Nakitada a limmabbaga dagiti daldalluyon, a nalaukanda iti
dará. Ti ubing nga agkalkalap timmapóg iti danom a nagiggem
iti buneng; ti amana simmaruno; ngem apaman la a nakatapuakda,
nakitadan ni Crisóstomo ken ti mangyurit a timmaod a siiggemda
iti bangkay daydi buaya. Toy naukriat a naminpinsan ti
puraw a
buksitna ket iti karabukobna adda a sibabagkong daydi imuko.
Saan a mabalin a ibuksilan ti ragsak: sangaribo a taktakiag ti naigayat a mangaón kadakuada iti danom. Dagiti babbaket kas da napamauyong ket agkakatawa ken aglulualuda. Ni Andeng nalipatanna a ti pagabrawan namitlo a nagluagen: naibelleng amin ti digo ket naiddep ti apoy. Ti laeng saan a makasao, iso ni María Clara.
Ni Ibarra saan a nasugatan; ti mangyurit adda bassit a garad- gad iti takiag na.
-¡Utang ko kadakayo ti biagko! kinunana ken Ibarra a bungbungunenna ti bagina iti ules a lana.
Ti timek ti mangyurit kasla naliday.
-¡Napalalukay a nagtured! -insungbat ni Ibarra; -saanyun- to a padpadasenen ni Apo Mugna.
¡No dika kuma nagsublin! . . . -indayamudom ni María Clara a sibebessag ket agpigpigerger pay laeng.
-No kuman diak nagsubli ket sinurutnak,-insungbat ti bu- maro, a tinuluyna ti kayat a sawen ni María, "iti uneg ti danaw kuma ti yantayon a sangabubungan!"
Ni Ibarra dina malipatan a iti uneg ti danaw iso ti nakaipu- ruakan ti bangkay daydi amana.
Dagiti babbaket dida kayat ti mapanen iti maikadua a pasa- bing, kayatda ti agawiden, ta kunada a dakes ti panangrugi daydi nga aldaw ket mabalin nga ado ti mapagteng a dakes.
-¡Amin toy, maaramid, gapo ngamin ta saan tay a nakimisa! -kinuna ti maysa.
-¿Ngem, ania kad a dakes ti napasamak tayo? appo? -sina- ludsod ni Ibarra. -Ti buaya is-iso laeng ti nakapasamak iti dakes!
-Iso a mangipamatmat,-intuloy daydi nagseminarista,―nga iti bayat i managbasol a panagbiagna, saan a makimisa toy daksanggasat a buaya. Kaano man, diak pay nakakita kadagiti buaya a mapan iti simbaán.
