dagiti nakarkarbaan, ket inton maiwaraswaras dagiti dapdapoda
iti angin, ket inton mapunas kadagiti pinpinanid ti Pakasaritaan
ti lagipna ken ti lagip dagiti namangon kenkuana, a nabayag.
a napunas iti lagip dagiti tattao; nalabit, inton dagiti tattao,
agraman ti rabaw ti daga, indan maitabon wenno mapukaw, babaen ti maysa a paspasantak, ti gabion ti maysa nga agminminas a
mamagrissik iti natangken a bato, isunto laeng ti makabalin a
mangaon iti uneg dayta a bato kadagiti nalmeng ken di maawawatan. Nalabit dagitinto mamasirib ti pagarian nga agindegto
kadagitoy a yuyyuyeng, indanto adalen, kas panangadal ita dagiti ejiptólogo kadagiti natnatda ti maysa a sursuro a naindaklan
nga awan sabali a pinanunutna no di kinaagnanayon ket dina
piman inatap a bumaba a mangebbet kenkuana ti maysa a rabii a
napalalo a nagunday. Nalabit, maysanto a masirib a mangisursuro
innanto kuna kadagiti ka-ad-adalanna nga agtawen iti lima wenno pito iti maysa a pagsasao a ganap kadagiti amin a tattao:
"¡Appo! kalpasan ti pannakaadal ken naanat a pannakaamiris
dagiti natumtumpungan iti uneg toy daga tayo, kalpasan ti pannakataros dagiti sumagmamano a tantanda ket kasta met dagiti
sumagmaniano a sasao, mabalintay a kunaen, a di ket agbuteng iti
uray apagapaman, a dagitoy a natuntumpungan, kukua ida dagidi naranggas a tawtawen dagiti tattao, dagidi nasipnget nga alaldaw a nagnaganentay iti kas la parparbo a sarsarita. Ket pudno,
appo; tapno adda inkay pakakitaan iti pannakaudi dagidi ap-appo
tayo, umanayen ti panangibagak kadakayo a dagidi nagindeg ditoy saan la nga addada binigbigda nga ar-ari, ngem iti pay pannakataripato dagiti banbanag maipapan iti uneg ti pagilianda,
nasapulda pay laeng ti napan iti sabali a pungto ti lubong, a
kas kuma no kunatayo a maysa a bagi tapno aggaraw masapulna
ti makiuman iti ulona nga adda iti sabali a disso toy Daga, nalabit kadagiti yuyyuyeng a ita addadan a kinaluban dagiti daldalluyon. Toy di nakappapati a kasasaad, nupay kas la di nabalin a naaramid, iti panangipagaropyo, saan a kasta, no intay panuButen ti kasasaad dagidi a nabiag, nga apaman la ta maituredko
ida a naganen tao! Kadagidi nga al-aldaw, a un-unana dagidi
a nabiag addada pay laeng (kasta idi ti panangipagaropda) a makisasao iti Namarsua kadakuada, ta toy addada panpannakabagina,
nabiag a nailanglangitan kadagiti dadduma, ket kanayunda a ma-
