[᭓ 3B]
᭓
ᬥᬄᬧᬶᬭᬶᬂᬲᭀᬭᭀᬄᬲᬦᬾᬳᬸᬫᬹᬃᬲᬢᬸᬯᭀᬄᬯᭀᬳᬦ᭄ᬲᬯᬃᬡ᭄ᬦᬜᬬᬦ᭄ᬧᬃ᭠ᬡ᭄ᬦᬬᬂᬗ᭄ᬳᬦ᭄ᬤ᭄ᬭᬵᬩ᭄ᬤᬸᬯᬦᬵᬦᬾᬢᬶᬢᬸᬲᬶᬂᬮᬶᬬᬢᬶᬦ᭄ᬲᬵᬃᬯ᭄ᬯᬦ᭄ᬓᬄᬜᬦ᭄ᬤᬂᬲᬂᬫᭀᬮᬶᬳᬶᬂᬓᬾᬃᬢ᭄ᬢᬸ᭟ᬳ
ᬲᬶᬳᬶᬂᬯᭀᬂᬓᬤᬸᬓᬶᬢᬦ᭄ᬢᬹᬃᬮᬕᬯᬵᬫᬘᬘᬃᬢᭂᬢᬾᬄᬓᬸᬧᬶᬳᬲᬓ᭄ᬱᬡᬲᬕᬾᬢ᭄ᬓᬲ᭄ᬕᬸᬃᬳᬮᬸᬲ᭄ᬲᬸᬩᬵᬫᬓᭂᬩᬶᬢ᭄ᬧᬘᬂᬜᬗ᭄ᬕ᭄ᬭᬦᬾᬮ᭄ᬗᭂᬄᬤᬶᬓᬨᬮ᭄ᬮᬶᬫᬸᬄᬭᬾᬄᬳᬦᬓ᭄ᬫᬸᬮ᭠
ᬳᬸᬢ᭄ᬲᬳᬵᬳᬧᬂᬳᬤᬵᬢᭀᬗᭀᬲ᭄ᬗᭂᬢᬶᬲ᭄᭟ᬕᬮᬂᬳᬫ᭄ᬩᬸᬮ᭄ᬤᬶᬲᬸᬯᬃᬕ᭄ᬕᬦ᭄ᬳᬤᬵᬲᬶᬬᬹᬤᬫᬭᬾᬲᬸᬩᬵᬫᭂᬜᬶᬢ᭄ᬓᬦᬶᬸᬮᬶᬄᬩᬶᬦ᭄ᬢᬗᬾᬤᬶᬤᬸᬳᬹᬃᬩᬵᬦ᭄ᬤᬫᬭᬾᬤᬶᬓᬨᬮ᭄ᬩᬸᬮ᭠
ᬦ᭄ᬳᬶᬮᬂᬫᬓᬧᬸᬢ᭄ᬩᬳᬦ᭄ᬳᬫ᭄ᬩᬸᬩᬸᬤᬼᬖᬦ᭄ᬤᬸᬲᬾᬤᬶᬓᬨᬮ᭄ᬘᬶᬳ᭄ᬦᬦᬶᬗᬦ᭄ᬢ᭄ᬬᬂᬫᬫᬃᬕ᭄ᬕᬶ᭟ᬲᬸ᭠ᬗ᭄ᬕᬦᬾᬜ᭄ᬭᬶᬢ᭄ᬓᬭᬸᬭᬵᬫᬶᬭᬶᬩ᭄ᬢᬫ᭄ᬩᬹᬃᬗ᭄ᬭᬸᬪᬸᬕ᭄ᬗᬼᬓᬶᬦ᭄ᬧᬲᬶᬄᬕᬕᬫ᭄ᬮᬦᬾᬫᬢᬩᬸᬄᬫᬶᬭᬶᬩ᭄ᬤᬲ᭄ᬫᬭᬵ᭠
[᭔ 4A]
ᬮᬬᬵᬧᬸᬜᬦ᭄ᬩᬸᬗᬵᭂᬫᬯᬃᬡ᭄ᬦᬵᬤᬶᬢᬸᬓᬬᬸᬦ᭄ᬳ᭄ᬬᬸᬦ᭄ᬤᬶᬓᬫᬃᬤᬫᬃᬲᬢᬶᬮᬫ᭄ᬫᬳᭂ᭠ᬜᬶᬢ᭄ᬕᭀᬩᬦᬾᬳᬮᬶᬫ᭄᭟ᬧ᭄ᬤᭂᬫᬦ᭄ᬲᬸᬩᬵᬫᬢᬦ᭄ᬤᬵᬩᬮᬾᬭᬜ᭄ᬚᬂᬫᬶᬲᬶᬓᬲᬹᬃᬳᬩᭂᬲᬶᬓ᭄ᬕ
ᬮᭂᬂᬕᬕᬸᬮᬶᬗᬾᬮᬸᬳᬸᬂᬫᬭᬶᬂᬭᬶᬂᬲᬵᬃᬯ᭄ᬯᬫ᭄ᬮᬄᬫᬓᬮᬫ᭄ᬩᬸᬫᭀᬢᬺᬱᬲᬸᬮᬫᬦ᭄ᬓᬫ᭄ᬧᬸᬂᬫᬜᬦ᭄ᬤᬶᬂᬕ᭄ᬤᬄᬫᬢ᭄ᬭᬯᬂᬫᬾᬚᬵᬩᬡ᭄ᬥᬦᬶ᭟ᬧᬃᬩ᭄ᬪᬦᬾᬳᬮᬸᬲ᭄ᬩᬸᬮᬾᬮᬫ᭄ᬫᬶᬲᬶᬩ᭄ᬥᬶᬮ᭄ᬫᬚᬚᬃᬫ
ᬗᬾᬤᬦᬶᬦ᭄ᬲᬯᬢᬭᬧᬶᬢᬸᬗᬢᬸᬲ᭄ᬳᬢᬧ᭄ᬕᭀᬩᬦᬾᬫ᭄ᬮᬄᬮ᭄ᬭᬵᬦ᭄ᬓᬮᬾᬯᬂᬫ᭠ᬘᬯᬸᬂᬘᬢᬸᬧᬼᬫ᭄ᬮᬸᬳᬸᬂᬤᬫᬃᬕᬶᬜ᭄ᬘᬂᬫᬓᭂᬫ᭄ᬩᬭᬦ᭄ᬤᬶᬓᬫᬃᬫᬗᬧᬶᬢ᭄ᬓᬸᬭᬶ᭟ᬧ᭄ᬭᬫᬤᬫᬶᬦᬾᬫᬓᭂ
ᬩᬢ᭄ᬳᬮᬸᬲ᭄ᬜᬮᬂᬫᬜᬦ᭄ᬤᬶᬂᬧ᭄ᬢᬶᬳᬮᬶᬫ᭄ᬍᬫᬭᬶᬕᭂᬥᬄᬫᬢᬸᬭᬸᬢ᭄ᬫᬶᬲᬶᬳᬸᬦᬹᬫᬶᬦᬹᬫᬦ᭄ᬲᬯᬃᬡ᭄ᬦᬜᬫᬓ᭄ᬚᬂᬫᬦᭀᬗᭀᬲ᭄ᬤᬶᬢᬸᬲᬶᬂᬮᬶᬬᬢᬶᬦ᭄ᬲᬵᬮᬄᬩᬳᬦᬾᬭᬸᬫ᭄ᬩᬾᬦ᭄ᬦᭂᬧᬸᬓᬶᬦ᭄᭟
Page:Bali-lontar-gaguritan-maselong-ka-jembrana-350ppi.pdf/4
This page has been proofread.
