Sadiay kimmita iti amin a suli: dagiti babaunen ken dagiti sakristan inawatda a silalamiis. Nagkablaaw ket apaman la ta inda sinungbatan.
—Adinno ti mabalin a pangikabilak kadagitoy natnateng? — sinaludsudna a di ket nangrikna.
—Sadiay... uray sadinno! —insungbat ti kosinero, nga istay dina pay kinita, ta sipapasnek unay iti aramidna: agidutdutdot iti kapon a manok.
Ni Sisa inna inkabil a inurnos iti rabaw ti lamisaan dagiti tartarong, parparia, kabkabatiti, sarsalida ken dagiti naganos a ug-uggot ti pak6. Sana inparabaw dagiti sabsabong, sa immisem bassit, ket sinaludsudna iti maysa nga ubing a inpagarupna a nalaing bassit ngem ti kosinero:
— Mabalin ngata a makasaok ni apo padi?
—Masakit, —kinuna toy iti nainayad.
—Ket ni Crispin? iAmmuyo no adda idiay sakristia? Daydi ubing kinitana a nasdaawan.
—Ni Crispin? —sinaludsudna ket nagkuribetbet ti kiday na. Awan idiay balay yo? Kayatyo nga ilibak?
—Ni Basilio adda idiay balay; ngem ni Crispin nabati ditoy, —insungbat ni Sisa; —kayatko a kitaen.. .
—Ni —kinuna daydi ubing; —nagbati, ngem kalpasan na.. ., kalpasanna . . . , nagtalaw, nga ado ti tinakawna. T kura binaunnak a nasapa itay bigat iti kuartel a napan nangibaga kadagiti sibil. Napanda ngata idiay balayyon a nangsapol kadagitay ubbing.
Ni Sisa inapputna dagiti laplapayagna, biningngina ti ngiwatna, ngem dagiti bibbibigna nagbanbannugda la a nagtayegteg: awan rimuar nga aweng.
—Ania ket dagiti annakyon! —innayon ti kosinero. —Makita a naimbag kay nga asawa: jdagiti annakyo rimuarda a kas ken ama da! Ket tay basbassit inna pay atiwen!
Ni Sisa nagsangit iti napait, ket naipatugaw iti rabaw ti maysa a bangko.
—Saan kay nga agsangsangit ditoy! —inpukkaw ti kosinero: —saanyo aya nga ammo a masakit ni apo padi? Inkay agsangit iti lansangan.
