[᭑᭑ 11B]
᭑᭑
ᬫᬡᬶᬓ᭄ᬳᬫᬸᬯᬸᬲ᭄᭞ᬦᬄᬓ᭄ᬫᬮᬯᬸᬢ᭄ᬳᬢᬸᬭᬂ᭞ᬦᬶᬭᬚᬦᬶ᭞ᬳ᭄ᬦᬸᬫᬗᬶᬗ᭄ᬲᬶᬭᬂᬳᬢ᭄ᬫ᭟ᬲᬂᬚᭀᬕᭀᬃᬫᬡᬶᬓ᭄ᬗᬦ᭄ᬤᬶᬓ᭞ᬳᬧᬦᬾᬮ᭄ᬬᬸᬦᬂᬫᬸᬜᬶ
ᬳᬧᬦ᭄ᬓ᭄ᬭᬫᬩᬸᬓᬓᬾᬢᭀ᭞ᬓᬢᬸᬤᬸᬄᬭᬶᬂᬲᬂᬳ᭄ᬬᬂᬕᬸᬭᬸ᭞ᬬᬦ᭄ᬫᬤᬍᬫ᭄ᬳᬢ᭄ᬫᬲᬲᬃ᭞ᬦᬶᬭᬚᬦᬶ᭞ᬓᬲᬓᬶᬢᬶᬦ᭄ᬭᬶᬂᬳ᭄ᬬᬂᬰᬶᬯ᭟ᬲᬂᬘᬶᬓ᭄ᬭ
ᬩᬮᬗᬦ᭄ᬤᬶᬓᬭᬶᬂᬳᬶᬮᬶᬗ᭄ᬕᬧᭂᬢᬫᬗ᭄ᬓᬶᬦ᭄᭞ᬫᬭᬶᬂᬳᬢ᭄ᬫᬧᬸᬧᬸᬄ᭞ᬧ᭄ᬭᬧ᭄ᬢ᭞ᬭᬶᬂᬓᬳ᭄ᬬᬗᬦ᭄ᬬᬫᬮᬸᬗ᭄ᬕᬸᬄ᭞ᬧᬭᬦ᭄ᬫᬃᬫ᭄ᬫᬳᬶᬗ᭄ᬲᬸᬦ᭄ᬧ᭄ᬚᬄ᭞ᬓᬓᬶ
ᬦᬶᬩᬶ᭞ᬤᬸᬓᬶᬂᬫᬺᬘᬧᬤᬗᬸᬦ᭄ᬬ᭟ᬢ᭄ᬯᬶᬢ᭄ᬯᬶᬦᬾᬲᬢ᭄ᬯᬬᬂ᭞ᬤᬓᬓᬶᬗᬗ᭄ᬕᭀᬩᬘᬶᬦ᭄᭞ᬳᬮᬯᬦ᭄ᬓᭂᬮᬶᬤᬂᬋᬓᭀ᭞ᬳᬶᬮᬶᬗ᭄ᬕᬧᭂᬢᬫᬳᬢᬸᬃ᭞
[᭑᭒ 12A]
ᬲᬧᬸᬦᬶᬓᬶᬧᬓ᭄ᬭᬦᬦ᭄ᬜ᭞ᬤᬸᬓᬶᬂᬗᬸᬦᬶ᭞ᬢᬶᬢ᭄ᬬᬂᬲ᭄ᬤᭂᬓ᭄ᬫᬗᬋᬓᬦ᭄᭟ᬲ᭄ᬤᭂᬓ᭄ᬢᬶᬢ᭄ᬬᬂᬓᬮ᭄ᬯᬲᬦ᭄᭞ᬓᬩ᭄ᬭᬢᬦ᭄ᬫᬫᬶᬸᬧᬲᬸᬄᬢᬢᬶ᭞ᬯᬸᬲᬦ᭄ᬫᬗ᭄ᬮᬫ᭄ᬧᬸᬲᬶ
ᬦ᭄ᬋᬓᭀ᭟ᬫᬭᬾᬭᬾᬦ᭄ᬫᬗ᭄ᬮᬦ᭄ᬢᬲ᭄ᬫᬦ᭄ᬤᬸᬲ᭄᭞ᬩᬳᬸᬢᬶᬢ᭄ᬬᬂᬫᬲᬸᬕᬶᬫᬸᬓ᭞ᬓᬕᬾᬢᬦ᭄ᬦᭀᬮᬶᬄ᭞ᬢᬸᬫ᭄ᬩᬓ᭄ᬘᬘᭂᬦ᭄ᬤᭂᬓᬦ᭄ᬗᬫ᭄ᬩ᭄ᬬᬃ᭟ᬭᬭᬶᬲ᭄ᬳᬶᬧᬸᬦ᭄ᬫᬵ
ᬦᬭᬚᬂ᭞ᬢᬦ᭄ᬯᬾᬦ᭄ᬢᭂᬦ᭄ᬳᬶᬧᬸᬦ᭄ᬫᬫᬸᬜᬶ᭞ᬢᬶᬢ᭄ᬬᬂᬢᬦ᭄ᬧᬦᬳᭂᬦ᭄ᬪᬬ᭞ᬢᬶᬢ᭄ᬬᬂᬦᬸᬫᬦᬸᬗ᭄ᬕᬸᬫᬦ᭄ᬤᬸᬲ᭄᭞ᬩᬯᬸᬢᬶᬢ᭄ᬬᬂᬫᬢᬶᬗ᭄ᬢᬶᬗᬦ᭄᭞ᬤᬾᬯᬳ
ᬚᬶ᭞ᬭᬭᬶᬲ᭄ᬢᬶᬢ᭄ᬬᬂᬓᬧᬸᬧᬸᬢᬂ᭟ᬲᬧᬸᬦᬶᬓᬧᬓ᭄ᬭᬦᬦ᭄ᬜ᭞ᬫᬂᬕ᭄ᬕᬦ᭄ᬢᬶᬢ᭄ᬬᬗᬾᬗ᭄ᬫᬲᬶᬦ᭄᭞ᬤᬸᬓᬶᬂᬫᬺᬘᬧᬤᬗᬸᬦ᭄ᬬ᭞ᬲᬂᬘᬶᬓ᭄ᬭᬩᬮᬳᬫᬸᬯᬸᬲ᭄᭞
Page:Bali-lontar-gaguritan-linggapta-400ppi.pdf/12
This page has been proofread.
