[᭕᭒ 52B]
᭕᭒
ᬗ᭄ᬲᬶᬓᬚᬫ᭄ᬩᬵᬭᬦᬵᬤᬯᬸᬄᬧᬶᬲᬦ᭄ᬫᬋᬢᬸᬳᬸᬦ᭄᭟ᬤᬶᬦᬜᬩᬸᬤᬵᬧᬳᬶᬂᬳᬸᬓᬸᬦ᭄ᬜᬦᬾ᭠ᬯᬭᬓᬹᬃᬢ᭄ᬮᬸᬢ᭄ᬣᬶᬣᬶᬧᬂᬮᭀᬂᬧᬶᬂᬮᬶᬫ᭄ᬫᬵᬰᬰᬶᬄᬓᬢᬶᬕ᭄ᬕᬵᬦᭂᬫᭀᬦᬶᬦ᭄ᬭᬄᬯᬶᬡ᭄ᬥᬸᬢᭂᬗ᭄ᬕᭂᬓ᭄ᬢᭂᬮᬸᬓᭀ
ᬘᬧ᭄ᬇᬰᬓᬜᬲ᭄ᬬᬩᬗ᭄ᬲᬶᬢ᭄ᬦᬗ᭄ᬕᬸᬢ᭄ᬮᬸᬂᬤᬰᬢᭂᬫ᭄ᬯᬂᬢᬗ᭄ᬕᬸᬜᬲᬶᬜᬳ᭄ᬦᬸᬮᬦ᭄ᬢᬂᬢᬸᬳᬸᬄ᭟ᬳᬗ᭄ᬕᬶᬦ᭄ᬧᬳᬶᬗᭂᬢ᭄ᬤᬶᬦᬦᬾᬦᬶᬗ᭄ᬕᬮ᭄ᬤᬾᬰᬵᬤᬶᬦᬵᬕᬭᬦ᭄ᬤᬤᬸᬦᬸᬂᬯᬮᬸᬬᬓ᭄ᬤᬶᬲ᭄ᬤᬤᬶᬳᬓᬸᬗ᭄ᬓᬸᬗᬦ᭄ᬲ᭠
ᬫᬶᬳᬚᬓ᭄ᬧ᭄ᬢᬂᬥᬰᬮᬸᬄᬫᭀᬯᬦᬶᬩᬋᬂᬓᬸᬫ᭄ᬧᬸᬮ᭄ᬱᬸᬮᬓᬺᬢᬾᬂᬓᬸᬦᬵᬩᬬᬵᬢᬸᬓᬵᬧᬓᬶᬃᬢ᭄ᬢᬶᬲᬗ᭄ᬓᬦ᭄ᬩᬸᬓᬵᬚᬦᬶᬢᬫ᭄ᬫᬫᬦ᭄ᬤᬩᬕ᭄ᬬᬓᬩᬭᬦ᭄ᬳᬶᬩᬸᬓ᭄᭞ᬳᬶᬩᬸᬓ᭄ᬓᬗᭂᬦ᭄ᬪᬢᭂᬓ᭄ᬳᬶᬤᬵᬓᬫᬦᬸᬱ
ᬦ᭄ᬲᬢᬢᬵᬩᬸᬓᬵᬤᬸᬤᬸᬢ᭄ᬗᭂᬦᭀᬢ᭄ᬳᬦᬓ᭄ᬘᭂᬭᬶᬓ᭄ᬓᬲ᭄ᬬᬰᬶᬄᬫᬦᬶᬗ᭄ᬕᬮ᭄ᬕᬸᬫᬶᬳᭀᬦ᭄ᬤᬾᬦ᭄ᬦᬯᬂᬮ᭄ᬕᬵᬓᬢᬶᬦ᭄ᬤᬶᬳᬦ᭄ᬮᬭᬵᬦᬧᬸᬢ᭄ᬢᭀᬂᬤᬤᬶᬢᬸᬗ᭄ᬓᬸᬮᬂᬗᭂᬮᬶᬂᬫᬦᬕᬶᬄᬲᬲᬫ᭄ᬩᬢᬦᬾᬫ᭄ᬮᬲᬃ
[᭕᭓ 53A]
ᬱᬵᬭᬱᬳ᭄ᬜᬕ᭄ᬓᭂᬦᭂᬳᬾᬳᬚᬹᬃ᭟ᬢᬺᬱ᭄ᬡᬵᬩᬦ᭄ᬤᬦᬵᬦᬮᬶᬦᬶᬦ᭄ᬳᬫ᭄ᬩᬸᬮ᭄ᬦᬵᬕ᭄ᬕᬧᬱᬫᬗᬶᬫ᭄ᬧᬸᬲ᭄ᬢ᭄ᬓᭂᬓ᭄ᬢᭀᬂᬤᬤᬶᬕᬄᬕᬄᬭᬓᭂᬢ᭄ᬳᬫ᭄ᬩᬸᬮ᭄ᬫᬭᬓᬶᬢ᭄ᬲᬸᬓᬵᬫᬢᬶᬲᬧᬭᬦ᭄ᬓᬾᬯᬮᬵᬲᬸᬩᬵᬫ᭠
ᬤᬸᬮᬹᬃᬩᬋᬂᬦᬾᬢᬸᬢᬸᬕ᭄ᬫᬶᬍᬳᬦ᭄ᬤ᭄ᬫᭂᬦ᭄ᬳᬢᬶᬦᬾᬳᬗ᭄ᬕᭀᬦ᭄ᬲᬗᬹ᭟ᬲᬗᬸᬯᬂᬳᬶᬤᬸᬧ᭄ᬫᬢᬶᬫᬢᬶᬫᬦᬶᬦ᭄ᬤᬶᬳᬂᬧᬢᬸᬢ᭄ᬢᬸᬢᬸᬕ᭄ᬲᬢ᭄ᬓᭂᬤ᭄ᬢᭂᬓᭂᬤᬦ᭄ᬲᬧᬦᬶᬢᬄᬲᬂᬗ᭄ᬬᬂᬯᬶᬥᬶᬫᬸᬂᬧᬸᬂᬳ᭄ᬦᬸᬫᬳᬗ᭄ᬓᬶᬳ
ᬦ᭄ᬳᬸᬭᬶᬧᬾᬤ᭄ᬧᬂᬤᬵᬗᬶᬢᬸᬂᬳᬯᬓᬾᬳᬗ᭄ᬕᭀᬲᬤᬦᬵᬤᬸᬫᬤᬓ᭄ᬫᬗ᭄ᬤᬾᬫᬦᬸᬮᬸᬲ᭄᭞ᬦᬸᬮᬸᬲ᭄ᬓᬲ᭄ᬯᬄᬓᬤᬤᬶᬦ᭄ᬫᬗ᭄ᬤᬾᬲᬤ᭄ᬬᬲᬶᬤ᭄ᬥᬲᬶᬤ᭄ᬥᬵᬩᬋᬂᬫᬤᬸᬮᬹᬃᬦᬾᬳᬧ᭄ᬢᬶᬬᬂᬲᬳᬶᬫᬗᬶᬭᬶᬂᬳᬶᬤᬵ
ᬲᬂᬗᬃᬤ᭄ᬥᬶᬲᬸᬫᭂᬧᭂᬭᬶᬂᬧᬤ᭄ᬥᬳᬧᬂᬤᬵᬩᬸᬯᬶᬦ᭄ᬫᬯᬦ᭄ᬢᬸᬦ᭄ᬬᬦ᭄ᬤᬤᬶᬢᬸᬦᬲᬂᬭᬶᬂᬳᬶᬤᬵᬲᬗ᭄ᬬᬂ᭠ᬯᬶᬥᬶᬳᬶᬤᬵᬲᬂᬭᬹᬫᬓ᭄ᬱᬾᬂᬢᬶᬢᬄᬗᬫᭂᬮ᭄ᬳᬸᬭᬶᬧ᭄ᬲᬵᬃᬯ᭄ᬯᬢᬸᬫᬸᬯᬸ᭞ᬧᬓᬾᬯᭂᬄᬤᬤᬶᬫᬦᬸᬱᬵᬜᬾ
Page:Bali-lontar-gaguritan-maselong-ka-jembrana-350ppi.pdf/53
This page has been proofread.
