This page has been proofread.
[᭒᭔ 24B]
᭒᭔
ᬯᬄᬢᬶᬦ᭄ᬤᬓᬦᬾᬘᬸᬧᬶᬢ᭄᭞ᬫᬶᬭᬶᬩ᭄ᬜᬦ᭄ᬤᬂᬳᬫᭀᬦ᭄ᬢᭀᬳᬦ᭄᭞ᬧ᭄ᬭᬩᭀᬢᬾᬗᬮᬶᬄᬮ᭄ᬯᬶᬄ᭞ᬦᬗ᭄ᬳᬶᬂᬲᬂᬳᬾᬩᭂᬓᬶᬂᬲᬫᬶ᭞ᬩᬸᬤ᭄ᬥᬶᬘ᭄ᬤᬂᬳᬾ
ᬩᭂᬓ᭄ᬢᬸᬢᬸᬃ᭞ᬯᬶᬓᬦ᭄ᬭᬶᬂᬓᬓᬦ᭄ᬤᬓᬢᬄ᭞ᬯᬶᬯᬾᬓᬩ᭄ᬯᬶᬦ᭄ᬯᭂᬯᭂᬳᬶᬦ᭄᭞ᬫᬗ᭄ᬤᬾᬦ᭄ᬧᬸᬧᬸᬢ᭄᭞ᬧ᭄ᬭᬩᭀᬢᬾᬫᬓᬧᬢ᭄ᬧᬢ᭄᭟ᬳᬦᬾ
ᬫᬳᬤᬦ᭄ᬯᬶᬯᬾᬓ᭞ᬧᬜᬸᬮᬸᬳᬦ᭄ᬩᭂᬦᭂᬄᬧ᭄ᬮᬶᬄ᭞ᬲᬓ᭄ᬱᬢ᭄ᬤᬫᬃᬚ᭄ᬭᭀᬦᬶᬂᬫᬦᬄ᭞ᬜᬸᬦ᭄ᬤᬭᬶᬦ᭄ᬧ᭄ᬢᭂᬗᬶᬂᬳᬢᬶ᭞ᬦᬾᬓ᭄ᬢᬶᬮ᭄ᬓᬮᬯᬦ᭄ᬲᬸᬮᬶ
ᬢ᭄᭞ᬓᬦ᭄ᬢᬶᬢᬶᬗ᭄ᬮᬲ᭄ᬬᬓᬤᬸᬮᬸ᭞ᬯᬶᬭᬾᬄᬗᬗ᭄ᬕᬾᬯᬶᬯᬾᬓ᭞ᬢᬦ᭄ᬳᬶᬚᬸᬗᬸᬕᬸᬫᭀᬬᬦᬶᬦ᭄᭞ᬬᬦ᭄ᬫᬫᬗ᭄ᬕᬸᬄ᭞ᬩᬩᬯᭀᬲ᭄ᬳᬦ
[᭒᭕ 25A]
ᬓ᭄ᬫᬗᭀᬃᬣ᭟ᬓᬤᬶᬯᬺᬣᬦᬾᬤᬶᬮᭀᬦ᭄ᬢᬃ᭞ᬫᬶᬯᬄᬫᬭᬶᬂᬓᬶᬢᬩ᭄ᬲᬫᬶ᭞ᬢᬦ᭄ᬧᬸᬧᬸᬢ᭄ᬚᭂᬕ᭄ᬫᬫᭂᬃᬘᬬ᭞ᬢᬦ᭄ᬚᭂᬕ᭄ᬗᬢᬼᬩᬂᬤᬶᬳᬢᬶ᭞ᬲ
ᬯᬶᬭᬾᬄᬳᭀᬃᬣᬦᬾᬲᬫᬶ᭞ᬫᬤᬾᬯᬾᬓ᭄ᬤᬤ᭄ᬯᬧᬫᬸᬧᬸᬢ᭄᭞ᬮᬶᬜᭀᬓ᭄ᬓᬮᬯᬦ᭄ᬲᬲᬚ᭞ᬮ᭄ᬯᬶᬃᬓᬾᬬᬦ᭄ᬚᬕᬢ᭄ᬓᬮᬶ᭞ᬲᬤᬮ᭄ᬬᬸ᭞ᬘᬓᭂ
ᬧᬦ᭄ᬕᬯᬾᬦ᭄ᬲᬂᬮᭀᬪ᭟ᬲᬗ᭄ᬓᬦ᭄ᬲᬂᬯ᭄ᬭᬸᬄᬯᬶᬯᬾᬓ᭞ᬢᬦ᭄ᬫᬭᬶᬤᬦᬾᬫᭂᬤᬲᬶᬦ᭄᭞ᬓᬲᬸᬮᬸᬄᬩᬦ᭄ᬓᬳᬸᬦᬶᬗᬦ᭄᭞ᬲᬧᬫᬗ᭄ᬕᬸᬄᬤᬦᬾᬲ
ᬫᬶ᭞ᬓᬢᬶᬫ᭄ᬩᬂᬢᬸᬃᬓᬧᬶᬦᭂᬳᬶᬦ᭄᭞ᬢᬦ᭄ᬳᬩᭀᬢ᭄ᬫᬫᬸᬢᭂᬃᬓᬬᬸᬦ᭄᭞ᬭᬲᬦᬾᬫᬗ᭄ᬭᬲᬬᬂ᭞ᬓᬳ᭄ᬬᬸᬦᬾᬫᬓᬬᬸᬦᬶᬦ᭄᭞ᬢ᭄ᬯᬭᬓᬾᬗ᭄ᬕᬸᬄ᭞
