Melchor, ken ado pay a Senioras a gapo
a gapo iti ayat ko nga ababa
ti sawek, saan ko nga inagananen, isuda a makitayo nga addada
a si-sasaklang ditoy. Dawatek kadakayo, Seniorias a palubusandak
a umun-una nga agsao ngem ti uray siasinno. Maigasatak ngata
a toy a gimong inna annuguten ti naalumamay a dawatko?
Ket daydi agbitbitla nagtamed a sidadayaw ken makais-isem.
-Mabalinyo ti agsao ta sigagagarkam a dumngeg! -kinuna dagiti gagayyemna a nainaganan ken dagiti pay sabsabali a tat- tao a mangipagarop kenkuana a naindaklan a bumibitla: dagiti lallakay naguyckda a siraragsak ket inda pinagrisrisiris dagiti im- imada.
Ni Kapitan Basilio, kalpasan ti inna panangpunas iti lingetna iti paniona a seda, intuluyna ti nagsao:
-Tangay dakayo, Seniorías, napalalukay a nagimbag ken na- gayat itoy nanumo a biang, babaen ti inkay panangipalubos a siak ti agsao nga umuna kadagiti amin nga adda ditoy a si-sasaklang. aramatekto toy a palubos, a intedyo, a si-aayat ket kunak. Pagpa- garupek iti isip ko nga addaak iti let-ang daydi madaydayaw unay a Senado romano, senatus populusque romanus a kunami kadagidi nasayaat nga al-aldaw a, gapo iti dakes a gasat dagiti tattao, saan danto nga agsublin. ket dawatekto kadagiti Patres Conscripti a kuna kuma ni masirib a Cicerón, no iso ti adda iti yan ko, dawa- tekto, kunak, ta agkurangtayon iti kanito, ket ti kanito, balitok, kas kinuna ni Solomón, a iti daytoy napateg a banag, tunggal maysa inna yebkas ti pamanunutanna iti nalawag, ababa ken na- laka a maawatan. Nasaukon.
Ket sirarag-o iti biangna met laeng ken iti pay met panangi- pasnek dagiti agdengdengngeg, daydi bumíbitla nagtugaw, ngem immuna pay la a kinitana, iti ikikita a mangibaga iti kinangat- ngatona, ni Ibarra nga adda a situtugaw iti maysa a suli, ket kasta met a kinitana iti ado ti kayatna a sawen dagiti gagayyem na a kasna la itay kinuna kadakuada: "Ja! Naimbag ti panag saok aya? Ja!"
Dagiti gagayyemna sinublatda met dagidi nga ikikita, a day- tay inturungda kadagiti agtutubo a kas la itay kayatda ida a pa- patayen iti apa!.
