This page has been proofread.
[᭖ 6B]
᭖
ᬧᬸᬦᬶᬓ᭞ᬧᭂᬧᭂᬓ᭄ᬲᬳᬸᬧᬘᬭᬦᬶᬂᬲᬚᬶ᭚ᬢᬦ᭄ᬳᬸᬘᬧᬦ᭄ᬧᬸᬧᬸᬢ᭄ᬳᬶᬤᬫᬧᬹᬚ᭞ᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄ᬳᬶᬤᬫᬗ᭄ᬓᬶᬦ᭄᭞ᬫᬗᬸᬗ᭄ᬲᬶᬕ᭄ᬭᬶᬲᬲᭂᬮᬢ᭄᭞
ᬢᬦ᭄ᬯᬃᬡ᭄ᬦᬦᭂᬦ᭄ᬮᬫ᭄ᬧᬳᬶᬤ᭞ᬓᬘᬭᬶᬢᬲᬦᬾᬫᬗ᭄ᬓᬶᬦ᭄᭞ᬲᬸᬭᬸᬧ᭄ᬳ᭄ᬬᬂᬪᬱ᭄ᬓᬭ᭞ᬯᭂᬗᬶᬦᬾᬩᬯᭀᬲᬂᬫᬮᬶᬄ᭚ᬦᬵᬗ᭄ᬳᬶᬂᬢᬫ᭄ᬬᬸᬦᬾᬓ
ᬦ᭄ᬢᬸᬦ᭄ᬫᬲᬦᭂᬓᬦ᭄᭞ᬤᭀᬦᬶᬂᬲᬵᬫ᭄ᬧᬸᬦ᭄ᬫᬚᬜ᭄ᬚᬶ᭞ᬗᬦ᭄ᬢᭀ᭠ᬲᬂᬳᬶᬤᬲᬹᬃᬬ᭄ᬬ᭞ᬲᬤᬸᬭᬸᬂᬳᬶᬤᬧ᭄ᬭᬵᬧ᭄ᬢ᭞ᬳᬶᬕᬸᬭᬸᬗᬦ᭄ᬤᬶᬓᬳᬭᬶᬲ᭄᭞
ᬳᬢᬸᬭᬾᬤᬩ᭄ᬤᬩ᭄᭞ᬕᬸᬂᬳᬫ᭄ᬧᬸᬭᬲᬋᬂᬲᬫᬶ᭚ᬭᬶᬂᬧᬓᬸᬩᭀᬦ᭄ᬳᭂᬦᬳᬾᬓᬮᬶᬦ᭄ᬢᬂᬤᭂᬗ᭄ᬓᬓ᭄᭞ᬢᬸᬄᬓᭂᬧᬶᬂᬮᬶᬤᭀᬂᬕᬶᬕᬶᬲ᭄᭞
[᭗ 7A]
ᬓᬾᬯᬮᬤ᭄ᬋᬯᬾᬬᬂᬧᬶᬲᬦ᭄᭞ᬳᬧᬦ᭄ᬳᬕᬸᬂᬢᬦ᭄ᬧᬢᭀᬭᬢ᭄᭞ᬮᬾᬤᬂᬗᬫ᭄ᬧᬸᬭᬬᬂᬳᬸᬕᬶ᭞ᬲᬓᬾᬫᬯᭀᬦ᭄ᬲᬶᬤ᭄ᬥ᭞ᬓᬳ᭄ᬬᬸ
ᬦᬾᬫᬗ᭄ᬤᬾᬗᬶᬮᬶᬲ᭄᭚ᬭᬶᬂᬲᬵᬫ᭄ᬧᬸᬦᬾᬲᬫᬶᬧᬥᬮᬷᬮ᭞ᬧᬧᬯᭀᬲᬦᬾᬓᬯᬯᬦᬶᬦ᭄᭞ᬫᬗ᭄ᬓᬸᬤᬸᬓᬸᬄᬭᬭᬶᬲ᭄ᬫᬵᬢᬹᬭ᭞ᬳᬶ᭠
ᬗ᭄ᬕᬶᬄᬕᬸᬭᬸᬢᬶᬢ᭄ᬬᬂᬦ᭄ᬤᬯᭂᬕᬂ᭞ᬩᭂᬘᬶᬓ᭄ᬰᬭᬲᬫᬸᬰ᭄ᬘᬬᬳᬫ᭄ᬩᬶᬮ᭄᭞ᬳᬗ᭄ᬕᬾᬦ᭄ᬤᬲᬃ᭞ᬗᬺᬋᬄᬢᬸᬢᬹᬃᬲᬦᬾᬬᬸᬓ᭄ᬢᬶ᭚ᬳᬶᬕᬸᬭᬸᬓᭂᬜᭂ
ᬫ᭄ᬫᬦᬶᬲ᭄ᬢᬸᬃᬳᬗᬸᬘᬧ᭄᭞ᬳᬸᬥᬸᬄᬘᭂᬦᬶᬂᬫᭂᬮᬄᬭᬸᬭᬸᬳᬶᬦ᭄᭞ᬭᭀᬦ᭄ᬢᬮ᭄ᬲᬸᬘᬶᬦᬾᬧᬸᬦᬶᬓ᭞ᬳᬮᬶᬄᬤᬶᬡᬘᬓᬦ᭄ᬤᬦ᭞ᬳᬶᬍ
