[᭑᭓ 13B]
᭑᭓
ᬭᬶᬦ᭄ᬫᬦᬄᬳᬸᬮᬗᬸᬦ᭄᭞ᬦᬸᬳᬸᬓᬶᬦ᭄ᬳᬶᬦ᭄ᬤ᭄ᬭ᭄ᬬᬦ᭄ᬫᬦᬄ᭞ᬫᬓᬤᬶᬤᬾᬯᬕᬸᬗᬶᬲ᭄ᬢ᭄ᬭᬷ᭞ᬲᬸᬓᬯᬶᬩᬸᬄ᭞ᬢᬦ᭄ᬘᬭᬶᬢᬢᭂᬫ᭄ᬩᬂᬤᬂᬤᬂ᭛᭐᭛ᬤᬂᬤᬂ᭛᭐᭛
ᬓᬘᬭᬶᬢᬤᬾᬯᬕᬸᬂᬧᬸᬢ᭄ᬭᬫᬗ᭄ᬓᬶᬦ᭄᭞ᬚ᭄ᬭᭀᬦᬶᬂᬧᬸᬭ᭞ᬳᬾᬮᬶᬂᬫᬗ᭄ᬭᬯᭀᬲᬂ᭞ᬭᬳᬶᬦᬾᬧᬭᬦ᭄ᬲᬸᬓᬦᬾ᭞ᬢᬦ᭄ᬲᬄᬯᬦ᭄ᬢᬄᬫᬕᬦ᭄ᬢᬸᬂ᭞ᬭᬶᬲᬶᬭ
ᬭᬱᬫᬲᬡ᭄ᬥᬶᬂ᭞ᬫᬮᬶᬄᬬᬦ᭄ᬭᬶᬂᬧᬗᬶᬧ᭄ᬬᬦ᭄᭞ᬜᬦ᭄ᬤᬂᬋᬓᬾᬲᬫ᭄ᬧᬸᬦ᭄᭞ᬧᬗ᭄ᬕᬶᬄᬧᬘᬂᬫᬭᬩ᭄ᬬᬦ᭄᭞ᬫᬸᬦ᭄ᬤᬶᬂᬚᬕᬢ᭄᭞ᬲᬓᬶᬂᬧᬦᬶᬢᬄᬳ᭄ᬬᬂᬯᬶᬥᬶ᭞ᬲ
ᬧᬸᬦᬶᬓᬮᬶᬂᬪᬝᬵᬭ᭞ᬕ᭄ᬮᬶᬲᬶᬤᬤᬾᬯᬕᬸᬂᬧᬸᬢ᭄ᬭᬫᬫᬃᬕ᭄ᬕᬶ᭞ᬫᬳᬶᬭᬶᬗᬦ᭄᭞ᬳᬶᬧᬭᭀᬲ᭄ᬯᬲ᭄ᬢᬦ᭄ᬜ᭞ᬫᬓᬤᬶᬓᬓᬓᬓᬦᬾ᭞ᬗᬸᬗ᭄ᬲᬶᬚ᭄ᬭᭀᬦᬶ
[᭑᭔ 14A]
ᬗᬮᬦ᭄ᬕᬸᬂ᭞ᬫᬳᬶᬭᬶᬗᬦ᭄ᬢᬸᬮᬸᬧ᭄ᬮᬦ᭄ᬩᭂᬤᬶᬮ᭄᭞ᬯᬸᬲ᭄ᬧᬶᬢᬸᬂᬤᬶᬦᬓᭀᬘᬧ᭄᭞ᬮᬸᬗ᭄ᬳᬵᬦᬾᬫᬦᬸᬮᬸᬧ᭄᭞ᬢᬦ᭄ᬓᬧᬗ᭄ᬕᬶᬄᬧᬭᬦ᭄ᬧᬭᬦ᭄᭞ᬤᬤᬶᬳᬤ᭞ᬓᬦ᭄ᬢᭂ
ᬦ᭄ᬕᬸᬦᬸᬂᬦᬧᬓ᭄ᬩᭂᬘᬶᬓ᭄᭞ᬫᬶᬦᬩ᭄ᬫᬶᬲᬶᬚ᭄ᬭᭀᬫᭂᬮᬄ᭟ᬤᬾᬦᬶᬂᬯ᭄ᬬᬓ᭄ᬢᬶᬕᬸᬦᬸᬗᬾᬮᬶᬦ᭄ᬢᬗᬰ᭄ᬭᬶ᭞ᬧᬓᬦ᭄ᬢᭂᬦᬦ᭄᭞ᬲᬃᬯ᭄ᬯᬯᭀᬄᬯᭀᬳᬦ᭄᭞ᬫᬲᭀᬭᭀᬄᬲᭀ
ᬭᭀᬄᬕ᭄ᬦᬳᬾ᭞ᬲᬃᬯ᭄ᬯᬩᬸᬗᬫᬶᬳᬶᬓ᭄ᬜᬗ᭄ᬮᬸᬄ᭞ᬲᬭᬶᬦ᭄ᬜᬳᬫ᭄ᬧᭂᬳᬗᬗᬶᬦ᭄᭞ᬫᬶᬳᬶᬓ᭄ᬲᬸᬫᬶᬭᬶᬢ᭄ᬢᬦ᭄ᬧ᭄ᬕᬢ᭄᭞ᬫᬶᬭᬶᬩ᭄ᬓᬧᬶᬢᬸᬤᬸᬄ᭞ᬫᬢᬸᬃᬭᬶᬂᬤᬾᬯᬕᬸᬂᬧᬸ
ᬢ᭄ᬭ᭞ᬬᬦ᭄ᬧᬃᬡ᭄ᬦᬬᬂ᭞ᬫᬢᬸᬃᬗᬢᬸᬭᬶᬦ᭄ᬫᬗ᭄ᬭᬭᬶᬲ᭄᭞ᬫᬗᭀᬚᭀᬕ᭄ᬓᬕᬸᬦᬸᬂᬓᬯ᭄ᬬ᭟ᬯᬸᬲ᭄ᬳᬶᬤᬤᬾᬯᬕᬸᬂᬧᬸᬢ᭄ᬭᬫᬫᬃᬕ᭄ᬕᬶ᭞ᬲᬕᭂᬃᬋᬳᬦ᭄᭞ᬯᬸᬲ᭄ᬭᬯᬸᬄᬳᬶ
Page:Bali-lontar-gaguritan-mantri-koripan-deha-350ppi.pdf/14
This page has been proofread.
