[᭘ 8B]
᭞᭘᭞
ᬓᭀ᭞ᬯᬦ᭄ᬢᬾᬄᬧ᭄ᬭᬓᬺᬢ᭄ᬢᬶᬦᬾᬓᬸᬦ᭞ᬚᬸᬕᬸᬮ᭄ᬧ᭄ᬭᬚ᭄ᬜᬦ᭄ᬫᬕᬸᬡ᭞ᬬᬦᬶᬂᬧᬕᬯᬾᬦᬾᬳᬬᬸ᭞ᬭᬵᬳᬬᬸᬧᬗ᭄ᬕᬶᬄᬲᬓᬵᬮ᭟ᬓᬾᬢᭀᬋᬓᬾᬫᬸᬗ᭄ᬕ᭄ᬯᬶᬂᬳᬚᬶ᭞ᬢᬸᬯᬶᬳᬓ᭄ᬯᬾᬄᬬᬦ᭄ᬳᬸᬘᬧᬂ᭞ᬭᬾᬄᬩᬧᬓᬮᬶ
ᬦ᭄ᬢᬂᬩᭂᬮᭀᬕ᭄᭞ᬧᭀᬮᬶᬄᬗᬶᬧᬶᬓ᭄ᬳᬶᬧᬶᬓ᭄ᬲᬢ᭄ᬯ᭞ᬲᭂᬤᭂᬓ᭄ᬲᬂᬯ᭄ᬭᬸᬄᬫᬯᭀᬲᬂ᭞ᬦᬸᬚᬸᬩᬧᬧᭀᬮᬶᬄᬗ᭄ᬭᬸᬗᬸ᭞ᬫᬢ᭄ᬭᬮᬸᬤᬶᬦ᭄ᬫᭂᬕᬢ᭄ᬫᭂᬕᬢ᭄᭟ᬩ᭄ᬯᬶᬦ᭄ᬩᬧᬫᬶᬢᭂᬓᭂᬢᬶᬦ᭄᭞ᬘᬳᬶᬧᬤᬳᬧᬂᬬᬢ᭄ᬦ᭞ᬧᬤᬮᬸ
ᬯᬲ᭄ᬗᬮᬶᬄᬕᬯᬾ᭞ᬕᬯᬾᬦᬾᬗᬮᬶᬄᬳᬗ᭄ᬓᬸᬳᬦ᭄᭞ᬧᬸᬢ᭄ᬭᬲᬫᬶᬲᬳᬸᬃᬲᭂᬫ᭄ᬩᬄ᭞ᬲᬧᬗᬸᬤᬸᬄᬢᬶᬢ᭄ᬬᬂᬦᬸᬳᬸᬦ᭄᭞ᬫᬧᬫᬶᬢ᭄ᬢᭂᬳᭂᬃᬳᬸᬫᬗ᭄ᬓᬢ᭄᭟ᬓᬧᬢ᭄ᬫᬤᬸᬮᬸᬃᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬫᬗ᭄ᬓᬾᬗ᭄ᬮᬸᬯᬃᬤᬾᬰ᭞
ᬮᬓᭀᬦ᭄ᬬᬫᬳᬮᭀᬦ᭄ᬳᬮᭀᬦ᭄᭞ᬩᬋᬂᬢ᭄ᬯᬭᬩᭂᬮᬲ᭄ᬩᭂᬮᬲ᭄᭞ᬲᬫ᭄ᬩᬶᬮ᭄ᬳᬗᬸᬘᬧ᭄ᬳᬸᬘᬧ᭄᭞ᬳᬤᬶᬳᭂᬗ᭄ᬓᬾᬦ᭄ᬤᬾᬰᬦᬾᬚᬸᬚᬸᬃ᭞ᬫᬲᬶᬄᬓᬧᬤᬓᭂᬦᭂᬳᬂ᭟ᬬᬦᬶᬂᬢ᭄ᬯᬄᬲᬸᬩᬧᬲ᭄ᬢᬶ᭞ᬧᬢᬸᬄᬇᬥᭂᬧᬾᬚᬮᬦ᭄᭞
[᭙ 9A]
ᬳᬭᬶᬦᬾᬲᬸᬫᬯᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬢ᭄ᬯᬭᬧᬶᬯᬮ᭄᭞ᬳᬲᬶᬂᬳᬲᬶᬂᬧᬓᬳ᭄ᬬᬸᬦᬦ᭄᭞ᬫᬦᬶᬲ᭄ᬳᬢᬸᬭᬾᬲᬧᬸᬮᬸᬂ᭞ᬮ᭄ᬯᬶᬃᬕᭂᬦ᭄ᬤᬶᬲ᭄ᬢᬸᬫᬶᬩᬾᬂᬤᬂᬤᬂ᭟᭜᭟ᬧᬸᬄᬤᬂᬤᬂ᭟ᬲᬫ᭄ᬧᬸᬦ᭄ᬳᬤᭀᬄᬓᭀᬘᬧᬶᬂᬫ
ᬫᬃᬕ᭄ᬕᬶ᭞ᬲᬶᬭᬓᬧᬢ᭄᭞ᬢ᭄ᬯᬭᬩᭂᬮᬲ᭄ᬩᭂᬮᬲ᭄᭞ᬲᬮᬓᬸᬲᬾᬮ᭄ᬯᬦ᭄ᬧᬭᬤᬾ᭞ᬢᬸᬯᬶᬳᬦᬹᬢ᭄ᬲᬤᬸᬮᬸᬃ᭞ᬢᬶᬮᬶᬓ᭄ᬭᬱᬳᬗᬸᬘᬧ᭄ᬳᬭᬶᬲ᭄᭞ᬭᬶᬂᬳᬭᬶᬦ᭄ᬬᬓᬢᬶᬕ᭞ᬳᬤᬶᬬᬦ᭄ᬢ᭄ᬯᬄᬧᬢᬸᬄ᭞ᬫᬭᬵᬃᬬ᭄ᬬᬦ᭄ᬬᬳᬚ᭄ᬮᬧ᭄ᬚᬧᬦ᭄᭞
ᬓᬤᬸᬂᬳᬤᬧᬜ᭄ᬘᭀᬭᬦ᭄ᬫᬲᬦ᭄ᬤᬶᬂᬗᬶᬗᬶᬦ᭄᭞ᬳᬰ᭄ᬭᬶᬳᬬᬸᬩᬾᬓᬮᬶᬦ᭄ᬢᬂ᭟ᬳᬶᬗ᭄ᬕᬶᬄᬩᭂᬮᬶᬯ᭄ᬬᬓ᭄ᬢᬶᬜᬦ᭄ᬤᬂᬩᭂᬘᬶᬓ᭄᭞ᬫᬭᬵᬃᬬ᭄ᬬᬦᬦ᭄᭞ᬦᭂᬳᭂᬃᬲᬫᬶᬦᭂᬕᬓ᭄᭞ᬤᬶᬢᬸᬤᬶᬩᬢᬦ᭄ᬩᬶᬗᬶᬦᬾ᭞ᬦᬧᬓ᭄ᬋᬲᬶᬓ᭄ᬢᬸᬃᬳᬮᬸᬲ᭄᭞
ᬧᬓᬡ᭄ᬟᬦ᭄ᬧᬜ᭄ᬭᬭᬦ᭄ᬧᬲ᭄ᬢᬶ᭞ᬧᬭᬶᬕᬶᬩᬢᬸᬫᬲ᭄ᬮᭂᬧ᭞ᬓ᭄ᬮᭂᬩᬸᬢᬦ᭄ᬳᬶᬧᬸᬦ᭄ᬮᬯᬸᬄ᭞ᬳᭂᬍᬓᬦ᭄ᬢᭀᬬᬦᬾᬕᬗ᭄ᬲᬃ᭞ᬦᬶᬂᬫᬮᭀᬦᬦ᭄᭞ᬓᬤᬶᬢᬷᬃᬣᬲᬸᬭᬦᬵᬤᬷ᭞ᬧᬦ᭄ᬢᭂᬲ᭄ᬬᬰᬦ᭄ᬬᭀᬕᬷᬰ᭄ᬯᬭ᭟ᬫᬮᬶᬄᬯᬾᬦ᭄ᬢᭂ
Page:Bali-lontar-gaguritan-mantri-sanak-lima-300ppi.pdf/9
This page has been proofread.
