[᭑᭒᭑ 121B]
᭑᭒᭑
ᬫᬦᬶᬲ᭄ᬧᬗᬯᬶᬦᬾᬲᬵᬃᬯ᭄ᬯᬳᬾᬦ᭄ᬤᬄᬗᭀᬜᬂᬭᬭᬲ᭄ᬜᬦ᭄ᬤᬶᬂᬲᬗᬬᬸ᭟ᬓᬲᭀᬃᬓᬮᬗᭂ᭠ᬦᬾᬲᬫᬶᬦᬸᬦᬲ᭄ᬳᬶᬘᬵᬭᬶᬂᬓᬳᬬᭀᬦ᭄ᬲᬗᬬᬸᬯ᭄ᬬᬓ᭄ᬢᬶᬦ᭄ᬭᬸᬲ᭄ᬢᬸᬜ᭄ᬚᬸᬂᬫ᭄ᬮᬳᬾᬢ᭄ᬯᬭᬵᬦᬦ᭄ᬤᬶᬗᬶᬦ᭄ᬭᬢᬶᬄᬜ᭄ᬚ᭠
ᬮᬦ᭄ᬢᬭᬵᬫᬶᬤᭂᬃᬫᬗ᭄ᬮᬂᬮᬂᬓᬸᬮᬗᬸᬦ᭄ᬲᬓᬶᬂᬲ᭄ᬫᬭᬵᬮᬬᬵᬫᬳᬯᬦ᭄ᬢ᭄ᬭᬗᬶᬂᬰᬰᬶᬄᬫᬣᬶᬣᬶᬩᬦ᭄ᬲ᭠ᬗᬓᬱᬵᬫᬧᬗᬜ᭄ᬘᬦ᭄ᬮᬸᬗ᭄ᬕᬳᬶᬂᬕᬥᬸᬂ᭟ᬧᬦ᭄ᬢᭂᬲ᭄ᬧᬲᬩᬦ᭄ᬲᬂᬓᬯᬶᬰ᭄ᬯᬭᬵᬫᬃᬡ᭄ᬦᬓᬮᬗᭂᬦᬾᬩᬲ᭄ᬮᬶᬬᬸᬫᬰᬶᬄ
ᬜᬦ᭄ᬤᬶᬂᬕᬸᬦᬸᬂᬫᬢᬦ᭄ᬤᬶᬂᬢᬦ᭄ᬤᬶᬗᬦ᭄ᬭᬯᬶᬢ᭄ᬕᬶᬮᬶᬦᬾᬫᬚᬚᬃᬢᬶᬗ᭄ᬕᬃᬧᬥᬦ᭄ᬤᬸᬤᬸᬢ᭄ᬓᬬᬸᬦ᭄ᬦᬾᬧᬮᬶᬂᬤᬶᬢ᭄ᬗᬄᬲᬭᬸᬮᬶᬫᬸᬢ᭄ᬜᬧᬸᬢᬶᬦ᭄ᬬᬦ᭄ᬢᬦ᭄ᬓᭂᬦᬵᬮᬜ᭄ᬘᬄᬳᭀᬫ᭄ᬩᬓ᭄ᬗᭂᬦᬄᬧᬸᬢᬶᬄᬲᬫ᭄ᬩᭂᬄᬫᬗᭂᬫ᭄ᬧᬹᬃ
᭞ᬧᬩᬮᬶᬄᬳᬸᬮᬶᬤᬶᬲᬶᬲᬶᬗ᭄ᬕᬯᬾᬭᬕᬦ᭄ᬦᬾᬫᬓᬮᬗᬵᭂᬦ᭄ᬤᬶᬢᬸᬤᬦᬾᬲᬗᬬᬸᬢᬦ᭄ᬧᬲᬄᬳᬶᬩᬕᬸᬲ᭄ᬜᬦ᭄ᬤᬶᬂᬭᬱᬜᬫᬤᬦ᭄ᬤᬦ᭄ᬮᬶᬫᬵᬩᬋᬂᬫᬓᬮᬸᬗᬦ᭄ᬫᬗ᭄ᬭᬦ᭄ᬢᬸᬦ᭄ᬫᬚᬮᬦ᭄ᬦᬸᬳᬸᬢ᭄ᬲᬾᬮ᭄ᬯ᭠
[᭑᭒᭒ 122A]
ᬦ᭄ᬧᬲᬶᬲᬶᬫᬶᬭᬶᬩ᭄ᬫᬗ᭄ᬮᬫ᭄ᬧᬸᬲᬂᬳᬯᬓ᭄ᬫᬲᬸᬲᬸᬧᬦ᭄ᬫᬗᬮᬶᬄᬲᬸᬳᬸᬂ᭟ᬧᬰᬶᬳᬾᬗᬳᬤᬂᬬᬫᬧᬶᬦ᭄ᬤᬵᬳᭀᬲᬄᬫᬸᬦ᭄ᬢᬕ᭄ᬫᬦ᭄ᬢᬶᬕ᭄ᬫᬘ᭄ᬩᬸᬃᬧᬲᬶᬲᬶᬦᬾᬲᬸᬳᬸᬂᬢ᭄ᬗᬳᬶᬢ᭄ᬯᬭᬗᭂᬦ᭄ᬢᬲᬶᬦ᭄ᬳᬤᬵᬧᬦ᭄ᬤᬦ᭄ᬭᬗ᭄ᬓᬂᬫᬢᬶᬮᬸᬂᬫ
ᬦᭂᬧᬾᬦ᭄ᬧᬗ᭄ᬓᬸᬂᬫᬗᭀᬮᬲᬂᬫᬦᬄᬩᬶᬮᬂᬘᬭᬂᬫᬳᬶᬲᬶᬩᬸᬗᬵᭂᬫᬬᬂᬦᭂᬧᬾᬦ᭄ᬧᬭᬂᬧᬥᬢ᭄ᬯᬭᬵᬫᬳᬶᬲᬶᬕᬥᬸᬂ᭟ᬫᬲᬄᬲᬄᬓᬳᬗᬾᬫᬳᬶᬲᬶᬩᬸᬗᬜᬮᬬ᭄ᬯᬦ᭄ᬧᬸᬲᬸᬂᬲᬫ᭄ᬩᭂᬄᬩᭂᬓ᭄ᬤᬶᬓᬲᬹᬃᬩᬳᬦ᭄ᬦᬸᬳᬸ
ᬓᬶᬦ᭄ᬓᬭᬰ᭄ᬫᬶᬦ᭄ᬤᬶᬢᬗ᭄ᬓᭂᬤᬾᬳᬲᬢ᭄ᬫᬾᬮᬕᬾᬦ᭄ᬤᬄᬗᭂᬦᬄᬤᬶᬢᬸᬮᬶᬬᬸᬬᬾᬦ᭄ᬳᬸᬘᬧᬂᬓᬮ᭠ᬗᭂᬦᬾᬩᬲ᭄ᬮ᭄ᬯᬶᬄᬤᬶᬩ᭄ᬢᬾᬦ᭄ᬧᬸᬜᬜᬫ᭄ᬮᬄᬭᬯᬶᬢ᭄ᬫᬜᬦ᭄ᬤᬶᬂᬧᬰᬶᬄᬕᬸᬦᬸᬂ᭟ᬲᬸᬫᬶᬗ᭄ᬓᬶᬦ᭄ᬳᬶᬥᭂᬧᬾᬗᬮᬶᬄᬕ
ᬮᬂᬩᬸᬮᬦ᭄ᬤᬶᬲᭀᬃᬕᬶᬕᬶᬫᬗᬗ᭄ᬕᬸᬃᬫᬸᬮᬵᬳᬵᬢᭀᬗᭀᬲ᭄ᬮᬸᬳᬸᬂᬩᬸᬓᬶᬢᬾᬗᬶᬗ᭄ᬕᬶᬮ᭄ᬓᬲᬶᬲᬶᬧᬦ᭄ᬢᭂᬲ᭄ᬫ᭠ᬓᬭᭀᬦᬦ᭄ᬢᬦ᭄ᬧᬲᬄᬢ᭄ᬓᬾᬦ᭄ᬳᬶᬬᬬᬸᬗ᭄ᬕᬯᬾᬫᬦᬄᬭᬕᬦ᭄ᬩᬋᬂᬳᬚᬓ᭄ᬫᬮᬮᬶᬫᬩᬮᬶᬄᬳᬧᬗᭂ᭠
Page:Bali-lontar-gaguritan-maselong-ka-jembrana-350ppi.pdf/122
This page has been proofread.
