timmaldiap iti yan dagiti babbaro ken babbalasang, nga addada
nga agkakatawa ken agriri a mangun-unton iti gasat da.
—¡Jake al Rey!—kinuna daydi bumaro.
Ni Kapitan Basilio awan sabali a namuspusanna, no di ti innapanangisalinged iti likudan ti Reina.
—Jake a La Reina!—sinublianna a kinuna ket inbatugna ti torrcna a salsalakniban ti maysa a peon.
Gapo ta dina mabalin a salingdan ti Reina ket dina met mabalin a ikkaten gapo iti Rey, nga adda iti likudanna, ni Kapitan Basilio, dimmawat iti kanitona nga agpanunot.
—¡Si-aayatak unay!—insungbat ni Ibarra.—Adda pay ket innak ibaga kadagiti adda iti daydiay a gunglo.
Ket timmakder a inikkanna ti kaay-ayamna iti apagkapat ti maysa nga uras.
Ni Iday igiggamanna ti karton a nakaisuratan dagiti uppat a pulo ket walo a salsaludsod; ni Albino igiggamanna met ti pagsungbatan.
—¡Ulbod! ¡saan, nga agpayso! julbod! —ipukpukkaw a makasangsangit ni Sinang.
—¿Ania ti simru kenka? —sinaludsod ni Maria Clara.
—Kitaem ta, saludsudek: “¿Kaanunto ti panagnakemko?” timmugkelak, ket ni dayta, ni dayta kura a napuypuyatan, kastoy ket ti inna inbasan: “Inton agbuok ti tukak,” ¿Patiem?
Ket ni Sinang inna minusiigan daydi nagseminarista, iso nga intuluyna ti nagkatkatawa.
—¿Asinno ngamin ti agkuna a saludsudem ti kasta? —kinuna ni kasinsinna a Victoria. —(Ti la panagsaludsod umanayen a pakaikarian iti kasta a sungbat!
—¡Sumaludsudkay met!—kinunada ken Ibarra ket insanguda kenkuana ti pagtugkelan. —Nagnunumuanmi a ti makagun-od iti kasayaatan a sungbat adda awatenna a gungguna nga ipaaymi a dadduma. Nagsaludsudkam aminen.
—¿Ket, asinno ti nakagun-od iti kasayaatan a sungbat?
—¡Maria Clara, ni Maria Clara!—insungbat ni Sinang.
—Pinilitmi a sinaludsudna: ¿“Napudpudno ket a di mamaliw ti ayatna’’? ket ti pagbasaan insungbatna . . .
Ngem ni Maria Clara, a limmabbaga a naminpinsan, inna inappot ti ngiwat ni Sinang kadagiti im-imana ket dina inpalubos a tuluyenna.
