[᭒᭔ 24B]
᭒᭔
ᬦᬾᬗᬚᭂᬗᬂ᭟ᬯᬳᬸᬫᬗᬫ᭄ᬩᬶᬮ᭄ᬮᬜ᭄ᬚᬭᬦ᭄᭞ᬤᬾᬯᬕᬸᬗᬶᬲ᭄ᬢ᭄ᬭᬷᬳᬸᬫᬶᬚᬶᬮ᭄᭞ᬢᬸᬫᬸᬮᬶᬫᬧᬧᬲ᭄ᬢᬶᬗ᭄ᬳᬮ᭄᭞ᬢᭂᬤᬸᬦᬦ᭄ᬢᭂᬢᭂᬲ᭄ᬧᬺᬫᬗ᭄ᬓᬶᬦ᭄᭞ᬤᬾᬯᬕᬸᬗᬬᬸᬕᭂᬮᬶ
ᬲ᭄᭞ᬲᬳᬲᭂᬫ᭄ᬩᬄᬫᭂᬧᭂᬲ᭄ᬫᬢᬸᬃ᭞ᬲᬫ᭄ᬩᬶᬮ᭄ᬫᬦᬸᬦ᭄ᬢᬸᬦ᭄ᬢᬗᬦ᭄᭞ᬢᬦ᭄ᬲᬄᬫᬢᬸᬂᬢᬸᬗᬦ᭄ᬢᬗᬶᬲ᭄᭞ᬩ᭄ᬮᬶᬩᬕᬸᬲ᭄᭞ᬲᬫ᭄ᬧᬸᬦᬂᬦᬶᬗ᭄ᬕᬮᬶᬦ᭄ᬢᬶᬢ᭄ᬬᬂ᭟ᬗ᭄ᬭᬭᬶᬲ᭄ᬧᬘᬂᬫ
ᬗ᭄ᬤᬾᬯᬢ᭞ᬤᬾᬯᬕᬸᬂᬧᬸᬢ᭄ᬭᬜᬸᬫᬶᬗ᭄ᬓᬶᬦ᭄᭞ᬍᬫᭂᬢᬥᬶᬂᬲᬫ᭄ᬧᬸᬦ᭄ᬮᬶᬡ᭞ᬤᬾᬯᬕᬸᬗᬶᬲ᭄ᬢ᭄ᬭᬷᬫᬜ᭄ᬚᭂᬭᬶᬢ᭄᭞ᬳᬧᬧ᭄ᬯᬭᬦᬾᬚᬦᬶ᭞ᬧᬺᬓᬓᬦᬾᬲᭂᬤᬶᬄᬩᭂᬗᬸ
ᬮ᭄᭞ᬦᬕᬶᬄᬧᬘᬂᬫᬲᬢ᭄ᬬ᭞ᬦ᭄ᬤᬸᬯᬸᬄᬗᭂᬚᭂᬃᬤᬶᬳᬶᬲ᭄ᬤᬶᬳᬶᬲ᭄᭞ᬦᬗ᭄ᬳᬶᬂᬗᬸᬦ᭄ᬢᬸᬓ᭄᭞ᬢᭀᬂᬩᬦᬶᬦᬾᬗᬾᬄᬫᬮ᭄ᬬᬢ᭄᭟ᬢᬓᬸᬢ᭄ᬳᬸᬮᬲ᭄ᬫᬗᬦ᭄ᬢᭂᬦᬂ᭞ᬯᬃᬡ᭄ᬦᬦᬾ
[᭒᭕ 25A]
ᬭᬳᬤᬾᬦ᭄ᬤᬾᬯᬶ᭞ᬓᬤᬶᬫᭂᬓᬫᬧᬲ᭄ᬲᬹᬃᬬ᭄ᬬ᭞ᬗ᭄ᬮᬾᬜ᭄ᬘᭀᬓ᭄ᬘᬳ᭄ᬬᬦᬾᬭᬶᬂᬮᬗᬶᬢ᭄᭞ᬤᬾᬯᬕᬸᬗᬬᬸᬕᭂᬮᬶᬲ᭄᭞ᬗᬦ᭄ᬤᬶᬓᬦᬄᬚᬮᬦ᭄ᬫᬮᬸ᭞ᬕᭀ
ᬲᭀᬳᬶᬭᬶᬂᬗᬧᬸᬃᬬ᭄ᬬᬂ᭞ᬧᭂᬋᬫᬂᬳᬧᬗᬩᭂᬘᬶᬓ᭄᭞ᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᬸᬭᬶᬬᬦ᭄ᬓᬧᭂᬋᬫᬂ᭟ᬤᬶᬩᬮᬾᬳᭂᬫᬵᬲᬾᬚᬶᬫ᭄ᬩᬃ᭞ᬤᬾᬯᬕᬸᬗᬶᬲ᭄ᬢ᭄ᬭᬷᬫᬲᬡ᭄ᬥᬶᬂ᭞
ᬗᬩᬶᬦ᭄ᬘᭀᬓᭀᬃᬫᭂᬘᬶᬓ᭄ᬢᬗᬦ᭄᭞ᬲᬫ᭄ᬩᬶᬮᬗᬶᬤᬗᭂᬧᭂᬢᬶᬦ᭄᭞ᬗᬸᬓᬸᬢᬸᬓᬸᬢ᭄ᬫᬧᬲᬶᬳᬶᬦ᭄᭞ᬗᬸᬭᬸᬕᬸᬭᬸᬕ᭄ᬫᭂᬭᬄᬫᭂᬭᬸᬄ᭞ᬗᬫᬾᬳᬫᬾᬪᬝᬵᬭ᭞
ᬧᬺᬓᬓᬩ᭄ᬢᬾᬦ᭄ᬧᬚ᭄ᬭᬶᬢ᭄᭞ᬲᭂᬕᬸᬲᭂᬕᬸ᭞ᬫᬓᭂᬚᬂᬬᬓᬲᬓᬶᬢᬦ᭄᭟ᬳᭂᬮᬶᬗᬾᬚᬦᬶᬫᬤᬸᬓᬦ᭄᭞ᬧᬚ᭄ᬭᬶᬢ᭄ᬧᬥᬧᬕᬸᬮᬶᬮᬶᬂ᭞ᬫᬕᬸᬬᬂᬢᭂᬗᬳᬶᬂᬦ
Page:Bali-lontar-gaguritan-mantri-koripan-deha-350ppi.pdf/25
This page has been proofread.
