—Mamin ado a masarsarakak kadagiti nobnobena ken dadduma pay a pagpagbasaan toy a bilin: Tallo nga “Ama mi," tallo
nga “Abe-Maria" ken tallo a “Gloria-Patri."...
—Ket wen?
—A ket kayatko kuma nga ammuen no kasano ti pananglualo kadakuada: no tallo nga Ama-mi nga agsasaganad, tallo nga AbeMarta nga agsasaruno, ken tallo a Gloria-Patri nga agdadaraddan, wenno mamitlo a maysa nga Ama-mi, maysa nga Abe-Maria ken maysa a Gloria-Patri.
—Kasta, mamitlo daras a maysa nga Ama-mi. ..
Pammakawananyo, ermana Sipa! —insawang ni Rufa: —sabali ti rebbengna a pananglualo: dagiti lallaki, saan a ilalaok ida kadagiti babbai; dagiti Ama-Mi, lallakida, dagiti Abe- Maria, babbaida, ket dagiti Gloria isuda dagiti annakda.
—Ec! pammakawananyo, ermana Rufa; ti Ama mi, AbeMaria ken Gloria kas da inapoy, sida ken digo, maysa a kammet dagiti sasanto . . .
—Marirukayo! jKitaenyo laeng, dakayo, ta kasta ti panaglualoyo, kaano man saanyo a magun-od ti dawatenyo!
—Ket dakayo, ta kasta ti panaglualoyo, awan maal-alayo ka dagiti nobnobena yo! —insungbat ni baket Sipa.
—Asinno? —kinuna ni Rufa a timmakder; —itay nabiit, adda napukaw a burias ko, naglualu-ak ken San Antonio, ket nasarakak, ket nalakok iti nangina, ni!
—Wen? lso met la ti pagkunaan tay karrubayo nga inlakuyo ti buriasna!
—Asinno? jTay awan ti bain! dApay, kas la-ak kad kadakayo...?
Ti maestro napilit a bimiang a namagtalna: awan kadakuadan ti makalagip kadagiti Ama-mi; baboy la ti masasaudan.
Ala ison, isunan, dikay aggaapa gapo iti maysa la a burias! Ermanas! Dagiti Santo a Sursurat ikkandatay iti pagulidamn: dagiti ereje ken protestante saanda nga inapa ni Apo Tayo a Jesukristo a nangitapuak iti danum kadagiti sanga-arban a babbaboy da, ket datayo a kristiano, ket ermanos na tay pay ti Santisimo Rosario, dintay ket paggaapa-anen ti maymaysa la a burias? c'Anianto ti kunada kadatayo dagiti kasalsalisal tayo nge ermano tersero?
