[᭑᭑ 11B]
᭑᭑
ᬯ᭄ᬮᬦ᭄ᬤᭀᬫᬓᬤᬶᬫᬶᬯᬄᬢ᭄ᬯᬦ᭄ᬤᭀᬓ᭄ᬢᭂᬃᬲᬸᬫᬃᬢᭀᬯᬢᭂᬓ᭄ᬢ᭄ᬯᬦ᭄ᬳᬦ᭄ᬤᭂᬮᬭᬾᬮᬶᬬᬸ᭟ᬳᬶᬧᬸᬢᬶᬄᬢᬸᬦ᭄ᬤᬾᬦ᭄ᬗᬫᬮ᭄ᬯᬶᬦ᭄ᬫ᭄ᬯᬄᬳᬶᬲᬢ᭄ᬭᬫᬸᬮᬶᬄᬓᬫ᭄ᬮᬵ
ᬦᬕᬦ᭄ᬢᬸᬦ᭄ᬗᬩᬢᬸᬮᬶᬲ᭄ᬮᬶᬬᬸᬫ᭄ᬓᬤᬶᬢ᭄ᬓᬾᬦ᭄ᬢ᭄ᬯᬦ᭄ᬓᬸᬦ᭄ᬢᭂᬮᬶᬃᬫᬗ᭄ᬤᬾᬧᬥᬲᬶᬦᬄᬳᬸᬦᬶᬂᬦᬯᬂᬫᬶᬯᬄᬢᬳᬸᬢᬶᬗ᭄ᬓᬳᬾᬫᬳᬸᬩᬤ᭄ᬓᬲ᭄ᬯᬾᬘ᭄ᬙᬦᬦ᭄ᬩᬦ᭄ᬯᬶᬥᬶ
ᬫ᭄ᬭᬱᬧᬘᬂᬲ᭄ᬕᭂᬃᬳᬾᬗ᭄ᬕᬮ᭄ᬩ᭄ᬯᬶᬦ᭄ᬫᬸᬮᬶᬄᬓᬫ᭄ᬮᬵᬦᬕᬦ᭄ᬢᬸᬦ᭄᭟ᬗᬧᬶᬓᬶᬦ᭄ᬩᬸᬗᬦᬾᬫᬶᬳᬶᬓ᭄ᬚ᭄ᬭᭀᬦᬶᬂᬢᬫᬦ᭄ᬲᬸᬓᬲᬤᬦᬾᬮᬸᬳᬸᬂᬓᬲᬸᬩ᭄ᬳᬸᬮᬶᬂ
ᬫᬮᬸᬢ᭄ᬯᬭᬳᬶᬫᬫᬗᬧᬶᬓᬶᬦ᭄ᬤᬾᬦᬶᬂᬧᬥᬳᬤᬩᬸᬗ᭄ᬳᬵᬫᬬᬂᬩᬸᬗ᭄ᬳᬵᬧᬸᬲᬸᬄᬳᬤᬦ᭄ᬥᭂᬂᬓᭂᬫ᭄ᬩᬂᬳᬤᬤᬲ᭄ᬫᬗᬳᬲᬶᬦ᭄ᬳᬤᬫᬭ
[᭑᭒ 12A]
ᬗᬦ᭄ᬢ᭄ᬬᬂᬫ᭄ᬓᬃᬧᬥᬗ᭄ᬮᬄᬓᬕᬸᬳᬦ᭄ᬮᬸᬳᬸᬂ᭟ᬬᬤᬶᬦ᭄ᬫᬮᬾᬦᬦ᭄ᬓᬭᬲ᭄ᬫᬶᬦ᭄ᬬᬦ᭄ᬳᬶᬗᭂᬭᬂᬧᬯᬓᬦ᭄ᬫᬲᬶᬄᬧᬢᬸᬄᬤᬶᬦᬸᬚᬸᬦᬾᬕᬧᬸᬮ᭄ᬮ᭄ᬕᬦ᭄ᬳᬶᬥᭂ
ᬧᬾᬳᬩᭂᬲᬶᬓ᭄ᬫᬧᬸᬜᬩᬦ᭄ᬓ᭄ᬭᬱ᭄ᬡᬵᬫᬘᬭᬂᬲᬸᬓᬫᬗ᭄ᬮᬗᬸᬦ᭄ᬫᬳ᭄ᬤᭀᬦ᭄ᬳᬶᬦ᭄ᬳ᭄ᬭᬶᬬᬫᬩᬸᬗ᭄ᬳᬵᬮ᭄ᬕᬦ᭄ᬳᬢᬶᬫᬩᬸᬯᬄᬲᬭᬶᬳᬢ᭄ᬫᬚᬵᬫᬶᬳᬶᬓ᭄ᬩᬵ
ᬳᬦ᭄ᬢᬶᬥᭂᬧ᭄ᬭᬳᬬᬸ᭟ᬦᬄᬚᬦᬶᬲᬸᬩᬭᬱᬦᬶᬦ᭄ᬧᬥᬢᬯᬂᬲᬸᬓ᭞ᬤᬸᬳ᭄ᬓᬦᬾᬢ᭄ᬧᬸᬓ᭄ᬧᬤᬓ᭄ᬦᬾᬧᬜᬸᬳᬸᬤ᭄ᬢ᭄ᬯᬭᬩ᭄ᬯᬶᬦ᭄ᬫᬦᬦ᭄ᬤᬗᬶᬦ᭄ᬲᬓᬶ
ᬢ᭄ᬫᬳᬪᬭᬩᬸᬓᬚᬦᬶᬫ᭄ᬭᬫ᭄ᬭᬸᬄᬓᬩᬢᭂᬓ᭄ᬩᬦ᭄ᬢᬶᬢᬄᬢ᭄ᬯᬭᬤᬤᬶᬓ᭄ᬮᬶᬤᬶᬦ᭄ᬚᬦᬶᬳᬯᬓ᭄ᬲᬸᬩᬢᬸᬯ᭄ᬯᬲᬬᬦ᭄ᬗᬦᬢ᭄ᬬᬂᬢ᭄ᬯᬭᬤᬫᬫ᭄ᬧᬸᬄ
Page:Bali-lontar-gaguritan-matamba-ka-jawi-400ppi.pdf/12
This page has been proofread.
