[᭓᭐ 30B]
᭓᭐
ᬲ᭄ᬥᬯᬸᬳᬂ᭞ᬭᬶᬗᬶᬧᬋᬓᬦ᭄ᬲᬫᬶ᭟ᬤᬾᬯᬕᬸᬗᬶᬲ᭄ᬢ᭄ᬭᬷᬫᬥᬾᬓᭀᬘᬧ᭄᭞ᬫᬳᬃᬱᬬᬂᬕᬢ᭄ᬭᬦᬾᬧᬺᬫᬗ᭄ᬓᬶᬦ᭄᭞ᬓᬾᬦᬓ᭄ᬓᬳ᭄ᬬᬸᬦᬾᬓᬮᬗ᭄ᬓᬸᬂ᭞ᬓᬳᬶᬭᬶᬂᬩᬦᬶ
ᬧᬗᭂᬫ᭄ᬩᬦ᭄᭞ᬲᬳᬶᬲᬶᬦᬶᬂᬚ᭄ᬭᭀᬧᬸᬭᬦᬾᬲᬫ᭄ᬧᬸᬦ᭄᭞ᬧᬥᬲᬮᬶᬂᬳᭀᬃᬢᬬᬂ᭞ᬳᭀᬃᬣᬦᬾᬭᬶᬂᬚ᭄ᬭᭀᬧᬸᬭᬶᬫᬗ᭄ᬓᬶᬦ᭄᭞ᬮᬸᬄᬫ᭄ᬯᬦᬶᬧᬥᬓᬸᬫ᭄ᬧᬸᬮ᭄᭞ᬧᬥ
ᬲᬮᬶᬂᬭᬯᭀᬲᬂ᭞ᬧᬥᬢᬸᬢᬸᬃ᭞ᬭᬶᬂᬓ᭄ᬦᭂᬳᬾᬧᬥᬭᬳᬬᬸ᭞ᬩᬳᬦ᭄ᬢᬶᬢ᭄ᬬᬂᬫᬗᬦ᭄ᬢᭂᬦᬂ᭞ᬯᬃᬡ᭄ᬦᬦᬶᬤᬭᬤᬾᬦ᭄ᬤᬾᬯᬶ᭟ᬲᬂᬦᬵᬣᬭᬭᬶᬲ᭄ᬫᬫᬃᬕ᭄ᬕ᭞ᬲᬩᬺᬳᬦ᭄
ᬫ᭄ᬯᬂᬯᬶᬭᬫᬦ᭄ᬢ᭄ᬭᬶᬗᬶᬭᬶᬂ᭞ᬓᬮᬶᬄᬓᬯᬸᬮᬦᬾᬲᬫ᭄ᬧᬸᬦ᭄᭞ᬗᬶᬭᬶᬗᬶᬤᬲᬂᬦᬵᬣ᭞ᬓ᭄ᬢᭀᬕ᭄ᬲᬫ᭄ᬧ᭄ᬭᭀᬂ᭞ᬢᬦ᭄ᬓᭀᬘᬧᬦ᭄ᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬢᭂᬗᬳᬶᬗᬮ
[᭓᭑ 31A]
ᬲ᭄ᬮᬶᬗ᭄ᬕᬄ᭞ᬫᬭᬵᬃᬬ᭄ᬬᬦᬶᬤᬦᬾᬫᬗ᭄ᬓᬶᬦ᭄᭟ᬳᬶᬤᬲᬂᬧ᭄ᬭᬪᬹᬕᬕ᭄ᬮᬂ᭞ᬫᬸᬯᬄᬳᬶᬤᬲᬂᬧ᭄ᬭᬪᬹᬲᬶᬗ᭄ᬳᬵᬲᬭᬶ᭞ᬓᬘᬸᬦ᭄ᬥᬸᬓ᭄ᬭᬶᬗᬮᬲᬕᬸᬂ᭞ᬭᬭᬶᬲᬶᬤᬫᬶᬢᬢᬲᬂ᭞
ᬳᬤᬸᬄᬳᬤᬶ᭞ᬚᬕᬓᬶᬚᬮᬸᬗ᭄ᬳᬵᬭᬢᬸ᭞ᬭᬭᬶᬲ᭄ᬫᬢᬸᬃᬧ᭄ᬭᬪᬹᬓᬃᬯ᭄ᬯ᭞ᬢᬶᬢ᭄ᬬᬂᬚᬕᬓᬯᬸᬓᬶᬃᬓᬯᬶ᭟ᬬᬦ᭄ᬯᬦ᭄ᬢᬄᬳᬲᬧᬸᬦᬶᬓ᭞ᬢᬶᬢ᭄ᬬᬂᬗᬶᬭᬶᬂᬧᬘᬂᬓᬸᬓᬶᬃᬓ
ᬯᬶ᭞ᬲᬋᬂᬢᬢᬶᬮᬸᬫᬓᬸ᭞ᬓᬳᬶᬭᬶᬂᬩᬦ᭄ᬧᬸᬗ᭄ᬕᬯ᭞ᬫᬜ᭄ᬘᬫᬦ᭄ᬢ᭄ᬭᬷ᭞ᬕᭀᬂᬩᬾᬭᬶᬦᬾᬫᬗ᭄ᬭᬸᬤᬸᬕ᭄᭞ᬧᬋᬓᬦᬾᬲᬫᬶᬳᬾᬕᬃ᭞ᬫᬕᬺᬤᭂᬕᬦ᭄ᬬᬮᬸᬫᬭᬶᬲ᭄᭟
ᬢᬦ᭄ᬘᬶᬦᬭᬶᬢᬭᬶᬂᬗᬯᬦ᭄᭞ᬲᬫ᭄ᬧᬸᬦ᭄ᬭᬯᬸᬄ᭞ᬲᬂᬢᬶᬕᬳᬶᬤᬫᬗ᭄ᬓᬶᬦ᭄᭞ᬭᬶᬩᭀᬗ᭄ᬓᭀᬮ᭄ᬕᬸᬦᬸᬂᬓᬯᬶᬓᬸ᭞ᬤᬾᬯᬕᬸᬂᬧᬸᬢ᭄ᬭᬫᬶᬬᬃᬱ᭞ᬲ᭄ᬯᬭᬦᬶᬂᬕᭀᬂ᭞ᬩᬾᬭᬶ
Page:Bali-lontar-gaguritan-mantri-koripan-deha-350ppi.pdf/31
This page has been proofread.
