲᬓᬶᬢᬾᬫᬯᬦ᭄ᬢᬶᬯᬦ᭄ᬢᬶ᭞ᬦᬾᬢᬳᬦᬂᬩᬸᬓᬚᬦᬶ᭞ᬧᬹᬃᬯ᭄ᬯᬓᬳᬲᬶᬩᬓ᭄ᬮᬸᬫ᭄ᬲᬸᬄ᭞
ᬩᭀᬗᬵᬃᬰᬭᬨᬾᬗᭂᬤᭂᬗᬂ᭞ᬫᬢᬦᬾᬲᬤᬵᬫᬗᬶᬘᬶᬃ᭞ᬤᬤᬶᬯᭂᬢᬸᬓᭂᬦᭂᬳᬾᬜᬲᬳᬶᬩᬸᬬᬃ᭟ᬮᬸᬯᬸᬂᬓᬫᬭᬾᬫᬚᬚᬃ᭞ᬤᬶᬧᬥᬮᬶᬗ᭄ᬕᬄ᭞ᬳᬤᬢᬾᬮᭀᬦ᭄ᬳᬤᬢᬶᬨᬶ᭞ᬳᬤᬅᬲᬾ
ᬳᬧᬂᬤᬶᬗᬶᬦ᭄᭞ᬲᬶᬂᬲᬶᬤ᭄ᬥᬵᬦᬸᬗ᭄ᬓᬸᬮᬂᬳᬶᬩᬸᬓ᭄᭞ᬤᬶᬅ᭄ᬳᬕᬸᬂᬫᬜᭂᬫᬓ᭄ᬓᬺᬢᬲ᭄᭞ᬦᬸᬮᬶᬲᬂᬫᬦᬳᬾᬧᬮᬶᬂ᭞ᬧᬂᬓᬢᬸᬗ᭄ᬓᬸᬮ᭄ᬳᬸᬬᬂᬓᭂᬦᭂᬳᬾᬢᬸᬮᬶᬲᬂ᭟ᬲᬓᬶᬂᬲ᭄ᬯᬾᬘ᭄ᬘᬦ᭄ᬲᬂᬳ᭄ᬬᬂᬳᭂᬫ᭄ᬩᬂ᭞ᬤᬤᬶᬩᬬᬸᬦᬾᬫᬯᬮᬶ᭞ᬩᬢᬶᬲ᭄ᬜᬶᬤ᭄ᬥᬬᬂᬗᬮᬶᬜ᭄ᬘ
ᬓ᭄᭞ᬍᬫᭂᬢ᭄ᬮᬶᬫᬦᬾᬫᬲᬮᬶᬦ᭄᭞ᬤᬤᬶᬳᬗ᭄ᬕᭀᬩᬸᬓᬚᬦᬶ᭞ᬦᬸᬗ᭄ᬓᬸᬮᬂᬓᭂᬦᭂᬳᬾᬳᬶᬗᬸᬄ᭞ᬫᬓᭂ᭠ᬦᭂᬄᬫᬸᬮᬶᬄᬢᭀᬂᬤᬤᬶᬓᬸᬤ᭄ᬬᬂ᭞ᬓᬅᬫ᭄ᬮᬵᬧᬸᬭᬫᬯᬮᬶ᭞ᬲᬫ᭄ᬩᬶᬮ᭄ᬮᬯᬸᬢ᭄ᬮᬓᬃᬦᬸᬢᬸᬕᬂᬫᬳᬸᬩᬤ᭄᭟ᬤᬸᬕᬲᬾ
[᭑᭔ 14A]
ᬦᬸᬤᬶᬤᬾᬯᬦ᭄ᬧᬲᬃ᭞ᬫᬓ᭄ᬚᬂᬜᬫᬦᬾᬦᭂᬮᭀᬓᬶᬦ᭄᭞ᬓᬤᬂᬩ᭄ᬭᬬᬦᬾᬜᬭᬢᬂ᭞ᬧᬥᬕᬲᬵᬫᬦᬸᬮᬸᬗᬶᬦ᭄᭞ᬯᬗ᭄ᬳᬬᬵᬕ᭄ᬮᭀᬕᭀᬃᬫᬓᬵᬤᬶ᭞ᬢᬶᬦ᭄ᬤᬓᬦᬾᬧᬥᬩᬶᬜ᭄ᬘᬸᬄ᭞ᬗᬶᬚᭂᬗᬶᬦ᭄ᬧᭂᬢᭂᬂᬍᬫᬄ᭞ᬘ᭄ᬦᬶᬓ᭄ᬓᭂᬮᬶᬄᬮᬸᬄᬫᭀᬯ
ᬦᬶ᭞ᬘᬸᬘᬸᬫᬗ᭄ᬢᬸᬧ᭄ᬬᬦᬓᬾᬫᬸᬮᬢᬦ᭄ᬧᬲᬄ᭟ᬢᬶᬫ᭄ᬧᬮᬾᬢᭂᬓᬫᬤ᭄ᬮᭀᬓᬦ᭄᭞ᬳᬤᬤᭀᬓ᭄ᬢᭂᬃᬳᬤᬫᬦ᭄ᬢ᭄ᬭᬶ᭞ᬦᬾᬫᬸᬮᬫᬤᬲᬃᬢᬺᬱ᭄ᬡᬵ᭞ᬫᬤᬸᬮᬸᬭᬦ᭄ᬓᭂᬦᭂᬳᬲᬶᬄ᭞ᬧᬓ᭄ᬢᬸᬲᬦ᭄ᬮᬦ᭄ᬕᬸᬲ᭄ᬭᬳᬶ᭞ᬜᬭᬢᬂᬮᬸᬗ᭄ᬳᬓᬩᬤᬸᬂ᭞ᬭᬸᬦ᭄ᬢ᭠
ᬕ᭄ᬩᬬᬸᬦᬾᬧᬗᬾᬗ᭄ᬕᬮ᭄᭞ᬫᬗ᭄ᬤᬾᬦᬾᬧᭀᬮᬶᬄᬓᬧᬗ᭄ᬕᬶᬄ᭞ᬫᬧᬦ᭄ᬢᬸᬮᬸᬲ᭄ᬢᬺᬱ᭄ᬡᬦ᭄ᬓᬬᬸᬦᬾᬗᬯᬶᬦᬂ᭟ᬲᭀᬧᬶᬃᬫᭀᬢᭀᬭᬾᬤᬾᬢ᭄ᬭᬗ᭄ᬕ᭞ᬩᬋᬂᬬᬲᬳᬸᬭᬳᬭᬶᬄ᭞ᬗᬬᬳᬶᬦ᭄ᬗᬮᬶᬳᬂᬳᬸᬩᬤ᭄᭞ᬗᬩᬵᬋᬲᬾᬧ᭄ᬓᬅᬧᭀᬢᬶ᭠
ᬓ᭄᭞ᬭᬾᬧᭀᬢ᭄ᬳᬸᬮᬳᬾᬓᬲ᭄ᬬᬲᬶᬄ᭞ᬢᬶᬦ᭄ᬤᬓᬦᬾᬫᬶᬮᬸᬢᬸᬬᬸᬄ᭞ᬳᬶᬗᭂᬢ᭄ᬢᭂᬓᬾᬦ᭄ᬢᬗ᭄ᬕᬸᬂᬚᬯᬩ᭄᭞ᬗ᭠ᬬᬳᬶᬦ᭄ᬤᬶᬅ᭄ᬳᬕᬸᬂᬩᬶᬦ᭄ᬢᬶᬢ᭄᭞ᬮᬸᬤᬶᬦ᭄ᬤᬶᬗᬸᬄᬧᭂᬢᭂᬂᬍᬫᬄᬲᬳᬶᬫᬕᬤᬂ᭟ᬬᬦᬮᬶᬮᬂᬤᬶᬧ᭄ᬭᬯᬢᬦ᭄᭞ᬤᭀᬓ᭄ᬢᭂᬃᬰ
Page:Bali-lontar-gaguritan-ligya-patibrata-300ppi.pdf/14
This page has been proofread.
