uray la no maysa a lua, iti barukongna awan rumuar a uray la
no maysa nga asog. Magmagna a kas la adda inna itartarayan,
nalabit li anniniwan daydi amana, nalabit ti umasideg a dawel.
Linasatna ti ili kct nagturong iti ruarna, iti daydi daan a balay
a nabayag a tawcnen a dina napayat. Naaladan iti kabiti a tinubuan dagiti ado a ruruot, daydi balay kasna la paypayapayan; dagiti tawtawana nakalukatda; ti allangigan ipalpallayugna a siraragsak dagiti sangsangana a nagulgulan kadagiti sabsabong; dagiti
kalkalapati lawlalawlawenda nga agtaytayab ti nagtirad nga atep
ti balay da, a napatakder iti tengnga ti minuyungan.
Ngem daydi bumaro saanna a makita dagitoy a ragragsak a igayat ti isusubli iti daan a balay; dagiti matmatana addada a nailansa iti maysa a padi nga inna masabat. Iso ti kura ti San Diego, daydi napanunot a pransiskano a nakitatayon, ti kabusor ti alperes. Ti angin lukutenna dagiti akakaba a bulbulong ti kallugongna; ti abitona a ginggon dumket iti bagina ket inna paglammaen dagiti lupluppona a nakuttong ken nagbikkong bassit. Ti kanawan a imana nagiggem iti baston a palasang a marpil
ti pagiggamanna. Iso daydi ti umuna a panagkita da ken Ibarra. Idi nagsabatda, nagsardeng biit daydi bumaro ket kinitana a nalaing; ni Fray Salvi inlisina dagiti matmatana ket kas la dina nakita.
Maysa la nga apagdarikmat ti panagbayag ti panagduaduana: ni Ibarra nagturong kenkuana a sipapardas, pinagsardengna nga indissuna a sipipigsa ti imana iti abaga daydi padi ket iti timek nga apaman la a nadlaw, —Tnan-anum daydi ama? —sinaludsudna.
Ni Fray Salvi, a sibebessag ken sipipigerger idi mabasana ti ladingit a naiparupa iti bumaro, saan a nakasungbat: kas la napaumel.
—lnan-anom daydi ama? —inulitna a sinaludsod, a timek ti nalemmes.
Daydi padi, a nain-_iot a naglukba babaen daydi ima a nangimameg kenkuana, inangayna amin a pigsana ket simmungbat.
—Narirukayo; awan inar-aramidko iti daydi amayo!
—Awan? —intuloy daydi bumaro nga inmamegna pay inggana iti dina napagparintumeng.
