[᭖ 6B]
᭖
ᬍᬫᬸᬄᬫᬕᬾᬮᭀᬳᬦ᭄᭞ᬳᬤᬮᬕᭂᬲ᭄ᬫᬸᬮᬸᬓ᭄ᬩᬗ᭄ᬓᬶᬢ᭄᭞ᬫᬢᬫ᭄ᬩᬸᬦ᭄ᬤᬤᬶᬲᬤ᭄ᬭᬱ᭞ᬲᬓ᭄ᬱᬢ᭄ᬫᬺᬢ᭄ᬣᬲᬜ᭄ᬚᬶᬯᬦᬶ᭞+ᬫ᭄ᬭᬱᬲᭂᬃᬧ᭄ᬭᬚᬦᬶᬓᭂᬧᬸᬧᬸᬗᬦ᭄ᬳᬾ
ᬗ᭄ᬕᬮ᭄ᬩᬗᬸᬦ᭄᭞ᬫᬕᬾᬩ᭄ᬭᬲ᭄ᬗᬸᬲᬧ᭄ᬫᬢ᭞ᬫᬭᬧ᭄ᬤᬲᬗᬶᬯᬲᬶᬦ᭄᭞ᬤᬤᬶᬲᬸᬳᬸᬂᬫᬓ᭄ᬚᬂᬫᬳᬯᬓ᭄ᬕᬮᬂ᭟ᬲᬗ᭄ᬓᬦ᭄ᬩ᭄ᬯᬶᬦ᭄ᬫᬧᬗᭂᬦᬦ᭄᭞
ᬩᬦᬾᬓᬫᬕᬦ᭄ᬗ᭄ᬭᬱᬦᬶᬦ᭄᭞ᬲᬬᬦ᭄ᬫ᭄ᬭᬱᬦᬶᬰ᭄ᬘᬾᬢᬦ᭞ᬫ᭄ᬭᬶᬸᬱᬶᬸᬲ᭄ᬕᬶᬸᬧ᭄ᬭᬶᬸᬚᬶᬸᬦᬶᬸ᭞ᬳᬶᬥᭂᬧᬾᬧ᭄ᬭᬚᬦᬶᬲ᭄ᬧᬶ᭞ᬫᬶᬭᬶᬩ᭄ᬓ᭄ᬦᬧᬗ᭄ᬭᬭᬶᬲ᭄
᭞ᬩᬬᬸᬦᬾᬫᬗᬯᬗᬸᬯᬸᬂ᭞ᬤᬶᬢᬸᬩ᭄ᬯᬶᬦ᭄ᬫᬗᭂᬦᬄ᭞ᬳᬶᬤᬦᬮᬶᬦ᭄ᬭᬸᬧᬤᬤᬶ᭞ᬓᬮ᭄ᬨᬢᬭᬸᬦᭂᬦᬫ᭄ᬯᬶᬚᬶᬲᬸᬢᬾᬚᬩᬸᬗᬄ᭟ᬤᬶᬢᬸ
[᭗ 7A]
ᬳᬶᬦ᭄ᬤᬜᬫᬧ᭄ᬚᬄ᭞ᬬᬦ᭄ᬤᬤᬶᬕᬥᬸᬂᬓᬲ᭄ᬢᬸᬭᬶ᭞ᬫᭂᬦ᭄ᬢᬶᬓ᭄ᬦᭂᬫ᭄ᬘᬭᬗᬮᬶᬫ᭄ᬩᬄ᭞ᬢᬦ᭄ᬫᬭᬶᬗᬬᬸᬄᬗᬮᬶᬮᬶᬢ᭄᭞ᬓᬮ᭄ᬧᬢᬭᬸᬦᬾᬗ᭄ᬭᬯᬶᬢ᭄᭞ᬳᬸᬮᬶ
ᬩᭀᬗ᭄ᬓᭀᬮ᭄ᬢ᭄ᬭᬸᬲ᭄ᬓᬫᬸᬜ᭄ᬘᬸᬓ᭄᭞ᬢ᭄ᬯᬭᬤᬤᬶᬓ᭄ᬮᬾᬲᬂ᭞ᬢ᭄ᬓᭂᬓ᭄ᬜᬗ᭄ᬓᭂᬢ᭄ᬳᬮᬄᬤᬮᬶᬢ᭄᭞ᬲᬬᬦ᭄ᬮᬸᬳᬸᬂᬓᬬᬸᬦᬾᬳᬶᬫ᭄ᬩᬸᬳᬶᬦ᭄ᬧᬳ᭄ᬬᬲ᭄᭟ᬲ
ᬓ᭄ᬥᬧ᭄ᬩ᭄ᬯᬶᬦᬮᬶᬦ᭄ᬯᬃᬡ᭄ᬦ᭞ᬳᬶᬤᬫᬓᬦᭂᬫ᭄ᬫᬦ᭄ᬤᬤᬶ᭞ᬧᬸᬜᬦ᭄ᬩᬸᬗ᭄ᬳᬵᬢᬸᬜ᭄ᬚᬸᬂᬳ᭄ᬫᬲ᭄᭞ᬲᬭᬶᬧᬶᬸᬦᬾᬯ᭄ᬓᬲᬶᬂᬫᬶᬳᬶᬓ᭄᭞ᬫᭂᬦ᭄ᬢᬶᬓ᭄ᬚ᭄ᬭᭀᬦᬶᬂᬲᬭᬰᬶ᭞
ᬳ᭄ᬬᬦ᭄ᬤᬤᬶᬱᬤ᭄ᬧᬤᬵᬗ᭄ᬭᬸᬩᬸᬂ᭞ᬗᬶᬲᭂᬧ᭄ᬲᬭᬶᬦ᭄ᬓᬸᬲᬸᬫ᭞ᬫ᭄ᬭᬱᬤ᭄ᬬᬄᬳᬫᬭᬯᬢᬶ᭞ᬢ᭄ᬯᬶᬓᬬᬸᬦ᭄ᬳ᭄ᬬᬸᬦ᭄ᬮ᭄ᬕᬦᬾᬫᬸᬧᬸᬲᬭᬱ᭟ᬤᬶᬢᬫᬦ᭄ᬩᬸ
Page:Bali-lontar-gaguritan-matamba-ka-jawi-400ppi.pdf/7
This page has been proofread.
