This page has been proofread.
[᭔᭒ 43B]
᭔᭒
ᬲᬸᬓᬩ᭄ᬬᬸᬤᬬᬦᬾᬢᬫᬶ᭞ᬫᬸᬯᬄᬦᬶᬃᬪᬡᬇᬓᬸ᭞ᬓᬳ᭄ᬬᬸᬦ᭄ᬢᬶᬮᬶᬂᬦᬾᬦ᭄ᬢᭂᬦ᭄ᬩᬶᬫ᭄ᬩᬂ᭞ᬯᬲ᭄ᬢᬸᬲᬶᬤ᭄ᬥ᭞ᬧᬘᬂᬧᬗ᭄ᬕᬶᬄᬦᬾᬓᬢᬸᬚᬸ᭞ᬫ
ᬮᬭᬧᬦ᭄ᬲᬸᬭᬸᬦ᭄ᬦᬢᬓ᭄᭞ᬍᬯᬶᬄᬲ᭄ᬯᬾᬘᬦ᭄ᬲᬂᬳ᭄ᬬᬂᬯᬶᬥᬷ᭚ᬳᬸᬮᬶᬚᬦᬶᬧᬵᬢᬹᬢ᭄ᬩᬸᬯᬢᬂ᭞ᬫᬧᬓᬃᬤ᭄ᬥᬶᬢᬧᬩ᭄ᬭᬢᬦᬾᬳᬸᬗ᭄ᬲᬶ᭞
ᬬᭀᬕᬲᬵᬫᬥᬶᬧᬸᬦᬶᬓᬸ᭞ᬳᬧᬂᬫᬵᬦᬹᬢ᭄ᬧᬕᭂᬦᬳᬦ᭄᭞᭠ᬳᭂᬥᬫᭀᬩᬩ᭄᭞ᬤᭂᬫᭂᬦᬾᬫᬗᬸᬮᬸᬓᬸᬮᬸᬓ᭄᭞ᬯᬶᬭᬾᬄᬳᭂ
ᬦ᭄ᬢᭀᬗᬩᬘᬘᬤ᭄᭞ᬲᬗ᭄ᬓᬦ᭄ᬬᬢ᭄ᬦᬳᬶᬦ᭄ᬫᬓᬵᬃᬤ᭄ᬥᬶ᭚ᬬᬦᬶᬂᬫᭀᬫᭀᬓᬧᬸᬘᬸᬓᬂ᭞ᬚᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬚᭂᬗᬳᬾᬧᬘᬂ
[᭔᭔ 44A]
ᬓᬧᬗ᭄ᬕᬶᬄ᭞ᬲᬢᬢᬧᭂᬢᭂᬂᬓᬧᬗ᭄ᬕᬸᬄ᭞ᬢ᭄ᬯᬭᬤᭂᬫᭂᬦ᭄ᬗᬮᬶᬄᬕᬮᬂ᭞ᬫᬫᬸᬯᬶᬓᬶᬦ᭄᭞ᬳᬲᬶᬂᬯᭀᬂᬳᬯᬾᬄᬧᬶᬢᬸᬢᬹᬃ᭞ᬫᭂᬢᬸᬢᬸᬗ᭄ᬓᬲ᭄ᬓᬲᭂ
ᬗᬶᬢᬂ᭞ᬗᬤᬾᬦ᭄ᬢᬶᬫ᭄ᬧᬮ᭄ᬫᬶᬮᬸᬧᭂᬤᬶᬄ᭚ᬦᬵᬗ᭄ᬳᬶᬂᬳᬶᬤᬲᬂᬧ᭄ᬭᬚ᭄ᬜᬦ᭄᭞ᬲᬢᬢᬳᬾᬮᬶᬂᬢᬦ᭄ᬓᭀᬲᭂᬓ᭄ᬫᬭᬶᬂᬳᬢᬶ᭞ᬮᬲ᭄ᬕᬶᬭᬂᬳᬯᬾᬄᬢᬸ᭠
ᬢᬹᬃ᭞ᬦᬾᬦ᭄ᬢᭂᬦ᭄ᬤᭀᬢ᭄ᬓᬧᬸᬚᬶᬬᬂ᭞ᬢᬹᬃᬓᬲᬶᬤ᭄ᬥᬦ᭄ᬗᬃᬤ᭄ᬥᬶᬕᬶᬭᬂᬭᬶᬂᬲᬂᬮᬘᬹᬃ᭞ᬳᬸᬫᬸᬲ᭄ᬗᬶᬘᬾᬦ᭄ᬓᬳᬸᬭᬶᬧᬦ᭄᭞ᬫᬸᬦᬳᬂᬳᬶᬲᬓᬶᬢ᭄ᬳᬢᬶ
᭚ᬳᬸᬮᬶᬚᬦᬶᬧᬵᬢᬹᬢ᭄ᬫᬮᬚᬄ᭞ᬗᬮᬶᬄᬓᬦ᭄ᬢᬶᬫᬲᬶᬄᬬᬦᬸᬫᬫᬶᬮᬶᬳᬶᬦ᭄᭞ᬫᬗ᭄ᬥᬾᬦᬾᬢᬦ᭄ᬲᬶᬤ᭄ᬥᬓᬦ᭄ᬢᬸ᭞ᬤᬲᬭᬶᬦ᭄ᬳᬚᬶᬧᬗ
