[᭑ 1B]
᭑
᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸᬦᬫᬲᬶᬤᬀ᭛᭜᭛ᬧᬸᬄᬤᬸᬃᬫ᭄ᬫ᭛᭜᭛ᬤᬸᬃᬫᬫᬶᬢᬤᬸᬓᬾᬮ᭄ᬯᬲ᭄ᬓᬳᬸᬘᬧᬂ᭞ᬫᬜᬸᬗ᭄ᬲᬸᬂᬲᬸᬫᬧᬢᬶ᭞ᬫᬫᬶᬢᬸᬳᬸᬧᬶᬲᬦ᭄᭞
ᬓᬧᬶᬢ᭄ᬯᬶᬫᬗᬶᬭᬶᬗᬂ᭞ᬧᬵᬡ᭄ᬟᬶᬢᬩ᭄ᬭᬳ᭄ᬫᬵᬡᬋᬱᬶ᭞ᬩᬸᬮᬦᬮᬶᬢᬦ᭄᭞ᬲᬋᬂᬫᬗᬶᬧ᭄ᬝᬶᬮᬸᬯᬶᬄ᭟ᬘᬳᬶᬮᭀᬮᬧ᭄ᬬᬦᬓ᭄ᬩᬧᬳᬧᬂᬫ᭄ᬮᬄ᭞ᬢᬸᬫ᭄ᬩᬸᬄᬫᬚᬤ᭄ᬫᬤᬶ
ᬦᬶ᭞ᬤᬤᬶᬩ᭄ᬭᬳ᭄ᬫᬵᬯᬗ᭄ᬰ᭞ᬓᬮᬶᬦ᭄ᬢᬂᬲᭂᬗ᭄ᬓᬧᬶᬲᬦ᭄᭞ᬗᬾᬃᬢᬶᬬᬂᬫᬗ᭄ᬤᬾᬦᬾ᭠ᬩ᭄ᬘᬶᬓ᭄᭞ᬳᭂᬦ᭄ᬢᭀᬓ᭄ᬦᭂᬄᬓ᭄ᬦᭂᬳᬂᬤᬶᬳᬢᬶ᭟ᬲᬰ᭄ᬢ᭄ᬭᬳᬗ᭄ᬕᭀᬦ᭄ᬘᬳᬶᬫᬾᬫᬾᬫᬶᬯᬄ᭠
ᬩᬧ᭞ᬤᬶᬢᬸᬢᬓᭀᬦᬗᬮᬶᬄ᭞ᬮᬓ᭄ᬱᬡᬦᬾᬫᭂᬮᬄ᭞ᬲᬸᬩᬬᬳᬤᬫᬓᭂᬚᬂ᭞ᬦᬾᬦᬾᬫᬤᬦ᭄ᬩᭂᬦᭂᬄᬧᭂᬮᬶᬄ᭞ᬧᬂᬘᬳᬶᬦᬯᬂ᭞ᬢᬓᭀᬦᬂᬲᬳᬶᬲᬳᬶ᭟
[᭒ 2A]
ᬬᬾᬦ᭄ᬘᬳᬶᬲᬸᬩᬢᬢᬲ᭄ᬢᭂᬓᬾᬦ᭄ᬲᬰ᭄ᬢ᭄ᬭ᭞ᬢᬢ᭄ᬯᬦ᭄ᬜᬦᬾᬦ᭄ᬢᭀᬕᬸᬮᬶᬓ᭄᭞ᬳᭂ᭠ᬦ᭄ᬢᭀᬧ᭄ᬟᬲᬂᬧᬶᬲᬦ᭄᭞ᬳᬧᬂᬳ᭄ᬤᬲᬮᬄᬧᬭ᭞ᬳᬦᬓ᭄ᬮᬶᬯᬢ᭄ᬲᭂᬗ᭄ᬓᬕᬢᬶ᭞ᬫᬩᬸᬤᬶ᭠
ᬦᬯᬂ᭞ᬢᬢᬲᬂᬤᬶᬚ᭄ᬭᭀᬦᬶᬗ᭄ᬳᬢᬶ᭟ᬲᬶᬜᬳᬤᬳᬦᬓ᭄ᬗᭂᬦ᭄ᬟᭀᬕᬶᬦ᭄ᬓᬭᬸ᭠ᬡ᭞ᬗᬸᬘᬧᬂᬲᬰ᭄ᬢ᭄ᬭᬮᬸᬯᬶᬄ᭞ᬤᬦ᭄ᬤᬾᬦ᭄ᬫᬗ᭄ᬕᬾᬯᭀᬓᬂ᭞ᬧᬶᬦᭂᬄᬧᬶᬦᭂᬄᬓᭂᬦᭂᬳᬂ᭞ᬳ᭄ᬤᬧ
ᬢᬶᬫᬗᬶᬤᭀᬗᬶᬦ᭄᭞ᬳᬸᬲᬸᬤ᭄ᬢᬓᭀᬦᬂ᭞ᬳᬧᬂᬫᬗᬸᬦ᭄ᬢᭂᬂᬧᬲ᭄ᬢᬶ᭟ᬮᬶᬬᬸᬦᬓ᭄ᬤᭂᬫᭂᬦ᭄ᬫᬳᭂᬦ᭄ᬤᭀᬕ᭄ᬳᭂᬦ᭄ᬤᭀᬕᬦ᭄᭞ᬗᬸᬘᬧᬂᬲᬧ᭄ᬢᬕᭂᬦᬶ᭞ᬫᬶᬯᬄᬲᬧ᭄ᬢᬒᬁᬓᬭ
᭞ᬮᬯᬦ᭄ᬲᬧ᭄ᬢᬢᬶᬃᬣ᭞ᬲᬧ᭄ᬢᬧ᭄ᬢᬮᬦᬾᬘᬳᬶ᭞ᬲᬧ᭄ᬢᬧᬃᬯ᭄ᬯᬢ᭞ᬲᬧ᭄ᬢᬳᬢ᭄ᬫᬦᬾᬫᬮᬶᬄ᭟ᬲᬦᬾᬤᬤᬶᬫᬫᬤᬦ᭄ᬲᬧ᭄ᬢᬲᬵᬕᬭ᭞ᬩᬧᬗᭀᬭᬳᬶᬦ᭄ᬘᬳᬶ
Page:Bali-lontar-gaguritan-madhya-palud-350ppi.pdf/2
This page has been proofread.
