[᭓᭖ 36B]
᭓᭖
ᬦ᭄ᬧᬧᬬᬲᬦ᭄ᬜᬦᬾᬦᬹᬭᬄᬲᬸᬭᬵᬤᬤᬹᬳᭀᬃᬫᬢ᭄ᬢᬦ᭄ᬫᭂᬓᭂᬮ᭄ᬮᭀᬮᭀᬯᬦ᭄ᬘᬶᬳ᭄ᬦᬦᬶᬂ᭠ᬳᬢ᭄ᬯᬂᬫᬕᬸᬲ᭄ᬢᬶ᭟ᬫᭂᬜ᭄ᬘᬅ᭄ᬬᬲᬵᬫ᭄ᬩᬶᬮ᭄ᬫᬲᬶᬮᬢ᭄ᬢᬹᬃᬫᬲᬸᬭᬓ᭄ᬗᬩᬵᬓ᭄ᬮᬾᬯᬂᬮᬦ᭄ᬩᭂᬤᬶᬮ᭄ᬓᭀᬘᬧ᭄ᬫᬵ
ᬤᬦ᭄ᬩᬭᬶᬲ᭄ᬓᬫ᭄ᬧᬸᬂᬳᬤᬵᬫᬫᬘᬵᬓᬶᬢᬧ᭄ᬤᬶᬓᬨᬮᬾᬫᬓᬢ᭄ᬣᬫᬸᬜᬶᬫᬮᬬᬸᬫᬸᬳᬸᬕ᭄ᬫᬗᬾᬦ᭄ᬢᭂᬭᬂᬲᬸᬭᬓ᭄ᬢᬶᬢᬶᬩ᭄ᬳᬦᬓᬾᬫᬩᬮᬶᬄ᭟ᬕ᭄ᬭᬸᬤᬸᬕᬦ᭄ᬫᬃᬕ᭄ᬕᬦᬾᬓ᭄ᬭᬸᬭᬵᬘ᭄ᬭᬶᬓ᭄ᬓ᭄ᬮᬶᬄᬧ᭄ᬲᬸᬫᬧᬬ
ᬲ᭄ᬲᬫᬶᬤᬶᬓᬦ᭄ᬢᭀᬃᬩ᭄ᬤᬶᬦᬾᬦᬩᬸᬄᬕᬸᬫᬶᬦᬾᬫᬕ᭄ᬚᭂᬭᬦ᭄ᬕᬕᬫ᭄ᬮᬦ᭄ᬫᬢᬩᬸᬄᬭᬱᬜᬳᬸᬳᬸᬕ᭄ᬕᬸᬫᬶᬦᬾᬤᬶᬚᬫ᭄ᬩᬵᬭᬦᬵᬲᬸᬭᬓᬾᬫᬯᬦ᭄ᬢᬶᬯᬦ᭄ᬢᬶ᭟ᬯᬮᬸᬬᬵᬳᬫ᭄ᬩᬸᬮ᭄ᬤᬶᬍᬗ᭄ᬓᬵᬫᬭᬵ᭠
ᬫᭂᬜᬶᬢ᭄ᬤᬫᬭᬾᬧᬓᭂᬜᬶᬢ᭄ᬜᬶᬢ᭄ᬓᭂᬫ᭄ᬩᬂᬳᬧᬶᬦᬾᬫᬲ᭄ᬤᬸᬢ᭄ᬓᭂᬧ᭄ᬮᬸᬕᬦ᭄ᬜᬦᬾᬩᬸᬬᬃᬤᬶ᭠ᬳᬫ᭄ᬩᬭᬵᬦᬾᬗᭂᬦᬄᬫᬢᬸᬭᬸᬢ᭄ᬫᬳᬶᬭᬶᬩ᭄ᬕ᭄ᬮᬧ᭄ᬓᬲᬗ᭄ᬳᬵᬓᬮᬵᬫᬜᬦ᭄ᬤᭂᬭᬶᬦ᭄ᬫᬡᬶᬓ᭄᭟
[᭓᭗ 37A]
ᬮᬾᬦ᭄ᬢᭀᬫᬸᬜᬶᬦ᭄ᬓᬢᬶᬓᬸᬲᬦ᭄ᬓᬮ᭄ᬧᬵᬢᬭᬸᬫᬕᭂᬦ᭄ᬢᬶᬫᬫ᭄ᬦᬾᬓᬶᬦ᭄ᬓ᭄ᬤᬾᬓ᭄ᬲᬸᬭᬓᬾᬫᬓᬸᬳᬸᬕ᭄ᬘᬶᬭᬶᬦ᭄ᬳᬦᬓ᭄ᬯᬶᬪᬯ᭄ᬯᬵᬮ᭄ᬫᬄᬧ᭄ᬢᭂᬂᬳᬶᬫ᭄ᬬᬦᬦ᭄ᬫᬓᬵᬢ᭄ᬮᬸᬦ᭄ᬢᭀᬫᬸᬦᬶᬦ᭄ᬕᬕᬫ᭄ᬮ
ᬦ᭄ᬚᬯᬓᭀᬘᬧ᭄ᬫᬤᬦ᭄ᬫᬸᬲᬶᬓ᭄᭟ᬤᬶᬫᬵᬃᬕ᭄ᬕᬦᬾᬢ᭄ᬯᬭᬵᬧ᭄ᬕᬢ᭄ᬮᬸᬄᬫᭀᬯᬦᬶᬳ᭠ᬦᬓᬾᬦᬾᬫᬩᬮᬶᬄᬩᬮᬶᬘᬶᬦᬵᬲ᭄ᬮᬫ᭄ᬓᬫ᭄ᬧᬸᬂᬤᬕᬶᬂᬗ᭄ᬩᭂᬓᬶᬦ᭄ᬫᬵᬃᬕ᭄ᬕᬵᬲᬶᬂᬓ᭄ᬦᭂᬳᬂᬫ᭄ᬮᬶᬲᬸᬩᬵᬳᬤᬵᬤᬶ
ᬢᬸᬚᬩᬦᬶᬂᬲᬹᬃᬬ᭄ᬬᬓᬾᬦ᭄ᬩᬸᬮᬦ᭄ᬲᬶᬂᬳᬤᬵᬳᬦᬓ᭄ᬗᬤᭂᬧᬶᬦ᭄᭟ᬫᬩᬱᬵᬓᬤᬸᬂᬲᬦ᭄ᬢᬶᬢ᭄ᬬᬂᬢᬸᬫ᭄ᬩᬾᬦ᭄ᬧᭂᬲᬸᬫᬩᬮᬶᬄᬓᬨᬮ᭄ᬳᬧᬶᬩᬢᬶᬲᬾᬓᬚᬾᬂᬓ᭄ᬮᭀᬓ᭄ᬮᬩᬸᬄᬩᭂᬲᭂᬄᬲᬓᬶᬢᬾᬧ᭄ᬭ
ᬕᬢ᭄ᬫᬓᬵᬍᬫᬄᬤᬶᬤᬸᬦᬸᬗᬦ᭄ᬧᬬᬸᬦ᭄ᬤᬸᬳᬸᬄᬳᬸᬩᬤᬾᬕᬕᬫ᭄ᬧᬗᬦ᭄ᬧᬤ᭠ᬡ᭄ᬥᬵᬲᬶᬡ᭄ᬥᬸᬫᬮ᭄ᬬᬦᬶᬦ᭄᭚ᬧᬸᬄᬫᬶᬚᬶᬮ᭚ᬳᬶᬲᭂᬂᬢᬶᬢ᭄ᬬᬤᬶᬤᬹᬦᬸᬗᬦ᭄ᬦᬸᬮᬶᬲ᭄᭞ᬫᬗ᭄ᬤᬾ᭠
Page:Bali-lontar-gaguritan-maselong-ka-jembrana-350ppi.pdf/37
This page has been proofread.
