[᭖ 6 B]
᭖
ᬕᬗ᭄ᬕ᭞ᬢᬸᬫᬸᬮᬶᬧ᭄ᬭᬶᬣᬶᬯᬶ᭞ᬲᬹᬃᬬ᭄ᬬᬮᬶᬦ᭄ᬢᬂᬢᬺᬗ᭄ᬕᬡ᭄ᬦ᭞ᬬᬲᬓᬾᬂᬭᬶᬓ᭞ᬲᬓᬾᬂᬭᬶᬓᬭᬵᬱᬦᬶᬢᬵᬗ᭄ᬕᬯᬾ᭞ᬫᬓᬳᬶᬲᬶᬲ᭄ᬦᬶᬂᬫᬓᬩ᭄ᬯᬦᬵ᭟ᬗᬪᬓ᭄ᬢᬶᬳᬶᬤᬵᬪᬝᬭᬓᬮᬶᬄ᭞
ᬫᬓᬧᬤ᭄ᬬᬄᬓᬶᬭᬭᬶᬂᬭᬵᬢ᭄ᬓᬩᬾᬄ᭞ᬫ᭄ᬯᬄᬭᬶᬂᬢᬯᬂ᭞ᬳᬮᬸᬗ᭄ᬕᬸᬄᬳ᭄ᬬᬂᬰᬶᬯ᭄ᬯᬵᬢᬶᬕ᭟᭐᭟ᬫᬮᬶᬄᬗᬦ᭄ᬤᬶᬓᬪᬝᬭ᭞ᬳᬸᬤᬸᬄᬲᬗ᭄ᬳ᭄ᬬᬂᬰᬶᬯ᭄ᬯᬓᬮᬶᬄ᭞ᬯ᭄ᬢ᭄ᬯᬂᬬᬾᬳᬾ᭞ᬲᬧᬸᬦᬶᬓᬧ
ᬗᬦ᭄ᬤᬶᬓᬦ᭄ᬪᬝᬭ᭞ᬧᬭᬫᬰᬸᬦ᭄ᬬ᭞ᬑᬁᬫᬭᬶᬂᬩᬚ᭄ᬭᭀᬧᬺᬥᬬ᭞ᬫᬮᬶᬗ᭄ᬕᬭᬶᬂᬲᬶᬕᬃᬩ᭄ᬩᬢ᭄ᬭᬬᬰ᭞ᬫᬭᬡᬩᬯᬦ᭟ᬮᬶᬂᬪᬝᬭᬚ᭄ᬭᬾᬯᬺᬤᬬᬵ᭞ᬑᬁᬦᬷᬦᬷᬪᬝᬭᬷ᭞
ᬉᬁᬓᬓᬶᬪᬝᬵᬭ᭞ᬳᬯ᭄ᬢᬸᬓᬂᬕᬗ᭄ᬕᬵ᭞ᬲᬓᬶᬂᬲᬗ᭄ᬳ᭄ᬬᬂᬚᬕᬢ᭄ᬦᬣᬵ᭞ᬳᬗ᭄ᬩᭂᬓᬶᬦ᭄ᬩᬸᬯᬦ᭞ᬗᭂᬩᭂᬓᬶᬦ᭄ᬳᬫ᭄ᬩᬭ᭞ᬤᬸᬫᬶᬮᬄᬯᬃᬡ᭄ᬦᬦᬶᬭ᭟ᬳᬶᬭᬶᬓᬪᬝᬭᬰᬶᬯ᭄ᬯᬵ᭞ᬪᬝᬭᬶ
[᭗ 7 A]
ᬉᬫ᭞ᬰᬸᬜᬦᬶᬃᬫᬵᬮᬭᬶᬂᬯᬺᬤᬬᬦᬶᬭ᭞ᬳᬗᬯ᭄ᬢ᭄ᬯᬓ᭄ᬦᬢᬢ᭄ᬯᬕᬢ᭄ᬢᬵ᭞ᬲᬓᬶᬂᬪᬝᬭᬰᬶᬯ᭄ᬯᬵ᭟ᬪᬝᬭᬰᬶᬯ᭄ᬯᬵᬫᬧᬲᬾᬗᬦ᭄ᬩᬕᬯᬦ᭄ᬕᬗ᭄ᬕ᭞ᬕᬗ᭄ᬕᬧᬸᬭᬸᬱ᭞ᬩ᭟᭐᭟
ᬫᬮᬶᬄᬯᬶᬚᬶᬮ᭄ᬢᬶᬃᬢ᭄ᬣᬲᬓᬶᬂᬪᬝᬭᬶᬉᬫᬵ᭞ᬫᬧᬲᬾᬗᬦ᭄ᬪᬝᬭᬶᬉᬫ᭞ᬪᬕᬯᬦ᭄ᬰᭀᬫ᭞ᬗ᭞ᬕᬗ᭄ᬕᬵᬧ᭄ᬭᬥᬡᬵ᭟ᬳᬲᬢᬂᬕᬗ᭄ᬕ᭞ᬦ᭄ᬢᬸᬤᬤᬶᬳᬸᬬᬄ᭞ᬲᬓᬶᬂᬪᬝᬭ
ᬓᬮᬶᬄ᭞ᬰᬶᬯ᭄ᬯ᭞ᬉᬫᬵ᭟ᬲᬵᬫ᭄ᬧᬶᬦ᭄ᬢᬶᬩᬪᬝᬭᬓᬮᬶᬄᬭᬶᬂᬕᬗ᭄ᬕ᭞ᬤᬤᬶᬮᬾᬦ᭄ᬭᬲᬦᬾ᭞ᬭᬶᬂᬢᭀᬬᬵᬳᬶᬓ᭞ᬲᬧᬮᬶᬄᬧᬮᬶᬄ᭞ᬲᬯ᭄ᬢᬸᬓ᭄ᬦᬵᬕᬗ᭄ᬕᬮᬯᬦ᭄ᬕᬋᬫ᭄᭞ᬭᬶᬢᬶ
ᬩᬦᬶᬭᬲᬗ᭄ᬳ᭄ᬬᬂᬓᬮᬶᬄ᭞ᬕᬗ᭄ᬕᬤᬤᬶᬧᬲᬶᬄ᭞ᬪᬝᬭᬓᬮᬶᬄ᭞ᬗᬦ᭄ᬤᬶᬓᬳᬶᬤᬵ᭞ᬲᬫᬶᬓᬕᭂᬦ᭄ᬢᭀᬲᬶᬦ᭄ᬧᬲᬾᬗᬦ᭄᭞ᬧᬗᬦᬓᬦ᭄ᬳᬶᬤ᭟ᬦᬷᬦᬶᬪᬝᬭᬶᬕᬗ᭄ᬕ᭞ᬗ᭟
Page:Bali-lontar-usadha-sari-a-350ppi.pdf/7
This page has been proofread.
