[᭔᭙ 49B]
᭔᭙᭟
ᬮᬶᬄ᭞ᬦᬄᬮᬯᬸᬢᬂᬫᬸᬮᬶᬄᬮᬸᬢᬸᬂ᭞ᬳᬶᬗᭂᬢᬂᬧᬗᭂᬲᭂᬦᬶᬭ᭞ᬫᬦᬶᬧ᭄ᬯᬦ᭄ᬲᬶᬂᬜᬩᬸᬯᬶᬦ᭄᭞ᬳᬶᬩᬮᬸᬢᬸᬂ᭞ᬫᬩᬳᬦ᭄ᬳᬩᬬᬂᬦᬶᬭ᭟᭜᭟ᬳᬦᬸᬓᬤᬸᬂᬫᬧᬸᬧᬸᬢᬦ᭄᭞ᬤᭂᬫᭂᬦᬶ
ᬭᬦᬾᬗᬶᬬᬸᬦᬶᬦ᭄᭞ᬦᬾᬳᬩᬦᬶᬩᬦᬸᬫᬢᬳᬦ᭄᭞ᬗᭂᬮᬄᬩᬗᬾᬭᬦ᭄ᬳᬕᬶᬕᬶᬲ᭄᭞ᬳᬶᬮᬸᬢᬸᬂᬫᬲᬯᬸᬃᬓᭂᬜᬶᬃ᭞ᬢᬶᬢ᭄ᬬᬂᬗᬭᬸᬭᬸᬂᬳᬂᬤᬸᬫᬸᬦ᭄᭞ᬬᬦ᭄ᬧᭀᬮᬶᬄᬕᭂᬮᬶᬲ᭄ᬓᬢᬸᬭᬂ᭞
ᬳᬶᬗ᭄ᬕᬶᬄᬢᬶᬢ᭄ᬬᬂᬫᬧᬫᬶᬦ᭄᭞ᬲᬸᬯᬾᬲᬵᬫ᭄ᬧᬸᬦ᭄᭞ᬢᬶᬢ᭄ᬬᬂᬢᬦ᭄ᬫᬫ᭄ᬧᬸᬄᬦᭂᬕᬓ᭄᭟᭜᭟ᬳᬶᬮᬸᬢᬸᬂᬩᬸᬯᬶᬦᬸᬘᬧᬂ᭞ᬲᬩᬸᬤᬮ᭄ᬜᬦᬾᬫᬶᬮᬶᬳᬶᬦ᭄᭞ᬓᬬᬸᬦᬾᬧᬘᬂᬢᭀᬗᭀᬲ᭄ᬜ᭞ᬓᬬᬸ
ᬕᬂᬕᬗᬦ᭄ᬯᬱ᭄ᬝᬦᬶᬦ᭄᭞ᬕᭂᬥᬾᬳᬦᬲ᭄ᬦᭂᬕᭂᬳᬶᬦ᭄᭞ᬗ᭄ᬕᬶᬂᬳᬤᬘᬭᬂᬜᬗᬍᬫ᭄ᬩᬸᬂ᭞ᬤᬶᬢᬸᬫᬓ᭄ᬭᭀᬓ᭄ᬭᭀᬂᬫᭂᬮᬄ᭞ᬳᬶᬩᭀᬚᭀᬕ᭄ᬳᬜ᭄ᬘᭀᬂᬫᬦᬾᬓᬶᬦ᭄᭞ᬩᬭᬂᬳᬶᬧᬸᬦ᭄᭞ᬲᬵᬫ᭄ᬧᬶ
[᭕᭐ 50A]
ᬦ᭄ᬢᭂᬮᬲ᭄ᬓᬧᭂᬦᬾᬓᬂ᭟᭜᭟ᬲᬢᭂᬓᭂᬤᬾᬤᬶᬤᬸᬯᬸᬃᬓᭀᬘᬧ᭄᭞ᬦᬩ᭄ᬤᬩ᭄ᬢᭂᬕᬓ᭄ᬲᬵᬫ᭄ᬧᬸᬦ᭄ᬩᭂᬘᬶᬓ᭄᭞ᬫᬃᬕ᭄ᬕᬶᬧᬘᬂᬫᬦᬩᬸᬳᬂ᭞ᬗ᭄ᬕᬯᬾᬭᬶᬗ᭄ᬓᬸᬄᬓᭂᬚᬢ᭄ᬓᭂᬚᬶᬢ᭄᭞ᬗᬮᬯᬸᬢ᭄ᬬᬧᭂᬲᬸ
ᬫᬸᬜᬶ᭞ᬳᬮᬸᬲ᭄ᬕᭂᬦ᭄ᬤᬶᬂᬜᬦᬾᬫᬸᬧᬸᬄ᭞ᬲᬂᬮᬦ᭄ᬤᬾᬬᬦ᭄ᬤᭂᬫᭂᬦ᭄ᬗᬫᬄ᭞ᬢᬾᬗᬾᬲ᭄ᬓᬸᬦᬾᬳᬶᬧ᭄ᬮᬯᬗ᭄ᬕᬶ᭞ᬧᬾᬓ᭄ᬤᬸᬕ᭄ᬧᬾᬓ᭄ᬤᬸᬕ᭄᭞ᬘᬾᬂᬓᬾᬬᭀᬓ᭄ᬫᬗᬗ᭄ᬲᭂᬮᬂ᭟᭜᭟ᬧᬸᬄᬥᬸᬃᬫ᭄ᬫ᭟᭜᭟ᬩᬸ
ᬲᬦ᭄ᬩᬸᬲᬦᬶᬩᭀᬚᭀᬕ᭄ᬫᬕᬕᭂᬦ᭄ᬤᬶᬗᬦ᭄᭞ᬦᬩᬸᬄᬓᭂᬦ᭄ᬤᬂᬘᬾᬂᬘᬾᬂᬫᬮᬶᬄ᭞ᬳᬬᬫ᭄ᬓᬓᬾᬬᭀᬓᬂ᭞ᬤᬤᬶᬓᬢᬄᬦ᭄ᬤᬶᬗᭂᬳᬂ᭞ᬲᬂᬮᬦ᭄ᬤᬾᬬᬦ᭄ᬓᬗ᭄ᬕᭀᬦ᭄ᬕᭂᬦ᭄ᬤᬶᬂ᭞ᬗ᭠
ᬚᭂᬗᬂᬳᬸᬮᬫ᭄᭞ᬢ᭄ᬭᬵᬗᬾᬲ᭄ᬜᬦᬾᬳᬶᬧ᭄ᬮᬯᬕᬶ᭟᭜᭟ᬤᬤᬶᬮᬸᬫ᭄ᬩ᭄ᬭᬄᬳᭀᬃᬣᬦᬾᬓᬤᬾᬰᬤᬾᬰ᭞ᬧᬜ᭄ᬚᬓᬾᬘᭂᬦᬶᬓ᭄ᬘᭂᬦᬶᬓ᭄᭞ᬲᬫ᭄ᬩᭂᬦ᭄ᬫᬕ᭄ᬮᬶᬬᬸᬭᬦ᭄᭞
Page:Bali-lontar-gaguritan-lutung-mungil-02-350ppi.pdf/50
This page has been proofread.
