[᭑᭕᭗ 157B]
᭑᭕᭗
ᬩᬓᬮ᭄ᬳᬚᬓ᭄ᬫᬶᬮᬸᬓᬧᬕᭂᬳᬦ᭄ᬤᬶᬢᬸᬲᬦ᭄ᬤᬶᬂᬦ᭄ᬢᭀᬓᬯᬶᬧ᭄ᬭᬚ᭄ᬜᬵᬦᬵᬕᬭᬯᬶᬘᬓ᭄ᬱᬡᬗᬧᬸᬲ᭄ᬫᬾᬄᬓᬢ᭄ᬓᬦ᭄ᬳᭀᬜᬓᬮᬗᭂᬦᬾᬫᬕᬸᬭᬶᬢ᭄ᬢᬸᬚᬸᬯᬂᬤᬶᬦᬦᬾᬫ᭄ᬮᬄᬤᬶᬧᬺᬯᬦᬶᬦᬾᬓ᭄ᬩᭂᬓ᭄ᬜᬩᬸᬄ᭟
ᬬᬾᬦ᭄ᬓ᭄ᬭᬫᬦᬶᬂᬫᬓᬼᬲ᭄ᬧᬶᬧᬶᬲᬾᬳᬗ᭄ᬓᬵᬲᬸᬩᬢᭀᬮᬶᬫᬮᬶᬓᬹᬃᬢᭂᬧᭂᬲᬂᬫᬳᬶᬫ᭄ᬩᬸᬄᬓᬾᬬᬤᬤᬶᬧᬘᬂᬍᬩᬶᬄᬓᬾᬢᭀᬳᬸᬧᬫᬜᬤ᭄ᬧᬗᬶᬦ᭄ᬳᬫ᭄ᬩᬸᬮ᭄ᬢᭀᬳᬧᬸᬲ᭄ᬕᬯᬾᬦᬂᬤᬶᬦᬜᬧ᭄ᬭᬕᬢᬾᬩ
ᬢᬦ᭄ᬓᬯᬶᬩᬓᬮ᭄ᬗ᭄ᬓᬮᬂᬓᬮᬵᬮᬸᬯᬲ᭄ᬓᬲᭀᬂᬕᬶᬕᬶᬦ᭄ᬕᬓᬶᬦ᭄ᬚᬸᬓᬸᬂ᭟ᬯ᭄ᬭᬲ᭄ᬨᬢᬶᬓᬮᬶ᭠ᬯᭀᬦ᭄ᬯᬭᬯᬭᬶᬕᬤ᭄ᬬᬦ᭄ᬱᬤ᭄ᬭᬭᬜᬫᬳᬸᬮᬸᬧᬗᬸᬢ᭄ᬧ᭄ᬢ᭄ᬬᬦ᭄ᬤᬶᬲᬶᬦ᭄ᬤᬸᬓᬢᬶᬕᬳᬸᬚᬦᬾᬢᬶᬢᬶᬃᬧᬧᬗ᭄ᬮᭀᬂ
ᬧᬶᬂᬢ᭄ᬮᬸᬮᬲ᭄ᬳᬶᬰᬓᬵᬲ᭄ᬧᬳᬵᬲᬢᬸᬲ᭄ᬳᬸᬮᬸᬂᬤᬰᬮᬶᬫᬵᬲᬤᬸᬓ᭄ᬳᭂᬦ᭄ᬢᭀᬫᬗ᭄ᬕᬸᬭᬶᬢ᭄ᬲ᭄ᬤᭂᬓᬵᬃᬬ᭄ᬬᬫᬫ᭄ᬩᬮᬶᬕ᭄ᬬᬢᬸᬓᬤ᭄ᬳᬜᬭᬾᬲᬳᬶᬕᭂᬦ᭄ᬢᬸᬄ᭟ᬩ᭄ᬥᬾᬕ᭄ᬧᬜᬸᬢᭂᬃᬧᬬᬚ᭄ᬜᬦᬾᬳᬲᬶᬩᬓ᭄ᬩ᭠
[᭑᭕᭘ 158A]
ᬓᬢ᭄ᬢᭀᬮᭀᬃᬬᬾᬄᬳᬜᬸᬤ᭄ᬩᬮᬾᬭᬶᬗ᭄ᬕᬂᬭᬶᬗ᭄ᬕᬸᬂᬢᭀᬗᭀᬲ᭄ᬩᬦ᭄ᬢᭂᬦᬾᬫᬢᬦ᭄ᬤᬶᬂᬤᬲ᭄ᬤᬲᬦ᭄ᬗᬸᬮᬾᬫ᭄ᬩᬢ᭄ᬩᬩᬃᬕᭂᬦ᭄ᬢᬸᬄᬲᬸᬩᬭᬶᬬᬸᬤ᭄ᬓᬮᬶᬬᬸᬦᬦ᭄ᬢᭂᬓᬵᬦᬸᬮᬸᬗᬶᬦ᭄ᬧᬥᬗ᭄ᬕᬶᬲᬶᬳᬸᬚᬦᬾ
ᬩᬸᬓᬵᬢᬸᬭᬸᬯᬂᬲᭂᬫ᭄ᬩᬓ᭄ᬤᬶᬦᬦᬾᬲᬳᬶᬕᭂᬦ᭄ᬢᬸᬄ᭞ᬫᬰᬶᬄᬳᬧᬂᬳᬤᬵᬳᬶᬗᭂᬢᬂᬯ᭄ᬓᬲᬦ᭄ᬤᬸᬓ᭄ᬓᬃᬬ᭄ᬬᬦᬾᬤᬶᬲᬶᬡ᭄ᬥᬸᬳᬶᬓᭂᬢ᭄ᬤᬤᬶᬓᬶᬥᬸᬂᬢᬸᬢᬶᬂᬢᭂᬫ᭄ᬩᬗᬾᬯᬗ᭄ᬲᬶᬢᬶᬦ᭄ᬤ᭄ᬫᬸᬂᬤᬯ᭄ᬯᬗ᭄ᬮᬦ᭄ᬢᬃᬲᭀᬓ᭄ᬫᬶᬮᬸᬫᬦᬸ᭠
ᬳᬸᬢ᭄ᬧᬬᬸᬩᬦ᭄ᬢᬲᬦ᭄ᬲᬢ᭄ᬯᬢ᭄ᬯᬭᬵᬳᬤᬵᬪᬱᬦᬶᬦ᭄ᬫᬸᬜᬶᬩᬮᬶᬧᬧᭀᬮᭀᬲᬦ᭄᭠ᬜ᭄ᬚᬸᬯᬂᬧ᭄ᬭᬕᬢ᭄ᬳᬓᬾᬢᭀᬧᬸᬧᬸᬢ᭄᭚᭜᭚ᬳᬶᬤᬵᬭᬢᬸᬪᬝᬵᬭᬤᬶᬫᬳᬵᬫᬾᬭᬸ᭞ᬧᬦᭂᬫ᭄ᬩ᭠
ᬳᬦ᭄ᬚᬕᬢ᭄᭞ᬫᬓᬵᬤᬶᬤᬾᬯᬵᬤᬾᬯ᭄ᬯᬢᬵ᭞ᬲᬫᬶᬦᬸᬗ᭄ᬲᬸᬂᬳᬕᬸᬂᬳᬮᬶᬢ᭄ᬓᬯᬶᬰᬾᬱ᭟ᬩ᭄ᬯᬢᬦ᭄ᬓᭂᬦᬾᬗᬸᬧᬤ᭄ᬭᬯᬢᬶᬢ᭄ᬬᬂᬗᬧᬸᬲ᭄᭞ᬗᬧᬸᬰ᭄ᬘᬘᬗ᭄ᬓ᭄ᬭᬶᬫᬦ᭄᭞ᬘᬘᬗ᭄ᬓ᭄ᬭᬶᬫᬦ᭄ᬤᬶᬧᬫᬺᬫᬦ᭄᭞᭠
Page:Bali-lontar-gaguritan-maselong-ka-jembrana-350ppi.pdf/158
This page has been proofread.
