[᭗ 7B]
᭗
ᬦᬵᬫᬰᬶᬄᬧᬬᬸᬩᬳᬦ᭄ᬫᬗᬗ᭄ᬓᬸᬳᬂᬳᬯᬓ᭄ᬤᬾᬭᬾᬂᬧᬶᬲᬦ᭄ᬢᬶᬢ᭄ᬬᬂᬫᬓ᭄ᬦᭂᬳᬦ᭄ᬧᬶᬭᬶᬫᬼᬤ᭄ᬓᬾᬦ᭄ᬕᭂᬮᬄᬢᬶᬫ᭄ᬧᬮ᭄᭟ᬤᬸᬭᬸᬂᬧᬶᬲᬦ᭄ᬢᬶᬢ᭄ᬬᬂᬢᬳᬾᬦ᭄ᬗᬶᬧᬶᬗᬫᬼᬤᬂᬫᬦᬫ᭄ᬧᬶᬳᬲᬶᬮᬦ᭄ᬦᬸᬤᬸ᭠
ᬓ᭄ᬱᬮᬭᬦ᭄ᬕᬸᬫᬶᬦᬾᬓᬮᬶᬄᬫᬓ᭄ᬦᭂᬄᬳᬕᬸᬂᬳᬸᬲᬶᬂᬧᬶᬲᬦ᭄ᬢᬳᬾᬦ᭄ᬫᬗᬶᬧᬶᬫᬗ᭄ᬤᬓᬾᬫᬓ᭄ᬫᬶ᭠ᬓᬦ᭄ᬢ᭄ᬓᬾᬦ᭄ᬳᬦᬓ᭄ᬤᬶᬢᬸᬯᬢᭂᬓ᭄ᬱᬦᬾᬢᬳᬾᬦ᭄ᬫᭂᬦ᭄ᬢᬲ᭄ᬓ᭄ᬫᬵᬗᬸᬜᬧᬶᬦᬸᬦᬲ᭄ᬢᬶᬢ᭄ᬬᬂᬭᬶᬂᬯᬶᬥᬶᬲ
ᬓᬾᬯᬮᬦᬹᬚᬸᬫᬄ᭟ᬓ᭄ᬭᬡᬢᬦ᭄ᬤ᭄ᬭᬸᬄᬓᬾᬦ᭄ᬧᬦᬶᬢᬄᬯᬶᬥᬶᬦᬾᬦᬸᬤᬸᬳᬂᬩᬢᭂᬓ᭄ᬓᬫᬦᬸᬱᬦ᭄ᬳᬶᬗᭂᬢ᭄ᬓᬾᬦ᭄ᬓᬧᬢᬸᬢᬦᬾᬤᬤᬶᬓᬾᬦᬾᬓᬢ᭄ᬧᬸᬓ᭄ᬫᬳᬵᬩᬭᬫᬢᬶᬦ᭄ᬤᬶᬄᬢᬶ
ᬦ᭄ᬤᬸᬯᬶᬄᬩᬸᬓᬤᬸᬤᬸᬢ᭄ᬲᬢᬳᬵᬦᬯᬂᬳᬯᬓ᭄ᬮᬘᬹᬃᬚᬸᬫᬄᬫᬢᬶᬍᬲᬂᬳᬯᬓ᭄ᬧᬤᬶᬤᬶ᭠ᬬᬦ᭄ᬳᭂᬜᬾᬦ᭄ᬚᬲ᭄ᬤᭂᬫ᭄ᬩ᭄ᬕᭂᬦ᭄ᬢᬲᬶᬦ᭄ᬳᭂᬦ᭄ᬢᭀᬳᬚᬓ᭄ᬱᭀᬘᬧᬦ᭄᭟ᬤᬤᬶᬓᬾᬦᬾᬳᬚ᭠
[᭘ 8A]
ᬓ᭄ᬤᬤ᭄ᬯᬗ᭄ᬫᬲᬶᬦ᭄ᬮᬳᬦ᭄ᬚᬕᬢ᭄ᬳ᭄ᬜᬾᬦ᭄ᬚᬗ᭄ᬕᬯᬾᬦᬂᬗᬶᬓᭂᬢ᭄ᬭᬚᬧᬶᬲᬸᬦᬦᬾᬯᬲ᭄ᬢᬸᬳᬧᬗᭂᬦ᭄ᬫᬸᬧᬧᬦ᭄ᬩ᭄ᬭᬸᬦᬵᬤ᭄ᬥᬵᬲᬸᬧᬢ᭄ᬩᬸᬯᬶᬦ᭄ᬩᬳᬦ᭄ᬧᬡ᭄ᬥᬶᬢᬥᬃᬫ᭄ᬫᬵᬓᬮᬶᬄᬲᬵᬫ᭄ᬧᬸ
ᬦ᭄ᬧᬸᬢᬸᬲ᭄ᬬᬤᬶᬦ᭄ᬳᬶᬧᬸᬦ᭄ᬗ᭄ᬮᬄᬳ᭄ᬜᬄᬫᬫᬺᬢᬾᬓᬵᬲᬶᬯ᭄ᬯᬩᬸᬤ᭄ᬥᬵᬫᬗᬚᭂᬗᬶᬦ᭄ᬯ᭠ᬲ᭄ᬢᬸᬳᬧᬂᬢᬦ᭄ᬲᬶᬤ᭄ᬥᬵ᭟ᬬᬤᬶᬦ᭄ᬳᬶᬧᬸᬦ᭄ᬚᬳᬾᬦ᭄ᬗ᭄ᬯᬗᬸᬦ᭄ᬓᬾᬃᬢ᭄ᬢᬶᬤᬾᬯᬵᬧᬸᬚᬵᬲᬵᬫ᭄ᬧᬸᬦ᭄ᬫᬳᬶᬘ᭄ᬙᬬᬂ
ᬗᬶᬘᬾᬦᬶᬦ᭄ᬨᬮᬦ᭄ᬓᬶᬃᬢ᭄ᬢᬶᬦᬾᬫᬦᬄᬳᬶᬧᬸᬦᬾᬍᬢᬸᬄᬓᬤᬶᬳᬶᬧᬧᬵᬓᬳᬸᬧᬫᬶᬢᬶ᭠ᬢ᭄ᬬᬂᬕ᭄ᬦᬄᬫᬶᬘᬬᬂᬯᬶᬭᬾᬄᬢᬶᬢ᭄ᬬᬂᬧᬢᬸᬢ᭄ᬪᬝᬵᬭᬲ᭄ᬯᬾᬘ᭄ᬙᬵᬫᬜᬶᬗᬓ᭄ᬓᬧᬢᬸᬢᬦ᭄ᬢᬶ
ᬢ᭄ᬬᬗᬾᬲᬤᬶᬦᬵᬗᬧ᭄ᬢᬶᬫᬗᬃᬘ᭄ᬙᬦᬵᬪᬝᬵᬭ᭟ᬬᬤᬶᬦ᭄ᬢᬶᬢ᭄ᬬᬂᬮᬘᬹᬃᬦᬶᬗ᭄ᬕᬮ᭄ᬕᬸᬫᬶᬢᬦ᭄ᬧᬕ᭄ᬦᬄᬦ᭄ᬤᬤᬸᬦᬸᬂᬲᬢᬢᬵᬫᬰᬶᬄᬳᬶᬗᭂᬢᬂᬕᬫᬦᬾᬲ᭄ᬮᬬᬂᬫᬗ᭄ᬤᬾᬫᬦ᭄ᬤᬸᬲ᭄ᬫᬗᬾᬱ᭄ᬝᬶᬬᬂᬳᬶ᭠
Page:Bali-lontar-gaguritan-maselong-ka-jembrana-350ppi.pdf/8
This page has been proofread.
