[᭑᭐᭔ 104B]
᭑᭐᭔
ᬲ᭄ᬧᬳᬶᬤᬂᬭᬶᬂᬗ᭄ᬓᭂᬲ᭄ᬢᬶᬢ᭄ᬬᬂᬤᬶᬚ᭄ᬭᭀᬳᬕᬸᬂᬤᬚᬵᬦᬸᬗᭂᬦ᭄ᬢᬾᬦᬂᬬᬤᬶᬦ᭄ᬧᬺᬚᬦ᭄ᬬᬕᬸᬲ᭄ᬢᬶᬲᭀᬓ᭄ᬢᬸᬚᬸᬮᬦᬸᬦᬾᬗᬸᬢᬂᬲ᭄ᬮᬕᬦ᭄ᬧ᭄ᬢᭂᬂᬮ᭄ᬫᬳᬾᬲᬸᬳᬸᬂ᭟ᬳᬶᬭᬶᬫ᭄ᬢᬶᬢ᭄ᬬᬂᬤᬶᬧᬲᬶᬲᬶᬦ᭄ᬢᬜ᭄ᬚᬸᬂᬓᬭᬂᬭᭀᬭᬲ᭄ᬤᬶᬧᬗ᭄ᬮᬶ᭠
ᬧᬹᬃᬮᬓᬸᬦ᭄ᬕᬸᬲ᭄ᬢᬶᬗᬜᬸᬢ᭄ᬳᬧᬂᬓᬕᬸᬦᬸᬂᬋᬜ᭄ᬚᬦᬶᬜᬦ᭄ᬤᬶᬂᬲᬕᬭᬳᬦᬓ᭄ᬗᬶᬂᬯᬾᬦ᭄ᬢᭂᬦᬂᬳᬸᬕᬶ᭠ᬭᬢᬸᬕᬸᬦᬸᬂᬳᬧᬶᬫ᭄ᬮᬄᬧᬗ᭄ᬮᬶᬗ᭄ᬕᬦ᭄ᬕᬸᬲ᭄ᬢᬶᬲ᭄ᬤᬶᬄᬢᬺᬱ᭄ᬡᬵᬫᬫᬜ᭄ᬚᬓᬂᬢᬶᬢ᭄ᬬᬂᬳᬗ᭄ᬕᭀᬦ᭄ᬘᬶᬭᬶᬓᬬᬸᬦᬾᬓᭂᬩᬸᬲ᭄᭟
ᬓᬮᬶᬄᬳᬶᬘᬵᬳᬶᬕᬸᬲ᭄ᬢᬶᬭᬭᬶᬲ᭄ᬫᬮᬶᬕ᭄ᬬᬤᬶᬧᬸᬡ᭄ᬬᬲᬤᬵᬭᬢᬸᬮᬳᬸᬢᬂᬫᬫ᭄ᬩᬸᬓᬹᬃᬫᬲᬵᬓᬶᬚᬵᬧᬘᬂᬤᬕᬶᬂᬤᬶᬲ᭄ᬧᬶᬦᬾᬕ᭄ᬦᬄᬗᬶᬂᬦᬾᬦᬾᬫᬯᭀᬭᬦ᭄ᬫᬸᬳᬸᬕ᭄ᬧᬶᬢᬺᬬᬚ᭄ᬜᬵᬢᬶᬢ᭄ᬬᬂᬓᬫ᭄ᬓᬄᬮᬓᬸᬦ᭄ᬕᬸ
ᬲ᭄ᬢᬶᬮ᭄ᬯᬶᬄᬤᬶᬕᬸᬦᬸᬂᬓᬳ᭄ᬬᬗᬦ᭄ᬤᬶᬲᬫ᭄ᬩᬵᬯᬢᭀᬗᭀᬲ᭄ᬫᬢᬫ᭄ᬬᬸ᭟ᬓᬮᬶᬄᬬᬦ᭄ᬭᬓᭂᬢ᭄ᬓᬬᬸᬦ᭄ᬕᬸᬲ᭄ᬢᬶᬭᬶᬂᬢᬶᬢ᭄ᬬᬂᬫᬩᬸᬤᬶᬩ᭄ᬯᬶᬦ᭄ᬓᬢ᭄ᬧᬸᬓ᭄ᬩᬋᬂᬫᬓᬵᬮᬗᬹᬦ᭄ᬢᬶᬢ᭄ᬬᬂᬫᬗᬶᬭᬶᬂᬳᬶᬕᬸᬲ᭄ᬢᬶᬲᬓᬮᬵᬦᬶᬲ᭄ᬓᬵ
[᭑᭐᭕ 105A]
ᬮᬵᬳᭂᬦ᭄ᬢᭀᬦᬾᬧ᭄ᬭᬕᬢᬂᬫᬮᬸᬫᬧᬦᬶᬂᬳᬶᬤᬾᬯ᭄ᬯᬵᬫᬮᬶᬗ᭄ᬕᬦᬭᬾᬰ᭄ᬯᬭᬷᬬᬾᬦ᭄ᬢ᭄ᬯᬄᬧᬸᬧᬸ᭠ᬦᬾᬯ᭄ᬓᬲᬦ᭄ᬳᬸᬮᬶᬂᬚᬦᬶᬓᬶᬃᬢ᭄ᬬᬂᬭᬢᬸ᭞ᬳᬧᬦ᭄ᬳᬤᬵᬦᬭᬾᬰ᭄ᬯᬭᬶᬦᬾᬫᬗ᭄ᬕᭂᬳᬂᬳᬯᬦᬦᬾᬓᬢᭂᬧᬸ
ᬓ᭄ᬫᬓᬭᭀᬦᬦ᭄ᬮᬸᬮᬸᬢ᭄ᬩᬸᬓᬵᬩᬳᬦ᭄ᬓᬮᬶᬚᬦᬶᬫᬸᬧᬸᬓᬫ᭄ᬮᬳᬦ᭄ᬳᬸᬦᬶᬂᬚᬵᬳᬶᬕᬸᬲ᭄ᬢᬶᬲᬵᬫ᭄ᬧᬸᬦ᭄ᬫᬳᬸᬢᬂᬓᬢ᭄ᬗᬄᬧᬓ᭄ᬦᭂᬳᬾᬤᬶᬲᬶᬲᬶᬩ᭄ᬮᬲ᭄ᬫᬗ᭄ᬤᬾᬫᬢᬸᬗ᭄ᬕᬮᬦ᭄ᬧᬗ᭄ᬭᬱᬦᬾᬤᬵᬫ᭄ᬩᬳᬂᬳᬶᬩᬸᬓ᭄
᭟ᬬᬾᬦ᭄ᬢ᭄ᬯᬄᬩ᭄ᬦᭂᬄᬓᬗᬶᬦ᭄ᬲᬹᬃᬬ᭄ᬬᬦᬾᬢᬸᬚᬸᬯᬂᬩᬳᬸᬦ᭄ᬤᬕ᭄ᬢ᭄ᬓᬵᬚᬸᬚᬹᬃᬩᭂᬦ᭄ᬢᭀᬢᬶᬢ᭄ᬬᬂᬤᬶᬢᬸ᭠ᬤᬶᬳᬫ᭄ᬩᬸᬩᬸᬦᬾᬦᬾᬧᬸᬢᬶᬄᬫᬗᬦ᭄ᬢᬶᬳᬶᬤᬾᬯ᭄ᬯᬵᬲᬗ᭄ᬓᬦ᭄ᬢᬶᬢ᭄ᬬᬂᬜᬶᬜᬶᬕ᭄ᬫᬢᬹᬃᬜᬓ᭄ᬢᬶᬕ᭄ᬢᬶᬕ᭄ᬜᬓ᭄ᬢᬶᬜ᭄ᬚᬓ᭄
ᬫᬲᬵᬢᬾᬢᬶᬢ᭄ᬬᬂᬯ᭄ᬤᬶᬫᬓᬵᬬᭀᬕ᭄ᬬᬜᬳᬶᬤᬾᬯ᭄ᬯᬵᬧᬘᬂᬫᭀᬗᭀᬃᬢᬶᬢ᭄ᬬᬂᬲᬢᬸᬳᬸᬓ᭄᭟ᬬᬦ᭄ᬢᭀᬦ᭄ᬤᬾᬦ᭄ᬕᬸᬲ᭄ᬢᬶᬧᬘᬂᬫᬢᬢᬲᬦ᭄ᬦᬄᬲᬸᬩᬵᬕᬦ᭄ᬢᬶᬮᬘᬹᬃᬩᬬᬵᬢ᭄ᬯᬄᬜᬢᬸᬤᬸᬄᬢᬶᬢ᭄ᬬᬂ
Page:Bali-lontar-gaguritan-maselong-ka-jembrana-350ppi.pdf/105
This page has been proofread.
