[᭒᭑ 21B]
᭒᭑
ᬭᭀᬲ᭄ᬫᬗ᭄ᬓᬶᬦ᭄ᬜᭂᬓᭂᬦᬂ᭟ᬲᬫ᭄ᬧᬸᬦ᭄ᬓᬧᬤᬃᬢᬧᬶᬲᬦ᭄᭞ᬳᬦ᭄ᬢᬸᬓᬶᬧᬸᬦ᭄ᬫᬫᬶᬭᬕᬶ᭞ᬓᭂᬦ᭄ᬤᭂᬮ᭄ᬮᬯᬸᬢ᭄ᬫᬗᬢᬸᬭᬂ᭞ᬭᬶᬂᬧ᭄ᬭᬓᬓᬢᬸᬃᬗᬯᬸᬓᬶᬦ᭄᭞ᬫᬩ᭄ᬭᬶᬬᬸᬓ᭄ᬧᬥᬜᬕ᭄ᬚᬕᬶ
ᬦ᭄᭞ᬫᬓᬤᬶᬳᬶᬤᬤᬾᬯᬕᬸᬂ᭞ᬩ᭄ᬗᭀᬂᬧᬥᬫᬫᬶᬋᬗᬂ᭞ᬲᬭᬶᬦ᭄ᬩᬸᬗᬫ᭄ᬭᬶᬓ᭄ᬲᬸᬫᬶᬭᬶᬢ᭄᭞ᬓ᭄ᬢᬸᬂᬮᬶᬡ᭄ᬥᬸᬄ᭞ᬢᬾᬚᬕᬸᬮᬶᬂᬳᬸᬦ᭄ᬭᬵᬚ᭟ᬤᬤᬶᬫᬯᬸᬯᬸᬄᬩ᭄ᬬᬧᬭ᭞
ᬍᬫᭂᬢ᭄ᬭᬱᬢᬦ᭄ᬧᬕᬮᬶᬄ᭞ᬓᬬᬸᬦᬾᬤᬾᬯᬕᬸᬂᬧᬸᬢ᭄ᬭ᭞ᬫᬸᬮᬶᬲᬄᬫᬗᬸᬬᬂᬧᬮᬶᬂ᭞ᬓᬓᬓᬓᬦᬾᬲᬫᬶ᭞ᬩ᭄ᬗᭀᬂᬫᬶᬭᬶᬩᬦᬓ᭄ᬩᬸᬤᬸᬄ᭞ᬓᬩᬢᭂᬓ᭄ᬓᬮᬶ
ᬓᬸᬢ᭄ᬢᬺᬱ᭄ᬡ᭞ᬢ᭄ᬯᬭᬩᬶᬱᬫᬦᬢᬓᬶᬦ᭄᭞ᬳᬧᬂᬮᬶᬧᬹᬃ᭞ᬳᬶᬧᬭᭀᬲ᭄ᬗᬾᬕᬭᬂᬫᬦᬄ᭟ᬦ᭄ᬕᬓ᭄ᬫᬗᬢᬸᬭᬂᬲᭂᬫ᭄ᬩᬄ᭞ᬫᬤᬸᬮᬸᬭᬲ᭄ᬥᬶᬄᬓᬶᬗ᭄ᬓᬶᬂ᭞ᬥᬹᬄᬭᬢᬸᬪ
[᭒᭒ 22A]
ᬝᬵᬭᬦ᭄ᬢᬶᬢ᭄ᬬᬂ᭞ᬬᬦ᭄ᬤᬶᬚᬳᬶᬤᬫᬮᬶᬗ᭄ᬕᬶᬄ᭞ᬬᬦ᭄ᬭᬶᬂᬕᬸᬍᬩᬶᬸᬫᬾᬜᬶᬮᬶᬩ᭄᭞ᬳᬸᬲᬦᬂᬤᬾᬯᬕᬸᬳᬬᬸ᭞ᬗᭂᬗ᭄ᬓᭂᬩᬶᬦ᭄ᬭᬓᬦᬶᬤᬾᬯ᭞ᬕ᭄ᬮᬶᬲ᭄ᬢᭂᬦ᭄ᬫᬗ᭄ᬭᬯᬸᬳᬶᬦ᭄᭞
ᬤᬩᬲ᭄ᬩᭂᬕᬸᬕ᭄᭞ᬜᬸᬗ᭄ᬓᬦᬶᬦ᭄ᬲᬤᬶᬦᬤᬶᬦ᭟ᬫᬮᬶᬄᬤᭀᬄᬘᭀᬓᭀᬭᬶᬤᬾᬯ᭞ᬦᬸᬮᬫᬾᬩᬦ᭄ᬋᬩᬤ᭄ᬲᬸᬮᬶᬂ᭞ᬫᬦᬹᬢ᭄ᬲᬓᬶᬂᬲᬲᬫ᭄ᬩᬢᬦ᭄᭞ᬜᭂ
ᬜᭂᬃᬫᬦᬶᬲ᭄ᬫᬗᬾᬤᬦᬶᬦ᭄᭞ᬗ᭄ᬭᬡᬬᬂᬫᬘ᭄ᬧᭀᬮ᭄ᬮᬮᬶ᭞ᬧᬸᬦᬶᬓᬗᬯᬶᬦᬂᬓᬦ᭄ᬢᬸ᭞ᬫᬾᬳᬯᬦᬶᬦᬶᬤᬲᬾᬤ᭞ᬢᬦ᭄ᬯᬾᬦ᭄ᬢᭂᬦᬦᬓ᭄ᬦᬫ᭄ᬩᬦᬶᬦ᭄᭞ᬬᬦ᭄ᬢᬦ᭄ᬭ
ᬢᬸ᭞ᬢᭀᬬᬦᬓ᭄ᬧᬶᬳᬗ᭄ᬕᬾᬦ᭄ᬜᬶᬭᬫ᭄᭟ᬳᭂᬦ᭄ᬢᭂᬕ᭄ᬩᬬᬸᬭᬭᬶᬲ᭄ᬢᬯᬃ᭞ᬳᬦ᭄ᬢᬸᬓ᭄ᬢᬶᬃᬣᬲᬜ᭄ᬚᬶᬯᬦᬶ᭞ᬳᬫ᭄ᬩᬸᬂᬳᬦ᭄ᬢᬸᬓ᭄ᬗᬦ᭄ᬢᬾᬂᬤᬾᬯ᭞ᬧᬗᬶᬚᭂᬦᬶᬂᬢᬺᬱ᭄ᬡᬍᬯᬶᬄ
Page:Bali-lontar-gaguritan-mantri-koripan-deha-350ppi.pdf/22
This page has been proofread.
