tien ken sursuruten a kanayon dagiti amin a tattao? No pagsasawannak, rebbengko ti agulimek; no sumungbatak, ikkatendak
iti saadko. ket iti kasta, mapukaw iti inggana ti pagsapulak, ket
saan met ngad a gapo iti dayta ti pakairangayan ti panagsursuro,
ngem amin dagiti tattao. indanto ayunan ti kura, indakto ilunod
ket indakto panaganan napasaw, natangsit, napalangguad, dakes a
kristiano, awan sursurona, ket no saan, kabusor dagiti kakastila
ken pilibustero. Saan a urayen ti mangisursuro iti eskuela nga
adda ammona, wenno adda gagetna; isuna la a dawaten kenkuana nga aganos, agpakumbaba, agmayeng ket, pakawanennak ti
Apo, no inlunudko ti kararua ken panunot ko: ngem nayanakak
ditoy a ili masapulko ti agbiag, adda inak, ket bay-akon ti bagik
a yanod ni gasat a kas maysa a bangkay nga abalbalayen dagiti
dadalluyon.
—Ket gapo iti dayta a lapped, kimmapoy a naminpinsanen ti nakem yo? Ket kasta ti panagbiagyo iti kalpasannan?
—Naimbag kuma no nabagbagaannak! insungbatna; —dagdagitay la kuma ti nasaritak dagiti innak linaklak-am a rigrigat! Pudno a nanipod idin, ginurakon ti aramid ko; panpanunutek idin ti agsapol iti sabali a pagbiagak a kas ti daydi sinukatak, ta ti aramid, no di kaay-ayo sa ket ibain, maysa a pagtuukan, ken gapo pay ta ti pagadalan inaldaw a inna ipalagip kaniak ti innak pannakapabain, ket rimsua a napait unay dagiti kakanito a palabasek. Ngem, Pania ngad ti innak aramiden? Saanko a mabalin a ipadlaw ken ina ti pannakaallilawna; masapol a ibagak ken kuana a dagiti tallo a tawtawen a panagrigrigatna a nangted ka niak itoy a pagsapulan, isuda ita ti mangted iti nam-ay ko; masa pol a ipakitak kenkuana a toy a pagsapulan, nadayaw unay, ti aramid, nakaay ayo, ti dalan, namulaan kadagiti sabsabong; ti panagtungpal ko iti annong ko, ado a gagayyem ti inna ited ka niak, ti Ili daydayawennak ket punnuennak iti panagraem; tano saan, a di met ngad mapanawan ti kinadaksanggasat, mamataudak manen iti sabali nga agtutuok, banag toy nga abos man pay ta awan maitedna a naimbag, maysa pay a basol. Nagtaginayunak, ngad, iti saad ko ket diak kinayat a pinakapoy ti nakem ko: pinanggepko ti nakidangadang.
Ti mangisursuro nagsardeng iti nabiit, sana man intuluyen:
—Nanipod iti daydi aldaw a panagsasao da kaniak iti nalabes, inamirisko ti biang ko ket nakitak nga agpayso ti napala-
