—¡Awan! ¡kadagitoy nga al-adlaw nagpukaw iti ili ket saan
da a nasarakan!—insungbat daydi bumaro a kas la dina ammo ti
sasawenna. —Ado pay unay ti inaramid ko, ngem dika agladladingit; ti kura inkarina a badangannak, ket inpatigmaanna ti ado
nga annad ken limed, ta kas la adda biang ti Guardia Sibil. Napigsa ti panangikalikagom ti kura kenkuana!
—¿Di met kinuna idi ti alperes a pasapulna dagiti ububbing?
—¡Wen, a ngem idi na . . . kaimon bassit!
Apaman a nasauna toy idi nakitada daydi agmauyong a guyguyuden, saan a tinengngel, ti maysa a soldado: ni Sisa sumkad piman.
—Sayo pay met tiliwen? ¿Ania ti inaramidna?—sinaludsod ni Ibarra.
—¿Ania? ¿Diyo nakita ti panagririna?—insungbat daydi saluad ti talna ti sapasap.
Daydi agkukutel innalana a dinardaras ti alatna ket immadayo.
Ni María Clara kinayatna ti nagawid, piman ta inna napukaw ti ragsak ken sayaat ti ulona.
—¡Addada met gayam tattao a saan a nagasat! —kinunana.
Idi nakadanon iti ruangan ti balayna, nariknana a nanayunan ti ladingitna idi makitana a ti mangas-asawa kenkuana madi nga umuli ket agpakada:
—¡Masapol!—kinuna daydi bumaro.
Ni María Clara immuli iti agdan a mangpanpanunut iti suron
kadagiti al-aldaw ti piesta, no daytay agdadateng dagiti sangsangaili.
