—¡Dios ko Dios ko!—indayamudom daydi ina a nagkintayeg.
—¡Sika Apo, ti nangispal kenkuana!
Sana insaruno, idi madama nga agsapsapol iti rigis, danum, suka ken dutdot ti kannaway:
—¡Sangaramayan pay ket patayendakan, patayenda ti anakko! Dagiti sibil dida la laglagipen dagiti inna!
—Ibagayunto a natnagak iti maysa a kayo; awan kuma ti makaam-ammo a kinamatdak.
¿Apay a nabati ni Crispín? — sinaludsod ni Sisa idi maagasanna ti anakna.
Toy inna kinita iti nabayag bassit, sana inarakop, ket sinaritana nga inin-inot daydi maipapan kadagiti onsa; nupay saanna nga inbagbaga dagiti dusdusa nga inpalak-amda iti adina.
—Daydi ina ken daydi anak pinagtibukda dagiti luluada.
¡Ni naimbag a Crispín ko! inda ket pabpabasulenen ni Crispín ko! ¡Gapo ta marigrigat tayo, ket datay a marigrigat intay la amin lak-amen! —indayamudom ni Sisa, a dagiti matmatana a nalapunusda iti lua, inda kitkitaen ti pagsilawan a ti segdenna nganngani maibusen. Kasta da a si-uulimek iti mabayag bassit.
—¿Nangankan? Saan? Adda inapoy ken tuyó.
—Diak makapangan; danum, danum latta ti kayat ko.
—¡Wen! —insungbat ni inana a silaladingit; —ammukon a di mo kayat ti tuyó; adda sabali nga insaganak kenka, ngem immay ni amam, !asi pay ti anakko!
—¿Immay ni ama? —sinaludsod ni Basilio ket inamirisna a dina napupuutan ti rupa ken dagiti im-ima ni inana. Ti saludsod ti anak pinabantutna ti puso ni Sisa, ta naawatanna a nalaing, gapona a dinarasna nga innayon:
—Immay ket sinalsaludsud nakay unay, kayatnakay itay a makita; kasta unay a bisinna. Kinunana a no agtaginayunkay nga agsingsingpet, agsublinto met la nga umay makikabbalay kadatayo.
—¡A! —insengngat ni Basilio, ket dagiti bibbibigna inpakitada ti rurodna. —¡Anakko! —inyanawa ni Sisa. —¡Pakawanéndak, ina! —insungbatna a sidedeggang; —saan
a naim-imbag aya no taltallo tayo, dakayo, ni Crispín ken siak?
—112—
