sitatalek iti daytay panagtalekna dagiti tawtawen nga awan makita
a sabali no di la ti kayat a kitaen. Ni Sisa, wen amin naimbag
amin kenkuana. Ni turog nagsubli a nangin-inot a immapay kadagiti nabannugan a kalkalob dagiti matmata ti ubing, ket ita, ti
Olc-Lukoie a saritaen ni Anderson inna inukrad kenkuana ti nakasaysayaat a payongna, a napunno kadagiti naragsak a naipattupattok.
Agpapa-arab kan pay idin, a kaduana ti adina; agalada kan ka dagiti baybayawas, al-allaga ken sabsabali pay a bungbunga iti bakir; agalla-allatiwda kan kadagiti sangsanga dagiti kaykayo a kas la kulibangbang iti partak; sumbrekda kan kadagiti rukrukib ket makitada nga agraniag kan dagiti digdidingda, agdigusda kan kadagiti ub-ubbog, ket ti darat, balitok da kano a mukumok ket dagiti batbato kas da kan kadagiti batbato ti balangat ni Apo Santa Maria. Dagiti babassit a ik-ikan inda kan ida dandaniwan ken katkatawaan, dagiti mulmula iruknuyda kan dagiti sangsanga da a nagulgulan iti pirak ken bunga. Sa idi kuan, nakakita kan pay idi iti tnaysa a kampana a naibitin iti maysa a kayo, ken tali nga atiddag a pagguyod iti pagpatit: iti daydi tali adda kan naigalot a may sa a baka nga adda umok ti tumaytayab iti nagbaetan dagiti sarsarana, ket ni Crispin adda kan pay idi iti uneg ti kampana, ken no ania pay. Ket nagdardarepdep kadagiti kakasta.
Ngem ni inana, a saan a ti tawen ni Basilio ti tawenna, ket saan pay a nagtaray iti bayat ti maysa nga uras, saan piman a matmaturog.
