[᭗ 7B]
᭗
ᬓ᭄ᬧᬋᬓᬦ᭄ᬢ᭄ᬯᬄᬓᬓᬮᬶᬄ᭞ᬫᬤᬦ᭄ᬦᬶᬧᬸᬥᬓ᭄ᬦᬶᬕᬥᬸᬂ᭞ᬫᬓᬤᬤ᭄ᬯᬩᬚᬂᬩᬚᬂ᭞ᬳᬦ᭄ᬤᬾᬩᬸᬗ᭞ᬫᬭᬓᭂᬫ᭄ᬩᬂᬫᬶᬓ᭄ᬜᬗ᭄ᬮᬸᬄ᭞ᬜᬦ᭄ᬤᬂᬫᬗᭂᬜᬸᬤᬂᬫᬦᬄ᭞ᬧᬦ᭄ᬢᭂᬲ᭄ᬗᬶᬭᬶᬂ
ᬭᬤᬾᬦ᭄ᬤᬾᬯᬶ᭞ᬲᬶᬂᬭᬭᬲᬂᬗᬯᬾᬭᬶᬫᬂ᭞ᬭᬹᬧᬳᬬᬸᬫᬦᬶᬲ᭄ᬩᬘᬧ᭄ᬢᬸᬃᬭᬶᬭᬶᬄ᭞ᬳᬤᭂᬕ᭄ᬮᬜ᭄ᬚᬃᬲᬫᬶᬫᬦᬹᬢ᭄᭞ᬜᬦ᭄ᬤᬂᬧᬋᬓᬦ᭄ᬭᬶᬂᬲ᭄ᬯᬃᬕ᭄ᬕᬦ᭄᭞ᬭᬤᬾᬦ᭄ᬕᬮᬸᬄ᭞ᬓ
ᬳᬶᬘ᭄ᬙᬾᬦ᭄ᬫᬗ᭄ᬤᬾᬦᬾᬢᭂᬤᬸᬦ᭄᭞ᬳᬶᬤᬫᬓ᭄ᬢᬫᬡᬶᬓ᭄ᬲᬓ᭄ᬘᬧ᭄᭞ᬦᬾᬫᬗ᭄ᬓᬶᬦ᭄ᬭᬭᬶᬲ᭄ᬫᬧᬫᬶᬢ᭄᭟ᬪᬝᬵᬭᬕᭂᬮᬶᬲ᭄ᬗᬦ᭄ᬤᬶᬓ᭞ᬓ᭄ᬫᬢᬸᬳᬸᬦ᭄ᬦᬾᬚᬦᬶ᭞ᬤᬶᬕᬸᬫᬸᬂᬓᬯᬶᬬ
ᬮᬓᬸᬦ᭄᭞ᬤᬶᬢᬸᬢᭀᬗᭀᬲᬾᬫᭂᬮᬄ᭞ᬫ᭄ᬕᬯᬾᬳᬸᬫᬄ᭞ᬢᭀᬗᭀᬰ᭄ᬰᬸᬘᬶᬢᬦ᭄ᬧᬍᬢᬸᬄ᭞ᬭᬳᬤᬾᬦ᭄ᬕᬮᬸᬄᬧ᭄ᬭᬡᬫ᭄ᬬ᭞ᬫᬢᭂᬫ᭄ᬩᬂᬲᬶᬦᭀᬫ᭄ᬗᬪ
[᭘ 8A]
ᬓ᭄ᬢᬶ᭛᭐᭛ᬲᬶᬦᭀᬫ᭄᭛᭐᭛ᬫᬧᬫᬶᬢ᭄ᬭᬭᬶᬲ᭄ᬫᬫᬃᬕ᭄ᬕ᭞ᬦᬶᬧᬸᬥᬓ᭄ᬦᬶᬕᬥᬸᬂᬩᬶᬭᬶᬂ᭞ᬲᬋᬂᬢᬢᬶᬕᬦᭂᬤᬸᬦᬂ᭞ᬧᬓᭂᬩᬸᬭᬾᬦᬸᬳᬸᬢᬗᬶᬦ᭄᭞ᬧᬥ
ᬢᬶᬗ᭄ᬕᬃᬫᬓᬲᬫᬶ᭞ᬓᬘᬶᬗᬓ᭄ᬭᬶᬂᬭᬤᬾᬦ᭄ᬕᬮᬸᬄ᭞ᬲᬃᬯ᭄ᬯᬶᬫᬩᬩᬯᭀᬲᬦ᭄᭞ᬫᬶᬃᬡ᭄ᬦᬬᬂᬓᭂᬤᬶᬲᬾᬲᬫᬶ᭞ᬧᬥᬫᬸᬳᬸᬕ᭄᭞ᬫᬳᬶᬭᬶᬩ᭄ᬧᬘᬂᬗᬦ᭄ᬢᭀᬲᬂ᭟ᬫᬶ
ᬭᬶᬩ᭄ᬫᬢᬸᬚᬸᬳᬶᬦ᭄ᬫᬃᬕ᭄ᬕ᭞ᬫᬓᭂᬚᬂᬧᬥᬜᬕ᭄ᬚᬕᬶᬦ᭄᭞ᬳᬶᬧᬸᬢᭂᬄᬧᬸᬢᬶᬄᬦᭂᬲᭂᬓᬂ᭞ᬳᬶᬲᬶᬬᬸᬂᬤᬶᬢᬸᬫᬜᬦ᭄ᬤᬶᬂ᭞ᬩᬋᬂᬢ᭄ᬓᬾᬦᬶᬂᬳᬶᬘᬸᬭᬶᬓ᭄᭞ᬫ᭄ᬭᬓ᭄ᬓᬾᬢᬾᬭᬾ
ᬤᬶᬫᬮᬸ᭞ᬬᬾᬦᬯᬲ᭄ᬮᬯᬸᬢ᭄ᬧᬃᬡ᭄ᬦᬬᬂ᭞ᬫᬳᬢᬸᬃᬫᬜᬧᬫᬦᬶᬲ᭄᭞ᬭᬢᬸᬳᬬᬸ᭞ᬦᬸᬦᬲ᭄ᬓᬾᬭᬢᬸᬕᭂᬮᬶᬲᬂ᭟ᬲᬸᬯᬾᬢᬦ᭄ᬪᬸᬓ᭄ᬢᬶᬗᬚᬧ᭄᭞ᬓᬦ᭄ᬢᭀ
Page:Bali-lontar-gaguritan-mantri-koripan-deha-350ppi.pdf/8
This page has been proofread.
