—¿Ania ti bibiang dayta iti komedia? —insungbat a nakaunget ti napungtot a maestro dagiti Ermanos ti V. O. T.; —!gapo
iti komedia, maipan dagiti karkararua sadi inpierno, ket gapo iti
sermón, maipanda sadi Langit! No sangaribo kuma ti dinawatna,
bayadanmi, ket inkam kuma pay la agyaman . . .
—¡Iti kamaudianan, pudno ti sao yo! —insungbat iti kasta daydi pilósopo;— no kaniak laeng, adadda a paragsakennak ti sermon ngem ti komedia.
—¡No siak, uray ti komedia! —inpukkaw a nakapungtot daydi maysa.
—¡Patiek! juray ania kadakuada, awan met ngamin inkay maawatan!
Ket daydi saan a mamatpati pimmanaw a dina ket inbibiang dagiti pammagsasao ken nakabutbuteng a padpadto daydi makapungpungtot a maestro maipapan iti kasakbayan a biag daydi lakay.
Idi ta ur-urayenda ti Alkalde, dagiti tattao aglinget ket agsuyaabda: maipaypayda dagiti ab-abanikos, kalkallugong kada panpanio; dagiti ububbing aggiikkis ket agsasangitda, iso a dakkel nga aramid dagiti sakristan ti inda kadakuada pammagtalaw iti simbaan. Ti kasta iso ti mamagpanunot iti daydi na-annad ken naa-nat a maestro ti Kofradia ti Santisimo Rosario:
—"Bay-anyo nga umasideg kaniak dagiti ububbing"—kinuna idi ni Apo tayo a Jesukristo, pudro, ngem ditoy rebbeng nga awaten a ububbing a saan nga agsangit]
Maysa a baket a nakaaruat iti ginggon, ni Ermana Pute, kinunana iti apukona, maysa nga ubing a babai nga agtawen ngata iti innem, iso a nakaparintumeng iti abayna:
—¡Nagunggan! jagtalnaka, ta inka dumngeg iti sermon a kas ti daydi nangngegmo idi Biernes Santo!
Ket inna kinuddot a pinangriingna iti kinasingpet ti apukona, iso a nagmisugsog, indusngina dagiti bibbibigna ket pinagkuribetbetna dagiti kidkidayna.
Dadduma kadagiti lallaki nga nakatangad, addada makaturturug iti asideg dagiti konpensonario. Maysa a lakay nga agsusugel inna ipakpakita iti daydi baket, a kasla aglulualo ket inna darasdarasen a yalla allatiw dagiti ramramayna kadagiti binbinuke! ti kuentasna, nga iso daydi ti kasayaatan a panagtungpal
kadagiti bilbilin ti langit, ket nain-inot a inna tinulad.
