[᭑᭒᭙ 129B]
᭑᭒᭙
ᬓᬶᬦ᭄ᬫᬮᬳᬶᬩ᭄ᬩᬳᬦ᭄ᬳᬶᬦᬵᬓᬫᬦᬸᬲᬦ᭄ᬓᬤᬾᬦᬂᬤᬤᬶᬳᭂᬗ᭄ᬓᭂᬩᬶᬦ᭄ᬬᬦ᭄ᬲᬸᬩᬢᬶᬢᬄᬫᬢᬶᬧᬶᬢᬸᬯᬶᬫᬕ᭄ᬤᭀᬂᬩᬢᬸᬢᭀᬂᬦᬸᬕᬓᬮᬸᬧᬸᬢᬂᬢᭀᬓ᭄ᬭᬡᬵᬦᭂᬕ᭄ᬢᭂᬕᬂᬕᬢᬶᬢᬦ᭄ᬓᬲᭂᬮ
ᬦ᭄ᬤᬶᬩᬮᬾᬧ᭄ᬢᬸᬗᬾᬦ᭄ᬕᬓ᭄᭟ᬗᬱ᭄ᬝᬯ᭄ᬯᬤᬶᬚ᭄ᬭᭀᬦᬶᬂᬫᬦᬪᬝᬵᬭᬳᬶᬗ᭄ᬕᬶᬄᬤᬸᬮᬸᬭᬶᬦ᭄ᬳᬶᬘᬾᬦ᭄ᬢᬶᬢ᭄ᬬᬂᬓᬧᬕᭂᬳᬦ᭄ᬗᬫᭀᬂᬳᬶᬤᬵᬲᬂᬳ᭄ᬬᬂᬳᬚᬶᬲᬦᬾᬳᬧ᭄ᬢᬶᬳᬸᬢ᭄ᬧ᭄ᬢᬶᬪᬝᬵᬭᬢᬦ᭄ᬮ᭄ᬬᬦ᭄ᬳᬸᬫᬸ᭠
ᬗ᭄ᬕᬸᬄᬳᬸᬫᬸᬗ᭄ᬯᬶᬂᬧᬥ᭄ᬫᬵᬰᬡᬵᬲᬤᬦᬵᬰᬸᬰ᭄ᬭᬸᬲᬵᬩᬓ᭄ᬢᬶᬫᬗ᭄ᬤᬾᬲ᭄ᬯᬾᬘᬵᬪᬝᬵᬭᬫᬗᬓ᭄ᬱᬶᬢᬶᬢ᭄ᬬᬂ᭟ᬦᬄᬳᬓᬾᬢᭀᬘᬭᬶᬢ᭄ᬣᬬᬂᬦᬶᬲ᭄ᬫᭂᬗᬦ᭄ᬩᬮᬶᬓᬶᬦ᭄ᬳᬶᬤᬵᬓ᭄ᬢᬸᬢ᭄ᬕᭂᬥᬾᬢ᭄ᬓᬵᬭᬸᬓ᭄ᬱᬩ᭠
ᬩᬃᬳᬸᬚᬦ᭄ᬳᬗᬶᬦ᭄ᬤᬶᬩᬚᬺᬓᭀᬘᬧ᭄ᬧᬮᬶᬂᬤᬶᬫᬃᬕ᭄ᬕᬦᬾᬩᬩᬃᬮᬶᬮᬸᬲ᭄ᬓᭂᬲ᭄ᬬᬩ᭄ᬤᬤᬶᬧᬩᬼᬲᬢ᭄ᬢᬸᬢᬸᬢᬦᬾᬳᭀᬜᬫ᭄ᬮᬳᬶᬩ᭄ᬳᬶᬤᬵᬓ᭄ᬢᬸᬢ᭄ᬕᭂᬥᬾᬤᬤᬶᬗᬸᬗ᭄ᬲᬶᬳᬩ᭄ᬬᬦ᭄᭟ᬧ᭄ᬭᬬ
[᭑᭓᭐ 130A]
ᬫᬜᬶᬮᬶᬄᬤᬸᬦᬸᬗᬦ᭄ᬳᬚᬓ᭄ᬳᬶᬤᬤ᭄ᬯᬂᬤᬶᬭᬶᬢᭀᬂᬲᬶᬤ᭄ᬥᬵᬦᬸᬗ᭄ᬓᬲ᭄ᬫᬚᬮᬦ᭄ᬫ᭄ᬭᬱᬓ᭄ᬩᬸᬭᬂᬳᬗᬶᬦ᭄ᬓᬳᬩ᭄ᬬᬦᬾᬫᬗ᭄ᬭᬭᬶᬲ᭄ᬳᬦᬓ᭄ᬗᬳᬾᬤᬸᬭᬾᬤᬶᬢᬸᬫᬗ᭄ᬮᬄᬓᬸᬩᬸᬤᬤ᭄ᬯᬗᬦ᭄ᬬᬂᬳᬸ
ᬕ᭄ᬓ᭄ᬩᬸᬭᬂᬳᬗᬶᬦ᭄ᬳᬶᬤᬵᬓ᭄ᬢᬸᬢ᭄ᬕ᭄ᬥᬾᬫᬢᬸᬮᬸᬂᬫᬦᬸᬜ᭄ᬚᬂ᭟ᬓᬸᬩᬸᬦᬾᬳᬧᬂᬤᬵᬳ᭄ᬩᬄᬲᬦᬾᬗ᭄ᬮᬄᬧᭀᬦ᭄ᬤᭀᬓ᭄ᬕᬢᬶᬦᭂᬓ᭄ᬢᭂᬓ᭄ᬢᬶᬳᬶᬂᬧᬘᬂᬦᬸᬜ᭄ᬚᬂᬫᬸᬜᬶᬦᬾᬲᬵᬃᬚ᭄ᬚᬯ᭄ᬯᬵᬫᬦᬶᬲ᭄ᬲᬵᬫ᭄ᬧᬹᬭᬵᬢᬶ
ᬢ᭄ᬬᬂᬫᬶᬲ᭄ᬓᬶᬦ᭄ᬫᬤ᭄ᬭᬸᬯᬾᬧᭀᬦ᭄ᬤᭀᬓ᭄ᬳᬩᬸᬗ᭄ᬓᬸᬮ᭄ᬭᬢᬸᬮᬾᬤᬗᬂᬧᬶᬲᬦ᭄ᬳᬶᬭᬶᬓᬶᬤᬸᬫᬸᬦ᭄ᬫᬮᬶᬗ᭄ᬕᬶᬄᬳᬦ᭄ᬢᭀᬲ᭄ᬭᬢᬸᬲᬩᭂᬄᬳᬗᬶᬦᬾᬩᬲ᭄ᬭᬳᬢ᭄᭟ᬳᬶᬤᬵᬓ᭄ᬢᬸᬢ᭄ᬕ᭄ᬥᬾᬦᬶᬫ᭄ᬩᬮ᭄ᬧ᭠
ᬗᬦ᭄ᬤᬶᬓᬵᬭᬹᬫᬫᬦᬶᬲ᭄ᬦᬄᬓᬓᬶᬮ᭄ᬕᬬᬂᬧᬶᬲᬦ᭄ᬳᬶᬘᬂᬫᬤᬸᬦᬸᬗᬦ᭄ᬤᬶᬦᬶᬧᭀᬦ᭄ᬤᭀᬓ᭄ᬓᬓᬶᬳᬩᭂᬲᬶᬓ᭄ᬤᬵᬧ᭄ᬤᬶᬄᬳᬶᬘᬂᬫᬜᬸᬓ᭄ᬱᬸᬓ᭄ᬦᬾᬳᬶᬘᬂᬗᬩᬵᬩᬳᬲ᭄ᬓᬓᬶᬗ᭄ᬮᬄᬧᬳᭀᬦ᭄ᬤᬶᬦᬶ
Page:Bali-lontar-gaguritan-maselong-ka-jembrana-350ppi.pdf/130
This page has been proofread.
