[ ᭒᭙ 29B]
᭒᭙᭞
ᬭᬯᬦ᭄ᬚᬢᬶ᭞ᬳᬶᬭᬢᬸᬲᬦᬾᬓᬲᬸᬂᬲᬸᬂ᭞ᬲᬸᬫᬲᬢ᭄ᬲᬹᬃᬬ᭄ᬬᬲᬓᬮᬵ᭞ᬢᬦ᭄ᬧᬗᬾᬢᬂ᭞ᬢᬦ᭄ᬧᬶᬮᬶᬄᬜᬸᬦᬭᬶᬦ᭄ᬚᬕᬢ᭄᭞ᬫᬯᬾᬄᬲᬸᬓᬦᬶᬂᬚᬕᬢ᭄᭞
ᬢᬦ᭄ᬩᬶᬦᬵᬓᬮᬵᬜ᭄ᬯᬾᬘᬳᬶᬦ᭄᭟᭐᭟ᬲᬶᬦᭀᬫ᭄᭞ᬲᬧᬸᬦᬶᬓᬳᬦ᭄ᬢᬸᬓ᭄ᬳᬶᬤ᭞ᬫᬢᬸᬃᬲᬳᬫᬗᬸᬩᬓ᭄ᬢᬶ᭞ᬭᬶᬂᬩᬸᬓ᭄ᬧᬥᬦ᭄ᬲᬂᬳ᭄ᬬᬂᬰᬶᬯ᭞ᬭᬭᬶᬲ᭄ᬳᬶᬤᬩ᭄ᬮᬶᬲ᭄ᬜᬯᬶᬲ᭄᭞
ᬤᬳᬢ᭄ᬳᬮᬸᬲ᭄ᬗ᭄ᬯᬸᬦ᭄ᬯᬸᬦᬶᬦ᭄᭞ᬳᬧᬧᬩ᭄ᬯᬢ᭄ᬘ᭄ᬦᬶᬂᬭᬯᬸᬄ᭞ᬫᬶᬭᬶᬪᬤᬓᬲ᭄ᬓᭂᬮᬂ᭞ᬳᬫ᭄ᬧᬸᬭᬬᬂᬧ᭄ᬲᬜ᭄ᬘᭂᬦᬶᬂ᭞ᬲᬮᬶᬢ᭄ᬓᬬᬸᬦ᭄᭞ᬳᬶᬘᬮᬂᬤᬾᬯᬳᬶᬘᬮᬂ᭟᭐᭟
ᬘ᭄ᬦᬶᬂᬩᬧᬗᬶᬤᬶᬄᬳᭀᬮᬲ᭄᭞ᬩ᭄ᬯᬢᬂᬧᬢ᭄ᬯᬄᬳᬤᬶᬭᬶ᭞ᬳᬾᬦᬾᬫᬤᬦ᭄ᬳᬶᬮᬸᬩ᭄ᬥᬓᬵᬳ᭄ᬤᭀᬤᬾᬯᬫᬗᬸᬓᬸᬳᬶᬦ᭄᭞ᬧ᭄ᬭᬬᬚᬸᬯᬂᬩᬧᬚᬦᬶ᭞ᬯᬶᬭᬾᬄᬍᬯᬶᬄᬤ᭄ᬭ᭄ᬫ
[ ᭓᭐ 30A]
ᬲᬥᬸ᭞ᬍᬯᬶᬄᬬᬰᬢᬸᬃᬮᬓ᭄ᬱᬦᬵ᭞ᬗ᭄ᬮᬭᬂᬩ᭄ᬭᬢᬳᬸᬢᬫᬶ᭞ᬓ᭄ᬭᬡᬵᬗᬸᬢᬸᬲ᭄ᬧᬭᬕᬡᬵᬗᬮᬶᬄᬳᬶᬬᬵ᭟᭐᭟ᬦᬄᬧᬶᬋᬗᬂᬭᬯᭀᬲ᭄ᬩᬧᬵ᭞ᬳᬧᬂᬧ᭄ᬤᬲ᭄ᬚᬢᬶ
ᬰ᭄ᬘᬶᬗ᭄᭞ᬓ᭄ᬭᬦᬦᬶᬜ᭄ᬘᬧ᭄ᬯ᭄ᬦᬂᬘ᭄ᬯᬃᬕᬵ᭞ᬳᬶᬮᬸᬩ᭄ᬥᬓᬳᬦᬾᬚᬦᬶ᭞ᬤᬸᬓ᭄ᬓᬺᬢᬬᬸᬕᬵᬦᬾᬗᬸᬦᬶ᭞ᬩ᭄ᬭᬢᬰᬶᬯᬭᬢ᭄ᬭᬶᬓᬯ᭄ᬭᬸᬄ᭞ᬤᬾᬚᬢᬶᬓᬚᬦᬮᭀᬓ᭞
ᬢᭀᬦ᭄ᬤᬾᬦ᭄ᬳᬤᬗ᭄ᬮᬓ᭄ᬱᬦᬳᬶᬦ᭄᭞ᬮᬯᬲ᭄ᬤᬗᬸ᭞ᬭᬱᬳᬶᬗᭂᬢ᭄ᬭᬱᬳᭂᬗ᭄ᬲᬧ᭄᭟᭐᭟ᬧᬶᬢ᭄ᬯᬶᬓᬳᬸᬢᬫᬦ᭄ᬩ᭄ᬭᬢᬵ᭞ᬦᬾᬳᬸᬭᬸᬓᬂᬩᬧᬗᬸᬦᬶ᭞ᬲᬶᬦᬄᬧᬘᬂᬫᬶ
ᬓᭀᬮᬶᬳᬂ᭞ᬲᬶᬤᬗ᭄ᬭᬸᬯᬢ᭄ᬲᬓᬜ᭄ᬘᬦᬶᬂ᭞ᬤᬦ᭄ᬤᬵᬳᬸᬧᬢᬳᬸᬯᭀᬯᬢᬶ᭞ᬫᬮᬵᬧᬸᬃᬦᬤᭀᬲᬢ᭄ᬩᬸᬲ᭄᭞ᬢᬢᬦ᭄ᬦᭂᬫᬸᬯᬂᬬᬦᬮᭀᬓᬵ᭞ᬦᬗᬶᬂᬲ᭄ᬯᬃᬕᬵᬦᬾ
Page:Bali-lontar-gaguritan-lubdaka-300ppi.pdf/30
This page has been proofread.
