adal id pagadalan d ili; iasinno ti mayat nga agpaadal ditoy id
kagudua dayta a kabayag, no makitana a bassit met unay ti bunga
a maapit? Agbasada, agsuratda, ket ipauluda dagiti ado a sasao
ket pasaray pay nagbukbukel a pagpagbasaan a sao ti kastila,
nga awan uray maysa la a sao nga inda maawatan: ania ti maal-alana iti pagadalan ti anak ti agtaltalon ditoy?
—Ket dakayo a makakita iti dakes dapay a diyo pinanunot a inpamuspusan?
—Ay! —insungbatna ket pinagkutina a sililiday ti ulona; —maysa a nakakaasi a mangisursuro, a maymaysana, saanna a masaranget dagiti ado a sabsabali a panpanunot nga adda iti ulo dagiti tattao, saanna a masaranget ti pannakabalin dagiti dadduma. Ti umuna a masapulna, maysa a pagadalan, maysa a yan a pangisuruan, ket saan a kas ita, a mangisuru-ak iti abay ti lugan ti kura, iti sirok ti konbento. Sadiay, dagiti ububbing a kayatda nga ipigsa ti agbasa, danagenda a maipapilit ti kura, iso a no dadduma, umulog a sipupungtot, nangruna no sumro ti ulona, ikkisanna ida ket pasaraynak pagsasawan. Maawatanyo nga iti kasta, saan a mabalin ti mangisuro ken agsursuro; ti ubing saanna a pagraemanen ti mangisursuro manipod iti kanito a pannakakitana nga inda pagsasawan, a dina ket maipalawag met dagiti kalkalinteganna. Ti mangisursuro, tapno madengngeg, tapno saan a pagduaduaan iti turayna, masapulna ti bileg, naimbag a nagan, pigsa a sumnek iti puso, bassit a wayawaya, ket ipalubusyo a saritaek dagitoy naladingit a banbanag a babassit. Kinayatko ti nangipastrek iti baro a pamayan ... ket indak kinatkatawa-an. Tapno maipamuspusak ti dakes a nasaritak kadakayo, pinadasko nga insuro ti sao ti kastila kadagiti ububbing, ta abos man pay ta iso ti bilin ti Turay, kinunak a maysa a saguday ti amin a tao ti inna pannaka-ammo. Inaramatko ti kalakaan a pamayan, insurok dagi ti sasao ken nagnagan, a diak pay inlalaok dagiti an-annuruten ti naurnos a panagsao, ket ur-urayek idi a maisuro kadakuada ti gramatika no indan maawatan bassit ti pagsasao. Kalpasau dagiti sumagmamano a lawlawasna, dagidi kalalaingan nangrugidan a maka-awat ken makasao met bassiten.
Ti mangisursuro nagsardeng ket kasla nagngata; idi kuan, a kasna la naala ti nakemna, intuluyna:
—Saan ko a rebbeng a ibain ti pakasaritaan dagiti linaklak-
