[᭑᭖ 16B]
᭑᭖᭟
ᬢᬶᬤᬳᬢ᭄ᬲᭂᬗ᭄ᬓ᭞ᬧᬫᬢᬶᬦ᭄ᬓᬳᬶᬦᬾᬳᬮᬶᬄ᭞ᬬᬦ᭄ᬢᬦ᭄ᬯ᭄ᬭᬸᬄ᭞ᬢ᭄ᬯᬭᬩᬶᬱᬫᬗᬫᬢ᭄ᬬᬂ᭟᭜᭟ᬳᬶᬫᭀᬂᬫᬸᬯᬸᬲ᭄᭞ᬦᬄᬮᬯᬸᬢᭀᬭᬳᬂᬮᬸᬢᬸᬂ᭞ᬚᬦᬶᬳᬧᬂᬢ᭄ᬭᬂ᭞ᬕᭂᬦᬄᬧ᭄ᬭᬡᬦᬶ
ᬩᬦᬾᬢᬸᬯᬶ᭞ᬢᬸᬲᬶᬂᬩᬸᬯᬸᬂ᭞ᬓᬳᬶᬩᬓᬮ᭄ᬦᬥᬄᬳᬶᬩ᭟᭜᭟ᬲᬯᬸᬢ᭄ᬮᬸᬢᬸᬂ᭞ᬤᬶᬢᬸᬓ᭄ᬢᬸᬓᬶᬓᬸᬄᬳᬸᬫᬸᬗ᭄ᬕᬸᬄ᭞ᬬᬦ᭄ᬲᬸᬩᬳᭂᬦ᭄ᬢᭀᬧᭂᬕᬢ᭄᭞ᬧᭂᬤᬲ᭄ᬓᬳᬶᬩᬶᬱᬫᬢᬶ᭞ᬳᭂᬦ᭄ᬢᭀᬲᭂ
ᬕᬸᬢ᭄᭞ᬳᬶᬫᬘᬦ᭄ᬜᬧ᭄ᬮᭀᬓ᭄ᬗᬾᬗ᭄ᬕᬮᬂ᭟᭜᭟ᬤᬤᬶᬮᬸᬧᬸᬢ᭄᭞ᬳᬶᬓᬸᬢ᭄ᬦᬾᬢᭀᬂᬩᬓᬢ᭄ᬩᬸᬭᬸ᭞ᬳᬯᬓ᭄ᬜᬦᬾᬮᬾᬩᬂ᭞ᬳᬶᬓᬸᬢ᭄ᬦᬾᬲᬳᬢᬂᬳᬮᬶᬄ᭞ᬚᬗ᭄ᬓ᭄ᬯᬓ᭄ᬲᬯᬸᬤ᭄᭞ᬳᬶᬮᬸ
ᬢᬸᬂᬫᬓᭂᬘᭀᬲ᭄ᬫᬸᬗ᭄ᬕᬄ᭟᭜᭟ᬬᬗᬭᬸᬓ᭄ᬕᬸᬓ᭄᭞ᬳᬶᬮᬸᬢᬸᬂᬓᭂᬤᬾᬓ᭄ᬤᬶᬓᬬᬸ᭞ᬮᬦ᭄ᬢᬲ᭄ᬗᬫᭂᬦᬾᬓᬂ᭞ᬤᬶᬘᬭᬂᬓᬬᬸᬦᬾᬗᬮᬦ᭄ᬢᬶᬂ᭞ᬘᭂᬗᬸᬘᭂᬗᬸ᭞ᬗᭂᬤᬾᬓᬶᬦ᭄ᬬᬲᬂᬯ᭄ᬬᬕ᭄ᬭ
[᭑᭗ 17A]
᭟᭜᭟ᬚᭂᬗᬄᬓᭂᬩᬸᬲ᭄᭞ᬳᬶᬫᬘᬦ᭄ᬓᬮᬳᬂᬮᬸᬢᬸᬂ᭞ᬭᬭᬶᬲ᭄ᬫᬸᬭᬂᬮᬫ᭄ᬧᬄ᭞ᬲᬢᬶ᭠ᬩᬧᬭᬦ᭄ᬫᬫᬃᬕ᭄ᬕᬶ᭞ᬲᬕᬾᬢ᭄ᬫᬗ᭄ᬕᬸᬄ᭞ᬲᬫ᭄ᬧᬶᬲᭂᬤᭂᬓᬦ᭄ᬫᬘᬂᬘᬂ᭟᭜᭟ᬫᬘᬦ᭄ᬫᬸᬯᬸ
ᬲ᭄᭞ᬳᬶᬄᬳᬶᬩᬩᬦ᭄ᬢᬾᬂᬫᬢᭂᬕᬸᬮ᭄᭞ᬳᭂᬜᬾᬦ᭄ᬦᭂᬕᬸᬮᬶᬩ᭞ᬢᬦ᭄ᬧᬤᭀᬦ᭄ᬢᬦ᭄ᬤᬸᬓᬾᬮᬜᬶᬂ᭞ᬤᬤᬶᬦᬸᬗ᭄ᬓᬸᬮ᭄᭞ᬢ᭄ᬯᬭᬩᬶᬱᬦᬯᬂᬚᭂᬗᬄ᭟᭜᭟ᬭᬭᬶᬲ᭄ᬫᬸᬯᬸᬲ᭄᭞ᬳᬶ
ᬍᬫ᭄ᬩᬸᬦᬸᬢᬸᬭᬂᬳᬸᬦ᭄ᬤᬸᬓ᭄᭞ᬳᭂᬤᬳᬶᬩᬮᬗ᭄ᬕᬄ᭞ᬫᬧᭂᬢᬢᬦ᭄ᬧᬵᬧᬓᬾᬭᬶᬂ᭞ᬬᬳᬶᬤᬸᬓᬸᬄ᭞ᬦᬾᬫᬵᬤᬦ᭄ᬤᬸᬓᬸᬄᬚᬗ᭄ᬕᬭᬦ᭄᭟᭜᭟ᬳᭂᬦ᭄ᬢᭀᬓᬲᬸᬩ᭄᭞ᬤᬶᬩᬢᬦ᭄ᬮᬗᬶ᭠
ᬢ᭄ᬓᬯᬸᬯᬸᬲ᭄᭞ᬰᬓ᭄ᬢᬶᬢᬸᬃᬯᬶᬰᬾᬱ᭞ᬢᬦ᭄ᬧᬥᬧᬥᬤᬶᬕᬸᬫᬶ᭞ᬤᬦᬾᬗᬸᬩᬸᬄ᭞ᬤᭀᬦ᭄ᬓᬳᬶᬤᬶᬦᬶᬫᬘᬂᬘᬂ᭟᭜᭟ᬫᭀᬂᬫᬲᬯᬸᬢ᭄᭞ᬤᬶᬚᬢᭀᬗᭀᬲ᭄ᬬᬳᬶᬤᬸᬓᬸᬄ᭞
Page:Bali-lontar-gaguritan-lutung-mungil-02-350ppi.pdf/17
This page has been proofread.
