yo sapulcnna ti sabali a tao, ta saan la a pirak ken ayat ti masapol
a pangitungpal; ditoy ili tayo, masapol pay ti napigsa nga anos,
tangken ti nakem ken pammati, ta ti daga a pagmulaan saan a nasagana; bin-ig a dakes a ruot ti adda a nagtubo.
Ni Ibarra maawatanna ti pateg dagitoy a sasao, ngem dina rebbeng a pakapuyen ti nakemna; ti lagip ni Maria Clara iso ti adda iti panunotna: masapol a tungpalenna ti inggayatna.
—¿Awan sabalin a maipatigmaan dagiti padpadasyo no di la dayta narigat unay a pamuspusan? —sinaludsudna, a timekna ti nainayad.
Daydi lakay iniggamanna ti takiagna ket inpanna iti tawa. Maysa nga angin a nalamiis, pakdaar ti dagudog, ti pumuypuyupoy; kadagiti matmatada adda a nayukrad ti minuyungan, a nagpatingga iti nalawa a bakir a kas payen minulmulaan.
—¿Apay a ditay tuladen daydiay nakapoy a mula, daydiay nagulgulan kadagiti sabsabong ken busbusel?—kinuna daydi pilosopo, nga intuduna ti maysa a nalasbang a rosal. Ti angin pumugaw, wagwagenna, ket iso, agdumog a kasna itay ilemmeng ti napateg nga awitna. No sititibker la kuma, matukkol a di sumama, ti angin inna kuma iwarsiwarsi dagiti sabsabong, ket dagiti busbusel inda kuma manasanas. Ti angin lumabas ket ti muia agsubli nga aglinteg, sitatangsit iti ik-ikutanna a gameng, ¿siasinno ti mangbabalaw kenkuana iti inna panagdumog no maipapilit? Sadiay, kitaenyo daydiay dakkel a kupang, a kasta unay a panangitangsitna kadagiti nangato a sangsangana a pagumukan ti agila. Innalak iti bakir idi nakapoy pay la a mula; iti bayat ti mano a bulbulan a innak pinaspasanggiran iti nalap-it a kawayan. No kuman innalak idi dakkelen ken sipupunno iti biag, awan duadua a ditoy saan a nagbiag; ti angin inna kuma winagwag kasangwanan ti pannakaikapetna kadagiti ramramotna iti daga, kasangwanan ti pannakasedsed ti daga iti lawlawna ken kasangwanan ti pannakabalinna a mangala iti taraonna a mainumo iti kadakkel ken katayagna. Kastanto ti pagbanaganyo, mula naggapo sadi Europa ket nayeg ditoy daga a kabatbatuan, no di kay sumapol iti pagsanggiran yo ken no dikay agpakumbaba. Dakes dagiti mailawlaw kadakayo a kaskasa-saad, maymaysa a kayo, sa kay ket nangato: ti daga aggunggon, ti langit ipakdaarna ti yaay ti dawel ken angin ket ti pantok dagiti kaykayo ti nakapututanyo, nakitan nga awidenna ti sal-it. Saan a kinamaingel, no di ket dakes a saan a panagannad,
