[᭑ 1B]
᭑
᭛ᬒᬁᬅᬯᬶᬖ᭄ᬦᬫᬲ᭄ᬢᬸᬦᬵᬫᬲᬶᬤ᭄ᬥᬀ᭛᭐᭚ᬤᬹᬃᬫ᭄ᬫ᭟᭐᭟ᬲᬫ᭄ᬧᬸᬭᬬᬂᬫᬸᬜᬶᬩᬮᬶᬢᭂᬫ᭄ᬩᬂᬤᬹᬃᬫ᭄ᬫ᭞ᬲᬓᬶᬂᬧᬗ᭄ᬓᬄᬫᬗᬯᬶ᭞ᬫᬗᬶᬓᭂᬢ᭄ᬘᬭᬶᬢ᭞ᬢᬦᬶᬦᬯᬂᬩᬩᬲᬦ᭄᭞ᬲᭀᬓ᭄ᬧᭀᬗᬄᬧᬘᬂ
ᬓ᭄ᬤᬾᬓᬶᬦ᭄᭞ᬰᬵᬲ᭄ᬢ᭄ᬭᬗᬸᬭᬶᬘᭂᬓ᭄᭞ᬧᬸᬧᬸᬳᬾᬲᬮᬄᬕᭂᬦ᭄ᬤᬶᬂ᭟᭐᭟ᬫᬫᬹᬃᬡ᭄ᬦᬬᬂᬫᬦᬄᬓᬢᬶᬦ᭄ᬤᬶᬳᬦ᭄ᬮᬭ᭞ᬗᭂᬩᭂᬓᬶᬦ᭄ᬢᬦᬄᬮᬗᬶᬢ᭄᭞ᬲᬢᬢᬧ᭄ᬭᬧᬜ᭄ᬘ᭞ᬢᬸᬯᬶᬢᬦ᭄ᬧᬮᬶᬧᬸᬭᬦ᭄᭞ᬚᬩᬦᬶᬂᬳᬸᬘᬧᬦ᭄ᬳᬚᬶ᭞
ᬳᬗ᭄ᬕᬾᬦ᭄ᬧᬫᬹᬃᬡ᭄ᬦ᭞ᬭᬱᬢᭀᬂᬳᬤᬫᬮᬶᬄ᭟᭐᭟ᬰᬵᬲ᭄ᬢ᭄ᬭᬧᬯᬭᬄᬪᬕᬯᬵᬦ᭄ᬓᬫᬦ᭄ᬤᬓ᭞ᬭᬶᬂᬲᬶᬲ᭄ᬬᬦᬶᬭᬲᬫᬶ᭞ᬩ᭄ᬯᬢ᭄ᬳᬶᬲ᭄ᬢ᭄ᬭᬶᬰᬰᬡ᭞ᬬᬢ᭄ᬦᬗᬫᭀᬂᬰᬭᬷᬭ᭞ᬓᬧᬲᬸᬓᬦ᭄ᬲᬂᬳ᭄ᬬᬂᬭᬢᬶᬄ᭞ᬳᬶᬦᬸᬢ᭄ᬩ᭄ᬭᬫᬢ᭄ᬬ᭞
ᬧᬫᬦᬶᬂᬤᬤᬶᬳᬶᬲ᭄ᬢ᭄ᬭᬶ᭟᭐᭟ᬓ᭄ᬭᬡᬚᬦᬶᬧᬢᬶᬩ᭄ᬭᬢᬦᬾᬮᬦᬂ᭞ᬳᬧᬂᬫᬢᭀᬬᬲᬳᬶ᭞ᬜᬧᬸᬄᬤᬰᬫᬮ᭞ᬦᬗᬸᬦ᭄ᬕᬸᬦᬦᬶᬂᬳᬯᬓ᭄᭞ᬧᬸᬃᬡ᭄ᬦᬫᬢᬶᬍᬫ᭄ᬳᬩᬺᬲᬶᬄ᭞ᬫᬫᬢᬸᬢ᭄ᬧᬳ᭄ᬬᬲ᭄᭞ᬦ᭄ᬭᬧᬂᬲᬃᬯᬯᬯᬗᬶ᭟᭐᭟
[᭒ 2A]
ᬫᬶᬦᬓᬤᬶᬜᬮᬸᬓᬂᬫᬦ᭄ᬢ᭄ᬭᬓᬳᬶᬲ᭄ᬢ᭄ᬭᬶᬬᬦ᭄᭞ᬫᬧᬮᬤ᭄ᬭᬫᬶᬦ᭄᭞ᬩᬗᬸᬦ᭄ᬳᬸᬢᬫᬦᬶᬂᬓᬾᬦ᭄ᬤ᭄ᬭᬦ᭄᭞ᬳᬬᬸᬢᬦ᭄ᬧᬢᬦ᭄ᬤᬶᬗᬦ᭄᭞ᬧᬧᬸᬮᬦ᭄ᬲᬃᬯ᭄ᬯᬫᬦᬶᬲ᭄᭞ᬫᬂᬧ᭄ᬭᬧᬜ᭄ᬘ᭞ᬢᬭᬸᬡᬩᬸᬤᬸᬄᬧᬮᬶᬂ᭟᭐᭟ᬳᬧᬦ᭄ᬚᬢᬸᬓᬃᬫ᭄ᬫ
ᬢᭀᬂᬤᬤᬶᬧᭂᬮᬶᬳᬂ᭞ᬲ᭄ᬢ᭄ᬭᬶᬳ᭄ᬬᬂᬭᬢᬶᬄ᭞ᬳᬶᬮᬸᬄᬫᬯᬓ᭄ᬩᬸᬗ᭞ᬩᬯᬸᬫᬦᭂᬤᭂᬂᬓᭂᬫ᭄ᬩᬂ᭞ᬗ᭄ᬳᬮᬾᬬᭀᬳᬫ᭄ᬧᭂᬳᬂᬳᬗᬶᬦ᭄᭞ᬧᬦᭂᬤᭂᬂᬓᬧᬢ᭄᭞ᬫᬶᬬᬶᬓ᭄ᬗᭂᬩᭂᬓᬶᬦ᭄ᬕᬸᬫᬶ᭟᭐᭟ᬢᬭᬸᬡᬦᬾᬫᬳᬯᬓ᭄ᬢᬫ᭄ᬩᬸᬮᬶ
ᬮᬶᬗᬦ᭄᭞ᬢᬦ᭄ᬫᬭᬶᬗᬮᬶᬄᬫᬶᬳᬶᬓ᭄᭞ᬗᬶᬲᭂᬧ᭄ᬲᬭᬶᬦ᭄ᬩᬸᬗ᭞ᬳᬲᬶᬂᬩᬯᬸᬲᬸᬫᭂᬓᬃ᭞ᬬᭀᬕ᭄ᬬᬫᬫᬶᬮᬶᬄᬫᬶᬮᬶᬳᬶᬦ᭄᭞ᬲᬶᬂᬩᬚᬗᬦ᭄᭞ᬚᬗ᭄ᬓᬸᬢᬶᬦ᭄ᬲᬳᬶᬲᬳᬶ᭟᭐᭟ᬢᬶᬗ᭄ᬓᬳᬶᬂᬫᬓᬃᬫ᭄ᬫᬧᬶᬮᬶᬳᬶᬂᬤᬶᬯ
ᬱ᭞ᬳᬦᬸᬢᬂᬢ᭄ᬓᬾᬦ᭄ᬰᬰᬶᬄ᭞ᬭᬶᬂᬓᬵᬮᬦᬶᬂᬓᬱ᭞ᬓᬢᬸᬚᬸᬫᬧᬸᬫᬳᬦ᭄᭞ᬫᬧᬮᬧᬦᬓᬦ᭄ᬫᬢᬶ᭞ᬭᬸᬲᬓ᭄ᬤᬶᬩᬲᬂ᭞ᬯᬶᬲ᭄ᬬᬦᬶᬂᬳᬭᬶᬳᬭᬶ᭟᭐᭟ᬬᬦ᭄ᬭᬶᬂᬰᬰᬶᬄᬓᬭᭀᬧᬸᬭᬸᬕ᭄ᬫᬧᬸᬫᬳᬦ᭄᭞ᬤᭀᬬᬦ᭄ᬢᬶᬯ
Page:Bali-lontar-gaguritan-stri-sasana-b-300ppi.pdf/2
This page has been validated.
