—Kas kay man la naragsak?—sinaludsod daydi tao iti sao
ti tagalog.
—Pudno, apo kapitan; maragsakannak, ta adda maysa a namnarnak.
—Ja? ket ania a namnama dayta?
—Ti dawel!
Ti dawel! Kayatko ngata ti agdigos?—sinaludsod ti gobernadorsilio iti ina-angaw, a kinitana ti nanumo nga aruat daydi lakay.
—Agdigos . . saan a dakes, nangruna no adda masagapon a rugitl—insungbat ni Tasio iti ina-angaw met, nupay nalais bassit, a kinitana ti rupa ti kasasaona; ngem adda pay la ur-urayek a sabali a banag a nasaysayaat.
—Ania, ngarod?
—Sal-it a mangpapatay kadagiti tattao ken manguram kadagiti balbalay!—insungbat a sidedeggang ti pilosopo.
—Dawatenyo la nga aglayusen!
—Kaikariantay amin, dakayo ken siak met! Dakayo, apo gobernadorsilio, adda binitbityo a sangaarroba a kandela a naggapo ita tienda ni sanglay; siak, nasurok a sangapulo a tawen a igunamgunamkon iti tunggal baro nga agkapitan ti igagatangda iti pagala iti sal-it, ket isuda amin indak kinatawaan, sada gumatang ka dagiti palpaltog kada kukuitis, ket agbayadda iti pannakarepike dagiti kamkampana. Saan la a dayta; dakay pay, iti sumuno nga aldaw daydi panangibagak, nagpaaramidkay ket kadagiti in-insik iti maysa a kampana ni Santa Barbara, idinto ta natuntunanen ti sirib a napeggad ti panaguni dagiti kamkampana no agduldulluog. Ket ibagayo man dapay a idi tawen a 70, idi adda bimtak a sal-it sadi Binyang, iti pay met ket pagkampanaan ti nagbettakanna ket dinadaelna ti pagurasan ken maysa pay nga altar? Ania ti naaramid ti kampana ni Santa Barbara?
Iti daydi a kanito nagkimat.
—Jesus, Maria y Jose! jSanta Barbara bendita! —indayamudom ti gobernadorsilio a bimsag ket nagugis. Ni Tasio nagpagaak.
—Maikarikay nga agpayso iti nagan ti santa a katalekyo!
