—¡No kasta, ni Apo Mugna inna ida pinarsua ket isuda inda
agkakabil!
—Nupay kasta, rebbengtay a supiaten dayta nga aramid,— kinuna ti sabali nga agad-adal;-ti panagulimek kaibatuganna ti ya-annamong ket ti naaramid mabalin a maulit iti siasinno man kadatayo. ¡Agsublitayon kadagiti al-aldaw ni Nerón!
—¡Mariruka! —insungbat ti maysa; -¡ni Nerón, nalaing nga artista, ket ni Padre Dámaso iso ti kadaksan a sumermon!
Dagiti lumallakay, sabali met ti panarsaritaanda.
Idi ta ur-urayenda ti idadateng ti Kapitan Jeneral iti maysa a balay a bassit iti ruar ti ili, kunkuna ti gobernadorsilio:
—Saan a nalaka nga ibaga no asinno ti addaan ken awanan iti kalintegan; nupay kasta, no ni apo Ibarra nagan-annad bassit...
—No ni Padre Dámaso nagannad kuma iti kagudua ti panagannad ni apo Ibarra, kasta ngata ti kayatyo a sawen —insengngat ni don Filipo. Ti dakes, nagsinnukat dagiti kaskasasaad; ti ubing nagbalin a lakay, ket ti lakay nagbalin a ubing.
—¿Ket, kunayo nga awan nagkuti, awan namagsina kadakuada, no di laeng ti anak ni Kapitan Tiago?—sinaludsod ni Kapitan Martín. —¿Awan naggaraw kadagiti praile, uray ti Alkalde? ¡Jm! ¡Dakdakes manen! Diak man kayat ti maikabil iti yan ti bumaro. Awan makabalin a mamakawan iti inda kenkuana panangkabuteng. !Dakdakes manen, jm!
—Patienyo? —sinaludsod a sigagagar ni Kapitan Basilio.
Urayek,— kinuna ni don Filipo a nakikinnita ken Kapitan Basilio,— a ti ili saanna a baybay-an. baybay-an. Rebbengtay a panunuten dagiti inar-aramid dagidi nagan-annak kenkuana ken dagiti araramidenna ita. Ket no kasta ti ili agtakrot ket agulimek, dagiti gagayyemna ...
—Ngem, appo,— insamang ti gobernadorsilio,—?ania ti mabalin tay nga aramiden? ?ania ti mabalin ti ili? Uray ania ti maar-aramid, dagiti praile kanayon nga adda kalintegan da!
—Kanayon nga adda kalintegan da, a ta kanayon met a intay ited, —insungbat ni don Filipo a di nakapagteppel, ket inna inkaros ti sao a kanayon; —itedtay met maminsan ti kalintegan sa
tayto agsasao!
