- Ti aaduan, ang-ang, inna ngad
- bayadan, maipaay. A asao iti
- inaang-ang tapno maayatan.
Ti danaw, a linawlaw dagiti banbantayna, matmaturog a sitatalna iti daytay kinamanaginkukua dagiti pigpigsa ti Nakaparsuaan, a kas la ket saanna a dinanggayanen ti dawel iti kallabes a rabii. Iti umuna nga anaraar ti lawag a mangriing kadagiti aganandap nga adda iti danum, addada makita a nakudrep iti adayo, idiay nganngani pagpatinggaan ti makita; isuda dagiti barbarangay dagiti agkalkalap a mangakas kadagiti ik-iketda, dagiti kaskasko kada parparaw a mangyukrad kadagiti laylayagda.
Dua a lallaki a nakapanes iti naiget, kitkitaenda a siu-ulimek ti danum manipod iti pantok ti maysa a turod; ti maysa kadakuada, iso ni Ibarra, ket ti maikadua, maysa nga agkabanuag a naalumamay ti takderna ket naliday ti langana.
—Ditoy! —kinuna ti naudi; —ditoy ti nakaipuruakan ti bangkay daydi dakkelyol Ditoy ti nangitulnugan ti agitabtabon kadakami a dua ken teniente Guevara.
Ni Ibarra pinetpetanna a si-iyaman ti ima daydi agkabanuag.
—Awan panggapuanyo nga agyaman! —kinuna toy. —Ado ti utangko a naimbag a nakem iti daydi dakkelyo, ket ti kakaisuna a naaratnidko iso ti innak pananguyog kenkuana iti tanem. Immayak ditoy nga awan am-ammok, awan nangisagot kaniak, awan nagan ko, awan kukuak, a kas ita. Daydi sinukatak binaybay-anna ti pagadalan ta napan naglaklako iti tabako — Daydi dak kelyo iso ti nangaklulo kaniak, inikkannak iti balay ket intedna amin a nasapulko a pinangparang-ay iti panagsursuro; um-umay idi iti pagadalan ket bunbunupgapna iti kuarta dagiti ububbing a marigrigat ken nagaget, ikikkanna ida iti pagbasaan ken papel. Ngem toy, a kas kadagiti amin a naimbag a banbanag, saan a nagbayag!
