This page has been proofread.
[᭒᭑ 21B]
᭒᭑
ᬢᬶᬓ᭄᭞ᬫᬲᭂᬫ᭄ᬩᬃᬳᬗᬶᬦ᭄ᬳᬗᬶᬦᬦ᭄᭟ᬳᬦᬓ᭄ᬩᬕᬸᬲ᭄ᬫᬲᬮᬶᬦᬦ᭄᭞ᬯᬃᬡ᭄ᬦᬦᬾᬲᬸᬫᬶᬗ᭄ᬓᬶᬦ᭄ᬍᬯᬶᬄ᭞ᬕᬯᭀᬓ᭄ᬳᬦᬓᬾᬫᬫᭂᬦ᭄ᬤᬓ᭄᭞ᬤᬤ
ᬭᬶᬦᬾᬧᬤᬗᬺᬩᬸᬢ᭄᭞ᬳᬤᬫᬦᬫ᭄ᬧᬬᬂᬘᬦᬂ᭞ᬦᬾᬗᬬᬳᬶᬦ᭄᭞ᬓᭀᬘᬧ᭄ᬤᬤᬭᬶᬢᬢᬶᬕ᭟ᬲᬂᬘᬶᬓ᭄ᬭᬩᬮᬳᬗᬸᬘᬧ᭄᭞ᬭᬶᬂᬳᬶ
ᬮᬶᬗ᭄ᬕᬧᭂᬢᬫᬗ᭄ᬓᬶᬦ᭄᭞ᬯ᭄ᬦᬂᬘᬳᬶᬫᬚᭂᬫ᭄ᬧᬦ᭞ᬳᬶᬮᬶᬗ᭄ᬕᬧᭂᬢᬳᬫᬸᬯᬸᬲ᭄᭞ᬢᬶᬢ᭄ᬬᬂᬫᬶᬦ᭄ᬤᬄᬲᬧᬸᬦᬶᬓ᭞ᬤᬾᬯᬳᬚᬶ᭞ᬩᬗ᭄ᬕᬬᬂᬢᬶᬢ᭄ᬬᬂᬫᬫᬃ
ᬕ᭄ᬕ᭟ᬲᬧᬸᬦᬶᬓᬤᬳᬢ᭄ᬳᬶᬘ᭞ᬧᬸᬦᬧᬶᬗ᭄ᬕᬾᬦ᭄ᬫᬫᭂᬦ᭄ᬤᬓᬶᬦ᭄᭞ᬧᬳᬶᬘᬦ᭄ᬳᬶᬤᬪᬝᬭ᭞ᬤᬤᬭᬤᬤᬭᬶᬫᬸᬯᬸᬲ᭄᭞ᬢ᭄ᬓᬾᬦ᭄ᬳᬶᬮᬶᬗ᭄ᬕᬧᭂᬢ᭞ᬦᬾ
[᭒᭒ 22A]
ᬦᬾᬚᬦᬶ᭞ᬳᬸᬧᬦᬦ᭄ᬲᬤ᭄ᬬᬧᬓᬬᬸᬦᬦ᭄᭟ᬬᬤᬶᬦ᭄ᬯᬦ᭄ᬢᬄᬧᬓᬬᬸᬦᬦ᭄᭞ᬢᬶᬢ᭄ᬬᬂᬢ᭄ᬮᬲ᭄ᬫᬧᬫᬶᬢ᭄᭞ᬩᭂᬘᬶᬓᬦ᭄ᬢᬶᬢ᭄ᬬᬂᬫᬫᬃᬕ᭄ᬕ᭞ᬲᬂᬘᬶᬓ᭄ᬭᬩᬮᬳᬫᬸ
ᬯᬸᬲ᭄᭞ᬬᬾᬦ᭄ᬘᬳᬶᬢ᭄ᬯᬭᬫᬗᬶᬭᬶᬂᬗᬂ᭞ᬦᬶᬭᬲᬶᬲᬶᬧ᭄᭞ᬳᬶᬤᬪᬝᬭᬜᬶᬲᬶᬧᬂ᭟ᬳᬢ᭄ᬫᬦᬾᬳᬶᬮᬶᬗ᭄ᬕᬧᭂᬢ᭞ᬧᬚ᭄ᬗᬄᬚ᭄ᬗᬄᬦᬾᬚᬦᬶ᭞ᬗᬾᬤᬍᬫ᭄ᬢᭂ
ᬓᬾᬦᬶᬂᬳᬯᬓ᭄᭞ᬫᬸᬗ᭄ᬕᬄᬭᬶᬂᬚᬫ᭄ᬧᬦᬲᬫ᭄ᬧᬸᬦ᭄᭞ᬲᬂᬘᬶᬓ᭄ᬭᬩᬮᬦᬩ᭄ᬤᬩᬂ᭞ᬤᬶᬧᬫᬃᬕ᭄ᬕᬶ᭞ᬲᭀᬭᭀᬄᬚᬦᬶᬤᬶᬧᬚᬮᬦ᭄᭟ᬘᭂᬦ᭄ᬤᭂᬓᬾ
ᬫᬮᬸᬚᬮᬦᬂ᭞ᬤᬤᬧ᭄ᬓᭀᬍᬫ᭄ᬗ᭄ᬕᬾᬦ᭄ᬩᭀᬗ᭄ᬓᭀᬮᬶᬦ᭄᭞ᬭᬭᭀᬦ᭄ᬢᬾᬓᬾᬤᬶᬧᬸᬗ᭄ᬓᬸᬭᬦ᭄᭞ᬲᬋᬂᬢ᭄ᬓᬾᬦ᭄ᬳᬸᬫ᭄ᬩᬸᬮ᭄ᬳᬸᬫ᭄ᬩᬸᬮ᭄᭞ᬲᬂᬘᬶᬓ᭄ᬭᬩ
