[᭔᭓ 43B]
᭔᭓
ᬦᬾᬫᬗ᭄ᬓᬶᬦ᭄ᬓ᭄ᬭᬡ᭄ᬦᬢᭀᬦ᭄ᬤᬾᬦ᭄ᬧ᭄ᬭᬕᬢ᭄᭟ᬢᬸᬯᬦ᭄ᬧᬢ᭄ᬭᬶᬸᬦ᭄ᬭᬸᬦ᭄ᬳᬸᬢ᭄ᬲᬳᬫᬮᬶᬳᬶ᭠ᬦ᭄ᬳᬸᬧᬓᬵᬭᬢᬹᬃᬫᬦᬶᬂᬦᬓᭀᬦᬂᬦᬶᬓᬶᬦᬧᬶᬳᬤᬦ᭄ᬜᬦᬾᬧᬦᬸᬗ᭄ᬓᭂᬫ᭄ᬩᬱᬳᬮᬸᬲ᭄ᬩᬱᬓᬲᬃ
ᬕᬕᬸᬢᬸᬓ᭄ᬦᬶᬓᬶᬲᬮ᭄ᬯᬶᬭᬶᬂᬕᬫ᭄ᬫᬵᬢᬶᬃᬢ᭄ᬣᬲᬫᬶᬫᬕᬕᬸᬢᬸᬓ᭄ᬦᬾᬦ᭄ᬢᭂᬦ᭄ᬳᬶᬧᬸᬦ᭄ᬫᬵᬤᬦ᭄ᬧᬗ᭄ᬓᬢ᭄ᬦᬶᬓᬶᬕᬫ᭄ᬫᬵᬢᬶᬃᬸᬕᬫ᭄ᬫᬵᬫᬕᬕᬸᬢᬸᬦ᭄ᬲᬫᬶᬲᬫᬶᬳᬲᬶᬂᬫᬩᬾᬦᬂ᭟ᬢᬸᬯᬦ᭄ᬓᬸᬦ᭄ᬢᭂᬮᬶᬃᬓ᭄ᬜᭂᬫ᭄ᬫᬜᬳᬸᬢᬶ
ᬦ᭄ᬫᬦᬢᬲᬂᬢᬯᬂᬢ᭄ᬬᬂᬦᬯᬂᬲᬢᬶᬗ᭄ᬓᬄᬕᬫ᭄ᬫᬵᬢᬶᬃᬢ᭄ᬣᬦᬾᬲᬕᬾᬢ᭄ᬧᬤᬦ᭄ᬥᬵᬭᬯᬸᬄᬲᬓᬶᬂᬚᬫ᭄ᬩᬭᬦᬵᬓᬓᬮᬶᬄᬳᬶᬤᬵᬬᬸᬳᬶᬬᬸᬓᬢᬄᬳᬶᬤᬵᬳᬶᬲ᭄ᬢ᭄ᬭᬶᬧᬸᬢᬸᬫᬤᬩ᭄ᬥᬩ᭄ᬧᬘᬂᬫᬜᬸᬮᬸᬄ
ᬲᬸᬓᬢ᭄ᬓᬭᬶᬗᬦ᭄ᬢᭀᬲᬂᬧᬤᬦ᭄ᬤᬳᬶᬲ᭄ᬢ᭄ᬭᬶᬳᬶᬤᬵᬓᬭᬶᬫᬯᬾᬤ᭄ᬥᬵ᭟ᬢᬸᬯᬦ᭄ᬓᬸᬦ᭄ᬢᭂᬮᬶᬃᬤᬦᬾᬦᬕᬶᬄᬫᬸᬮᬶᬄᬜᬦᬦ᭄ᬢᬸᬦ᭄ᬤᬾᬦ᭄ᬓ᭄ᬫᭂᬗᬮᬶᬄᬢ᭄ᬬᬂᬤᬶᬲᬸᬩᬵᬢ᭄ᬓᬢᬫ᭄ᬬᬸᬦᬾᬢᬸᬯᬦ᭄ᬧᬦ᭄ᬭᬸᬫ᭄ᬫᬤᬸ
[᭔᭔ 44A]
ᬮᬸᬃᬘᬭᬶᬢᬬᬂᬫ᭄ᬬᬸᬦᬾᬚᬦᬶᬲᬸᬩᬢ᭄ᬓᬫᬓ᭄ᬚᬂᬩᬭᬬᬫᬢᬫ᭄ᬩᬸᬦ᭄ᬯᬢᭂᬓ᭄ᬱᬦᬾᬗᬦ᭄ᬢ᭄ᬬᬂᬜᬸᬫ᭄ᬩᬄᬲᬸᬩᬵᬧ᭄ᬭᬬᬫᬦᭂᬲᭂᬓᬶᬦ᭄ᬯᬥᬄᬕᬮᬶᬄᬧᬘᬂᬢᬢᬓᬦ᭄ᬲᬸᬓᬢ᭄᭟ᬲᬵᬫ᭄ᬧᬸᬦ᭄ᬳᬸᬲᬦ᭄ᬧ
ᬤᬡ᭄ᬥᬦᬾᬲᬫᬶᬭᬭᬶᬲ᭄ᬳᬶᬤᬵᬲᬋᬂᬜᬸᬮᬸᬄᬲᬸᬓᬢ᭄ᬯᬢᭂᬓ᭄ᬧᬤᬡ᭄ᬥᬤᬡ᭄ᬥᬦᬾᬫᬓᬓᬯᬶᬦ᭄ᬫᬩ᭄ᬭᬶᬬᬸᬓ᭄ᬲᬤ᭄ᬥᬵᬋᬫᬵᬭᬫ᭄ᬬᬵᬳᬕᬶᬕᬶᬲ᭄ᬢᬸᬯᬦ᭄ᬓᬸᬦ᭄ᬢᭂᬮᬶᬃᬳᬸᬘᬧᬂᬫᬮᬶᬄᬤᬦᬾᬭᬯᬸᬄ᭠
ᬢ᭄ᬯᬦ᭄ᬧᬦ᭄ᬭᬸᬫ᭄ᬢ᭄ᬯᬭᬧᬲᬄᬫᬩᬭᬗᬦ᭄ᬢᬾᬄᬓᭀᬧᬶᬲᬵᬫ᭄ᬧᬸᬦ᭄ᬘᬸᬫᬯᬶᬲ᭄ᬧᬘᬂᬦᬫ᭄ᬬᬸᬳᬶᬢᬸᬯᬦ᭄᭟ᬲᬵᬫ᭄ᬧᬸᬦ᭄ᬓᬢᬹᬃᬧᬜᬫ᭄ᬩ᭄ᬭᬫᬲᬫᬶᬭᬶᬂᬳᬶᬢᬸᬯᬦ᭄ᬳᬶᬢ᭄ᬯᬦ᭄ᬦᬵᬭᬶᬫᬓᬭᬶᬩ᭄ᬗᭀᬂᬤᬶ
ᬓᬹᬃᬲᬶᬦᬾᬗᬯᬲ᭄ᬳᬦᬓᬾᬮ᭄ᬬᬸᬦᬩ᭄ᬤᬩ᭄ᬲᬸᬓᬢ᭄ᬤᬦᬾᬫᬩᬮᬶᬄᬳᬸᬢ᭄ᬲᬳᬵᬫᬦᬓᭀᬦᬂᬧᬶᬤᬵᬃᬢ᭄ᬣᬓᬳᬢᬹᬃᬢᬶᬢ᭄ᬬᬂᬫᬗᬶᬜ᭄ᬘᬶᬢᬂᬧᬶᬲᬦ᭄ᬲᬓᬾᬯᬦ᭄ᬢᭂᬦ᭄ᬧ᭄ᬭᬲᬶᬤ᭄ᬥᬲᬶᬤ᭄ᬥᬫᬩᬲ᭄ᬫᬶᬢᭂᬢᭂ
Page:Bali-lontar-gaguritan-maselong-ka-jembrana-350ppi.pdf/44
This page has been proofread.
