[᭑᭘ 18 B]
᭑᭘
᭞ᬫᬮᬶᬄᬬᬦ᭄ᬚᬦ᭄ᬫᬵᬩᬸᬤᬸᬄ᭞ᬫ᭄ᬯᬄᬧᬧᭀᬗᭀᬭᬦ᭄ᬤᬾᬯ᭞ᬧᬶᬢᬭ᭞ᬯ᭄ᬦᬂᬢᬶᬢ᭄ᬬᬂᬫᬜᬸ᭠ᬧᬢ᭄᭞ᬫᬮᬶᬄᬬᬦ᭄ᬲᬓᬶᬢ᭄ᬇᬮᬵ᭞ᬲᬤᬸᬭᬸᬗᬦ᭄ᬢᬶᬢ᭄ᬬᬂᬧᬸᬮᬶᬄᬫᬗ᭄ᬮᬸᬓᬢ᭄᭞ᬢᬦ᭄ᬲᬶᬤ᭄ᬥᬵᬯᬭᬲ᭄ᬢᬶ
ᬦᬫ᭄ᬩᬦᬦ᭄᭞᭚ᬫᬢᬹᬃᬳᬶᬢᬭᬸᬲ᭄ᬣᬫᬾᬦ᭄᭞ᬇᬗ᭄ᬕᬶᬄᬤᬕᬶᬂᬢᬶᬢ᭄ᬬᬗᬾᬳᬗᭂᬢ᭄᭞ᬭᬶᬂᬳᬓᬄᬳ᭄ᬢᬶᬲ᭄᭞ᬳᭂᬗ᭄ᬓᭂᬢ᭄ᬧᬸᬢᬶᬄᬧᬦᬲ᭄᭞ᬩᬩᬓᬦ᭄ᬢᬶᬢ᭄ᬬᬗᬾᬤᬤᭀᬲ᭄ᬳᬗ᭄ᬕᬾᬦ᭄ᬢᬫ᭄ᬩᬚᬫ᭄ᬧᬶᬭᬶᬂᬚ᭄ᬭᬶᬚᬶ᭞ᬭ᭞
ᬘ᭄ᬓᬸᬄ᭞ᬫᬶᬜᬓ᭄᭞ᬳᬸᬮᬶᬕ᭄ᬢᬫ᭄ᬩᬸᬲ᭄᭞ᬢᬫ᭄ᬩᭂᬮ᭄ᬢᬢᬸᬦ᭄ᬜᬦᬾ᭞᭚ᬫᬢᬹᬃᬳᬶᬯᬶᬢ᭄ᬫᬦᬲ᭄᭞ᬳᬶᬗ᭄ᬕᬶᬄᬤᬕᬶᬂᬢᬶᬢ᭄ᬬᬗᬾᬧᬦᬲ᭄᭞ᬤᬳᬸᬦ᭄᭞ᬳᬓᬄ᭞ᬩᬸᬯᬄ᭞ᬳ᭄ᬢᬶᬲ᭄᭞ᬤᬤᭀᬲ᭄ᬳᬗ᭄ᬕᬾᬦ᭄ᬢᬫ᭄ᬩᬭᬱᬵ᭞ᬯᭀᬄ
ᬢᬶᬢ᭄ᬬᬗᬾᬓᬶᬓᬶᬄ᭞ᬧᬺᬱᬭᬶᬂ᭞ᬭ᭞ᬲᬭᬶᬓᬸᬦᬶᬂ᭞᭚ᬫᬢᬹᬃᬳᬶᬯᬶᬢ᭄ᬲᬾᬫ᭄ᬧᭀᬮ᭄᭞ᬳᬶᬗ᭄ᬕᬶᬄᬤᬕᬶᬂᬢᬶᬬᬗᬾᬳ᭄ᬢᬶᬲ᭄᭞ᬤᬳᬸᬦ᭄ᬤᬸᬫ᭄ᬮᬤᬵ᭞ᬤᬤᭀᬲ᭄ᬳᬗ᭄ᬕᬾᬦ᭄ᬢᬫ᭄ᬩᬵᬦ᭄ᬧᬦᬲ᭄᭞ᬳᬓᬄ
[᭑᭙ 19 A]
ᬢᬶᬢ᭄ᬬᬗᬾᬋᬋᬄᬳᬗ᭄ᬕᬾᬦ᭄ᬯᬵᬧ᭄᭞ᬲ᭄ᬓᬃᬢᬶᬢ᭄ᬬᬗᬾ᭞ᬢᭀᬬᬦᬾᬳᬗ᭄ᬕᬾᬦ᭄ᬢᬸᬢᬸᬄᬦᬾᬢ᭄ᬭᬵ᭞᭚ᬫᬢᬹᬃᬇᬫ᭄ᬬᬦᬵᬘ᭄ᬫᭂᬂ᭞ᬇᬗ᭄ᬕᬶᬄᬤᬕᬶᬂᬢᬶᬢ᭄ᬬᬗᬾᬳ᭄ᬢᬶᬲ᭄᭞ᬤᬳᬸᬦ᭄ᬢᬶᬢ᭄ᬬᬗᬾ᭞ᬤᬤᭀᬲ᭄ᬳᬗ᭄ᬕᬾᬦ᭄ᬢᬸᬢᬸᬄᬦᬾ᭠
ᬢ᭄ᬭ᭞ᬳᬓᬄᬢᬶᬢ᭄ᬬᬗᬾᬤᬤᭀᬲ᭄ᬳᬗ᭄ᬕᬾᬦ᭄ᬮᭀᬮᭀᬄ᭞ᬤᭀᬦ᭄ᬢᬶᬢ᭄ᬬᬗᬾ᭞᭖᭞ᬩᬶᬤᬂᬲᬋᬂᬭᬶᬂᬍᬗᬶᬲ᭄ᬢᬦᬸᬲᬦ᭄᭞ᬫᬥᬥᬄ᭞ᬳᬗ᭄ᬕᬾᬦ᭄ᬫᬦᬸᬢᬸᬄᬭᬶᬂᬦᬾᬢ᭄ᬭ᭞᭚ᬫᬢᬹᬃᬳᬶᬢᬭᬸᬳᬜ᭄ᬘᬓ᭄᭞ᬳᬶᬗ᭄ᬕᬶᬄᬤᬕᬶᬂᬢᬶᬢ᭄ᬬᬗᬾ
ᬳᬓᬄᬤᬳᬸᬦ᭄᭞ᬧᬸᬦᬶᬓᬵᬢᬶᬲ᭄᭞ᬩᬩᬓᬦ᭄ᬢᬶᬢ᭄ᬬᬗᬾᬤᬤᭀᬲ᭄ᬳᬗ᭄ᬕᬾᬦ᭄ᬢᬫ᭄ᬩᬦ᭄ᬓ᭄ᬜᬵᭂᬮ᭄᭞᭚ᬭᬳᬶᬦ᭄ᬳᬶᬧᬸᬦ᭄᭞ᬫᬲ᭄ᬯᬶ᭞ᬚ᭄ᬩᬸᬕᬵᬭᬹᬫ᭄᭞ᬓᬢᬶᬓ᭄ᬘᭂᬗ᭄ᬓᬾᬄ᭞ᬯ᭄ᬥᬓ᭄ᬦᬵ᭞᭚ᬫᬢᬹᬃᬳᬶᬢᬭᬸᬧᭀᬄᬕ᭄ᬥᬾ᭞ᬳᬶᬗ᭄ᬕᬶᬄ᭠
ᬤᬕᬶᬂᬢᬶᬢ᭄ᬬᬗᬾᬤᬸᬫ᭄ᬮᬤᬵ᭞ᬕ᭄ᬢᬄᬧᬦᬲ᭄᭞ᬤᬯᬸᬦ᭄ᬭᬯᬶᬂᬳᬓᬄᬳ᭄ᬢᬶᬲ᭄᭞ᬩᬩᬓᬦ᭄ᬢᬶᬢ᭄ᬬᬗᬾᬤᬤᭀᬲ᭄ᬳᬗ᭄ᬕᬾᬦ᭄ᬢᬫ᭄ᬩᬦ᭄ᬲᬓᬶᬢ᭄ᬩᬲᬂ᭞ᬚᬕᬓᬭᬸᬭᭀᬦ᭄᭞ᬭ᭞ᬫ᭄ᬜᬦ᭄ᬫᬥᬸ᭞ᬬᬾᬄᬘᬦ᭄ᬤᬦᬵ
Page:Bali-lontar-usada-bayu-400ppi.pdf/19
This page has been proofread.
