CAITLÍN NÍ UALLAĊÁIN.
PEADAR—Caidé an ḟuaim í sin do ċluinnim?
PÁDRAIC—Ní ċluinnim-se dada. (Éisteann sé). ’Seaḋ, cluinnim anois í. Is cosṁail le gárṫaoil í. (Téiḋeann sé go dtí an ḟuinneóg ⁊ breaṫnuiġeann sé amaċ). Ní’l ḟios agam féin ’dé an ċúis gárṫaola atá aca. Ní ḟeicim éinneaċ.
PEADAR—Cluiċe iománaiḋeaċta atá aca, b’ḟéidir.
PÁDRAIC—Ní heaḋ muis’; ní’l aon iománaiḋeaċt indiu ann. Ní fuláir ná gur ṫíos ins an mbaile mór atá an gárṫaoil.
BRIĠID—Tá a spórt féin ag na buaċailliḃ, is dóiġ. (Le n-a fear). Gaḃ i leiṫ annso, a Ṗeadair, go ḃfeicfiḋ tú an ċulaiṫ ḃainse seo Mhiċil.
PEADAR—(Druideann sé anonn ċuig an bórd). Is breáṫ í mar ċulaiṫ gan bréig.
BRIĠID—Is beag baoġal a ḃí ort-sa culaiṫ mar í do ḃeiṫ agat i n-aġaiḋ do ṗósta, aċt gan cóta agat le haġaiḋ an Doṁnaig aċt an oiread le lá ar biṫ eile.
